المساعده لسائق جديد !!!!

[imi]

السلام عليكم

اخوانى انا لسا جديد فى السواقة بقالى حوالى 3 شهور بسوق .... بس المشكله عندى فى الدبرياج انا عندى لانوس 2 بعانى من طلوع المطالع لازم اشم ريحه الدبرياج بعد كل مطلع صعب انا مش عارف ايه الى عملته غلط

لما ببقى واقف على اى مطلع برفع رجلى من على الدبرياج لغايت محس ان الاسطوانه عشائت فباشيل رجلى من على الفرامل وادى سنه بنزين وانا رجلى لسا على التعشيئه الدبرياج واول ما العربيه تبدتدى تتحرك ارفع رجلى سنه من على الدبرياج وادى سنه بنزين ... كده صح ولا ايه

[Karim_Mohy]

هي العملية كلها بس في الاول احساسك بالعربية واعتقد المشكلة اللي بتواجه حضرتك في الاول علي ماتتعود عليها

اما عن موضوع ريحة الشياط فبصراحة معنديش علم بسببها او لا وان شاء الله الاعضاء يساعدوا حضرتك فيها

[mazenzyad]

رد

السلام عليكم

اخوانى انا لسا جديد فى السواقة بقالى حوالى 3 شهور بسوق .... بس المشكله عندى فى الدبرياج انا عندى لانوس 2 بعانى من طلوع المطالع لازم اشم ريحه الدبرياج بعد كل مطلع صعب انا مش عارف ايه الى عملته غلط

لما ببقى واقف على اى مطلع برفع رجلى من على الدبرياج لغايت محس ان الاسطوانه عشائت فباشيل رجلى من على الفرامل وادى سنه بنزين وانا رجلى لسا على التعشيئه الدبرياج واول ما العربيه تبدتدى تتحرك ارفع رجلى سنه من على الدبرياج وادى سنه بنزين ... كده صح ولا ايه

انا جديد زيك بس بستعمل فرامل اليد ، ليه مبتعملش كده ؟

[imi]

هي العملية كلها بس في الاول احساسك بالعربية واعتقد المشكلة اللي بتواجه حضرتك في الاول علي ماتتعود عليها

اما عن موضوع ريحة الشياط فبصراحة معنديش علم بسببها او لا وان شاء الله الاعضاء يساعدوا حضرتك فيها

المشكله ياكريم ان العربيه مبتبضلش منى و بضلع المطلع بس بحس ان الى عملته غلط يعنى حرقت على الدبرياج عشان كده فى ريحه فياريت حد يقولى الطريقه الصح

انا جديد زيك بس بستعمل فرامل اليد ، ليه مبتعملش كده ؟

انا يا ماذن ببقى دايس على الدبرياج و الفرامل فى الاول بس لما باجى باطلع بشيل رجلى من على الدبرياج سنه لغايت محس ان الاسطوانه عشائت فباشيل رجلى من على الفرامل خالص فالعربيه عمرها ماهترجع واديها سنه بنزين بس انا حاسس فى حاجه خلط بعملها

[abdoumahros]

جرب كده

السلام عليكم
جرب الطريقه دي الاول علي طريق مستقيم لحد ماتتعود وبعد كده علي المطلع
اضغط دبرياج علي الاخر وعشق الفتيس علي الاول وبعدين اضغط سنه بنزين موش عاليه اوي وبرضه موش ضعيفه( هاتييجي معاك بالتجربه ) وثبت رجلك علي البنزين وابدء برفع رجلك من علي الدبرياج بسرعه بس تدريجي ( موش نطر ) وبعد كده زود بنزين تدريجي ان شاء الله بعد التدريب مشكلتك هاتتحل بس عندي نصيحه خللي صديق ليك يسوق العربيه ويجربها احسن تكون اسطوانه الدبرياج جابت اخرها علشان حكايه الريحه اللي بتظهر دي وابقا طمني

[mostafa mahmod]

[انا جديد زيك بس بستعمل فرامل اليد ، ليه مبتعملش كده ؟[/QUOTE]


فرامل اليد فى اللانوس تعبانه موله لازم تكون عامل رجلاش ليها علشان تسعفك فى المطالع


بص يا سيدى انا برضه بسوق من 6 شهور اللى بيحصل فى المطالع انك بتدوس فرامل مع دبرياج لو هتقف قليل انما لو هتطول مور و خلى رجلك على الفرامل بس علشان ديسك الدبرياج و لما تطلع هتجيب الاول و تدوس بنزين بس جامد شويه و تشيل رجلك من عالدبرياج براحه هتلاقيها ريحت منك شويه مش مهم مهو اللى وراك المفروض سايب مسافه بينكوا

او ارفع الهاند و هات الاول و و انت بتطلع عادى خالص نزل الهاند سنه سنه بس متعتمدش على الهاند فى الوقوف على الكوبرى لانها مش هتسعفك

و يا رب اكون افدتك و يا رب اكون انا صح اساسا

[Ashraf_Ibrahim]

الريحة دي ناتجة عن انك ضاغط دبرياج لفترة طويلة
الصح في الوقوف اثناء المطالع والكباري انك تقف بالعربية وترفع فرامل اليد ومن ثم تمور العربية
حبيت تطلع بتدي الأولاني وترفع رجلك سنة من على الدبرياج لحد ما تحس ان العربية عشأت فعلا وان الموتور خد أمر بالحركة ساعتها تددوس سنة بنزين وتنزل فرامل اليد
بكدة متدعبش طقم الدبرياج معاك ومش هتشم روايح تاني
لو فرامل اليد مش بتسعفك يبقا بلاها فرامل اليد واستعمل الفرامل العادية بس الفكرة كلها انك تمور
بس كدة

[imi]

اشكر الجميع على المشاركه وبالفعل هى شكلها هتيجى بالوقت ....

الريحة دي ناتجة عن انك ضاغط دبرياج لفترة طويلة
الصح في الوقوف اثناء المطالع والكباري انك تقف بالعربية وترفع فرامل اليد ومن ثم تمور العربية
حبيت تطلع بتدي الأولاني وترفع رجلك سنة من على الدبرياج لحد ما تحس ان العربية عشأت فعلا وان الموتور خد أمر بالحركة ساعتها تددوس سنة بنزين وتنزل فرامل اليد
بكدة متدعبش طقم الدبرياج معاك ومش هتشم روايح تاني
لو فرامل اليد مش بتسعفك يبقا بلاها فرامل اليد واستعمل الفرامل العادية بس الفكرة كلها انك تمور
بس كدة

بالفعل انا بعمل كده معادا انى مش بامور .... المشكله ان لما بعمل عمليه التعشئ ده وشيل رجلى من الفرامل العربيه مبترجعش لورا تمام ابتدى اديها سنه بنزين فتبدتى العربيه تتحرك اجى اشيل رجل من على الدبرياش سنه بسيطه جدا الاقى العربيه ابتدت تهدى اروح مرجع الدبرياج سنه الاقى العربيه تبدتى تتحرك انا مش عارف هو لازم اعد فى الفتره بتاعت الدبرياج مع البنزين فتره طويل ولا ايه عشان انا خايف احرق الاسطوانه

[magid1010]

يا باشا الموضوع اللى عمله الاستاذ حسين ده بجد تحفه تتعلم منه
http://www.nilemotors.net/Nile/127724-a.html

رائعععععععععععععععع أقراه و ادعيلى الراجل ما سابش حاجه الا لما قالها بالصور و الشرح كمان ربنا يباك ليه

[Ashraf_Ibrahim]

اشكر الجميع على المشاركه وبالفعل هى شكلها هتيجى بالوقت ....



بالفعل انا بعمل كده معادا انى مش بامور .... المشكله ان لما بعمل عمليه التعشئ ده وشيل رجلى من الفرامل العربيه مبترجعش لورا تمام ابتدى اديها سنه بنزين فتبدتى العربيه تتحرك اجى اشيل رجل من على الدبرياش سنه بسيطه جدا الاقى العربيه ابتدت تهدى اروح مرجع الدبرياج سنه الاقى العربيه تبدتى تتحرك انا مش عارف هو لازم اعد فى الفتره بتاعت الدبرياج مع البنزين فتره طويل ولا ايه عشان انا خايف احرق الاسطوانه

وازن ضغطك للبنزين والدبرياج
يعني متشيلش رجلك من على الدبرياج بدون بنزين كدة العزم هيقل معاك اوي
دوس بنزين واحرق متقلقش عشان تدي عزم كويس للموتور عشان ميخسعش معاك في المطالع