يا جماعة فى مشكلة بتضايقنى اوى

[MrClio2002]

السلام عليكم
يا جماعة فى مشكلة بتضايقنى اوى
وافتكرتها عيب من العربية
المهم
لما بكون قريب اوى اوى اوى اوى اوى من مطب او رصيف يعنى الكاوتش الادمانى او الورانى قريب من مطب او من رصيف
المهم بتكون العربية واقفة يعنى
دلوقتى لما بدور العربية و اجيب الاول وارفع رجلى بالراحة من الدبرياج عشان يطلع فوق المطب او فوق الرصيف
اول ما اشيل رجلى خالص الاقى العربية تفصل
و اقوم مدورها تانى و مش بترضى تطلع فوق المطب او الرصيف ده لو يعنى الكاوتش لازق فى المطب او الرصيف و كانت العربية واقفة
دلوقتى ايه المفروض اللى يتعمل فى وضع زى ده ادى عزم للعربية ازاى؟
ماهو لازم اشيل رجلى من عالدبرياج خالص عشان بعد ما يتشال خالص اقوم دايس على دواسة البنزين
ليه بقى بتفصل لما بشيلها خالص؟
مع ان واحد ساقها و بيطلع عادى خالص فى حالة زى دى مش عارف العيب منى فى ايه بالظبط

[MOUSTAFA_SAAD]

دوس سنه زياده بنزين

[MrClio2002]

دوس سنه زياده بنزين

ده قبل مشيل رجلى تماما من عالدبرياج ولا ايه؟

اصل المفروض من التعليم ان لازم اكون شايل رجلى من عالدبرياج تماما عشان ادوس بنزين

[mostafa mahmod]

لا يا باشا ما تشيلش رجلك خالص

انت هتدوس بنزين زياده شويه و انت مثبت رجلك على الدبرياج و بعد كده تشيل رجلك من على الدبرياج سنه سنه - و انت دايس بنزين جامد - لغايه ما تلاقى العربيه بتمشى فتثبت رجلك على الدبرياج على المستوى ده
بس كده لو عايزها تطلع بسرعه اكتر تشيل رجلك من على الدبرياج شويه كمان و خلى بالك كل ده و انت مثبت رجلك على البنزين و بتتحكم بالدبرياج بس

و يا ريت اكون عرفت اشرحلك

[heartbreaker]

ده قبل مشيل رجلى تماما من عالدبرياج ولا ايه؟

اصل المفروض من التعليم ان لازم اكون شايل رجلى من عالدبرياج تماما عشان ادوس بنزين

بص هو الكلام ده لو انت سايق على طريق مستقيم لكن في المطالع و المطبات لازم تدي سنة بنزين مع الدبرياش علشان لما الدبرياش يطلع تكون العربية واخدة عزم

[momo44]

ده قبل مشيل رجلى تماما من عالدبرياج ولا ايه؟

اصل المفروض من التعليم ان لازم اكون شايل رجلى من عالدبرياج تماما عشان ادوس بنزين

ايوة قبل ما تشيل رجلك من على الدبرياج
اديها سنة بنزين
عشان تزود العزم

[mailo]

المفروض عشان العربية تتحرك تكون موازين بين البنزين والدبرياج بالعكس

ويلي إنت اتعلمته صح شيل رجلك من الدبرياج خالص وبعدين دوس بنزين بس ده في حالة إن البنزين عالي لو لأ يبقى لازم تدوس بنزين وده الطبيعي في أي عربية متلعبش فيها
والطبيعي فالمطبات إنك تدي بنزين زيادة عشان العزم يزيد

[a_hmed]

ماهو لازم اشيل رجلى من عالدبرياج خالص عشان بعد ما يتشال خالص اقوم دايس على دواسة البنزين
ليه بقى بتفصل لما بشيلها خالص؟

تمام بس الكلام ده لو انت فى شارع عادى (و ديه بتبقى حركة بدائية الى بيعلمك بيقولهالك فى الاول لكن بعد كدة هتطلع بنزين مع دبرياج مع بعض)

لكن فى المطبات تسيب حبة دبرياج و تزود حبة بنزين مع بعض علشان تديها عزم شوية

[osama.m]

لو الطريق عادي اعمل اللي انت اتعلمتة دا مفيش مشكلة
بس لو على مطب او مطلع طريق يبقى تزيود سنة بنزين عشان العربية تتحرك و تديها العزم
و مش شرط سنة بنزين صغيرة انت اللي هتحس العربية بدأت تتحرك يبقى تتحكم في الدبرياج و انت مثبت البنزين