يا جماعة انا النهاردة سوقت

[motazgamal]

النهاردة كانت تاني مرة اسوق اول مرة سوقت علي عربيت والدي وهي jeep shroke بس ماكنتش عارف اثبت ايد علي الدريكسيون لانة كان باور زي المية معرفتش اتحكم في اول مرة
وبعدين جيت النهاردة سوقت علي عربيتي ال127 والحمد للة كنت احسن بكتير و هو كمان كان مبسوط مني لاني سوقت كويس انا سوقت من اول الجلاء لغاية النهضة وطلعت الكباري ونزلت واتعاملت بالاشارات
بس للاسف لبست مطب علي خفيف ياعني وقع البلاستيك بتاع الاشارة الامامية والحمد للة لانها مش غالية دي بتيجي كاملة ب11ج

[Ashraf_Ibrahim]

مبروك يا جميل
حكاية المطب دا عادي جدا وولا يهمك
دا بيحصل مع اجدع سواق انه يلبس مطب في الشوارع العظيمة بتاعتنا دي
السواقة ممارسة يا عزيزي
كل ما تسوق اكتر كل ما هتحس ان السواقة بقت اسهل وممتعة اكتر

[Reem_11691]

انا كنت زيك كدة فى موضوع الدريكسيون كانت العربيه بترقص منى

بس هى بعد مرة ولا مرتين من السواقه خلاص هتعرف تثبته كويس فى ايدك

وربنا معاك ومعايا انا كمان

[madyyuri]

في بداية تعلمي السواقة كنت ببقي متعصب جدا وانا ماسك الدركسيون ومتخشب

دلوقتي بسوق من غير ما امسك الدركسيون اصلا

[motazgamal]

بس بيني بينكم مطب مش باين اوي دي كانت حفرة قليلت الادب ابؤو خليبلكو منها هي في طريق المطار ههههههههه

[dolly13]

اولا الف مبروك انت كسرت حاجز الخوف وبدات تسوق
ثانيا ولا يهمك من موضوع المطبات ده بالتدريج هاتحفظ كل المطبات والنقر والحاجات الحلوة دى وهاتبقى سواق بريمو

[dr_radioooooo]

مبروك
فكرتنى بسعادتى اول لما اتعلمت السواقة

[eldell]

الف مبروك

[KemozTanta]

مبرووك ومتستعجلش انك تبقي سواق كويس .. انت اول سنه دي كلها هتفضل تتعلم فيها كل يوم حاجة جديدة لان في رأي خبرة السواقة اهم من السواقة نفسها وانا دايما اقول لنفسي كدا وياما هتاخد مطباااااااااااااات