زيت فسكو كان هايبوظ العريبة

[Ahmed A Rahman]

مش عارف ليه شاكك فى فيسكو

إنها لعنة أصابت المنتدى يا صديقي

لدرجة اني الموسوس رحت غيرت فيسكو 5000 بعد 6000 كيلو من بعد الرعب اللي سمعته على الزيت ده

وبعدين فوجئت ان المشاكل حصلت من زيت فيسكو 2000 وكمان مع عربيات قديمة وكل اللي جربوا 5000 بيشكروا فيه

بصراحة عمره ما عمل معايا مشكلة في الحبة اللي جربتهم فيه

[AhmadAlaktah]

انا بغير موبيل 3الف كيلو
بسفي ناس كتير بتقولي غير شل الاصفر..... بس مش عارف ايه احسن

[Dr_AHMAD]

ايه سبب علو الصوت يا ترى ؟
زيادة نظافة للتاكيهات ولا حاجة خطر

[Haitham10]

انا كنت قلت في مشاركات سابقة عن الزيت دة
جربت 2000 اول مرة وكان حلو ومفيش مشكلة لما لاقيت صوته اتحول علي ال3000 كم غيرته
وحطيت فيسكو 3000 وقلت اجرب ده المرة دي وصوت الموتور عندي فعلا اتحول وبقي غريب قبل مااوصل 3000كم

وتوبة
وفعلا شل ممتاز وبستعمل الاصفر وسمعت فيه 3000 و5000 و7000
كل واحد ومزاجه بس سألت مهندسين ميكانيكا كتير قالولي 3000كم وهو احسن الوحشين حاليا في السوق لان كله مضروب فجميع الانواع

[Ahmed_lol2007]

يا جماعة أنا بحط الفيسكو ال3000 فى الفيكترا وغيرته 4 مرات فى سنة وفعلا ممتاز وخلى الحرارة اتظبطت بعد شل الاصفر 3000 اللى كان مخليها عالية عن الطبيعى وللعلم الموتور دلوقتى استجابته بقت احسن من لما كنت بحط شل بكتير والحرارة ثابتة على 89 لغاية 92 مش بتزيد على كدة

[moh2006oraby]

كلامك صح ..

[essamfarid]

و الله يا جماعة انا اول ما غيرت من توتال لفسكو 3000 كان كويس و بعد 5000 ابدا صوت الموتور يعلى جدا و بتاخد وقت كبير جدا علشان تسخن و ووقت اكبر علشان تبرد قولت يمكن الزيت عايز يتغير مع ان المفروض انو 15000 و غيرت فيسكو 3000 تاني الموضوع بقى فضيع و بقيت راكب دبابة مش عربية على فكرة عربيتي نيسان صني و نفس السيناريو في النوبيرا و مع زميل في سيراتو المهم روحت نزلت الزيت بعد 2000 بس و غيرت الموبيل 1 العربية بقت ممتازة سحب و صوت