الفتيس الهيدروماتيك

[ahmedelzeeny]

ممكن حد يقولى معنى L و 2 وo فى الفتيس الهيدروماتيك ؟ وايه الفرق بين الاتوماتيك والهيدروماتيك

[abulhasan]

طبعا مفيش فرق بين الاوتوماتيك والهيدروماتيك
حرف إل معناها Low يعنى بطيئ وهى الاولانى فى النقل المانيوال من 0 الى 50 كم/ساعه
رقم 2 معناه التانى من 50 الى 100 كم/ساعه
حرف أو ده مش موجود أساسا
المفروض بعد رقم 2 ببجى رقم 3
والله اعلم

[dr_3eshoo]

الكلام الي بيبقى مكتوب على اي فتيس اتوماتك بيختلف من عربيه لعربيه
يعني الال معناه الاول يعني انت ماشي على الاول فقط
2 و ده معناه انك تقدر تمشي على الاول و التاني فقط
اما 0 ده انا مش عارفه الصراحه
اما الاتوماتك و الهايدروماتك ده واحد مفيش فرق

[ahmedelzeeny]

شكرا يا شباب بس o ده انا مشفتوش الا فى عربيه واحد صاحبى معاه لانسر موديل
91 اوتوماتيك

[islamkhidr]

انا عندى 1 و 2 و d3 و d4 و N و P

[Ahmad Allawy]

ممكن يكون موضوع الاو ده يا جماعه الاوفر درايف..
وده موجود كتير في العربيات الامريكاني القديمة..
مش عارف بقي موجود في الجديد ولا لأ..
وده بتستعمله لما بتكون طالع مطالع شديدة او محتاج عزم جامد قوي زي ما تكون بتشد حد بالعربية ولا حاجة..

[tayson54]

ممكن اعرف معني كل واحده من دول
1 و 2 و d3 و d4 و N و P
انا عارف P بستخدم عند ركن العربيه زي المور في الماينوال
و N غالبا للرجوع للخلف
ايه استخدامات باقي الأوضاع بقه ؟

[tayson54]

عرفت معني كل وضع من قرايتي في المنتدي
P بستخدم عند ركن العربيه (وممكن تستخدم N برده وفي الحالتين يستخدم فرامل اليد)
N زي المور في العربيه المانيوال
R للخلف
D للأمام
3 و2 و1 ده لوضع حد اعلي للنقل يعني العربيه متنقلش اكتر من التالت او التاني او الأول حسب الرقم اللي مختاره

الف شكر

[islamkhidr]

عرفت معني كل وضع من قرايتي في المنتدي
P بستخدم عند ركن العربيه (وممكن تستخدم N برده وفي الحالتين يستخدم فرامل اليد)
N زي المور في العربيه المانيوال
R للخلف
D للأمام
3 و2 و1 ده لوضع حد اعلي للنقل يعني العربيه متنقلش اكتر من التالت او التاني او الأول حسب الرقم اللي مختاره

الف شكر

بالظبط كدة

[د-احمد عبد اللطيف]

ممكن يكون موضوع الاو ده يا جماعه الاوفر درايف..
وده موجود كتير في العربيات الامريكاني القديمة..
مش عارف بقي موجود في الجديد ولا لأ..
وده بتستعمله لما بتكون طالع مطالع شديدة او محتاج عزم جامد قوي زي ما تكون بتشد حد بالعربية ولا حاجة..

الاوفر درايف يا أخي يستخدم فقط في الطرق السريعه بعد انتظام السرعه يعني تكون ماشي مشوار طوالي على طريق والسرعه تقريبا ثابته وهو يوفر الوقود نوعا ما
ولا يستخدم في المطالع او الشد في هذه الحاله يجب استخدام low gears مثل 1, 2 او D1 D2 في بعض السيارات

[ahmedelzeeny]

ممكن نغير نقله الفتيس الهيدروماتيك والعربيه ماشيه ؟ اصلى سمعت ان مينفعش ننقل والعربيه ماشيه ولو كده يبقى الواحد ينقل من 1 او2 لd ازاى

[amr_elrashidy]

ممكن حضرتك تنقل من النقلة الاقل للأكبر يعنى ممكن تستخدمه كأنه مانيوال...تجيب 1 و تطلع و تاخد سرعته و تجيب 2 و بعدين 3 و بعدين D و ده حيكمل اذا كان فى نقلة رابعة للفتيس لان الفتايس الاوتوماتيك 3 نقلات او 4 للأمام وR..او Reverse..نقلة عكسية او للخف..و فى عربيات فيها زرار فى عصاية الفتيس بيعمل نفش مفعول الحرق على النقلة او تسقيط نقلة بحيث يديك عزم شديد فى وقت قصير تقدر نسعف نفسك فى اى موقف عاوز سرعة مفاجأة لان الاوتوماتيك بطيئ شوية فى الاستجابة او التسارع..ده طبعا غيير ال N..اللى بيمور..و الP..انتظار..و يستحسن العربية تفضل على الN و تشد الهاندبريك عشان لو حد زقها على الP..ممكن تعمل مشكلة فى الفتيس

[chihab18]

يعني حرف L بستخدم امتي بالضبط ؟
انا دائم امشي علي حرف D ولا لازم ابدل بنهم
السؤال التاني ؟اذ العربيه وقفت فجأة في نص الطريق في شارع زحمه ؟اعمل ايه وانا بسمع دائم ان السيارة الاوتماتيك خطا ان احنا ندفعها علم بن سيارتي مرسيدس دفع خلفي .

[ahmedelzeeny]

شكرا يا استاذ عمرو

[amr_elrashidy]

يعني حرف L بستخدم امتي بالضبط ؟
انا دائم امشي علي حرف D ولا لازم ابدل بنهم
السؤال التاني ؟اذ العربيه وقفت فجأة في نص الطريق في شارع زحمه ؟اعمل ايه وانا بسمع دائم ان السيارة الاوتماتيك خطا ان احنا ندفعها علم بن سيارتي مرسيدس دفع خلفي .

عفوا يااستاذ احمد......بالنسبة لأمتى تستخدم الL...فهو بيستخدم غالبا فى مطلع جامد ...زحمة جامدة و انت متأكد انك مش حتجيب سرعة ازيد من سرعة النقلة الاولى..و دى معناها Low او أقل نقلة فى الفتيس..و طبعا ممكن حضرتك تمشى عليها و لو لقيت نفسك خلاص خلصت المطلع او السكة اتفتحت مش لازم تقف عشان تجيب النقلة الاعلى..ال D ..الحالة الوحيدة اللى تقف فيها لما تحب تجيب الR و متقلقش لو انت ماشى على الD الفتيس مش حيجيب النقلات الاقل 1 او 2 او 3 لان فى نظام امان يمنع تحرك العصاية الا على المور فقط او R ....و اذا العربية وقفت فى وسط الشارع حضرتك تجيب الN..المور و تزق عادى جدا عشان تيجى على جنب السكة..و عشان كده دايما و انت راكن بالذات على مطالع متجيبش الP..هات الN احسن و شد الهاندبريك...الكلام ده كنت بعمله فى عربيتى اللانسر..هذا و الله اعلم و اتمنى تكون معلوماتى كلها صحيحة