جهاز تلميع السيارة Dual Action الاقيه فين

[ahmed_afifi84]

السلام عليكم ورحمة الله وبركاته
سؤالي غريب شوية, بس جهاز التلميع والتشميع وإزالة الخدوش Dual Action Polisher الاقيه فين؟
وتقبلوا تحياتي

[momo44]

لو قصدك على صاروخ التلميع
يبقى شارع الجمهورية

[ahmed_afifi84]

لو قصدك على صاروخ التلميع

يبقى شارع الجمهورية

إيه الأنواع الجيدة والمتوفرة هناك, إذا سمحت

[momo44]

apt crown

[zizo50001]

والاسعار اية ياشباب

[adhamhossam]

انا لقيت بعض الصنايعية بيستخدمو صاروخ بيبقي فيه قطعة من الأسفنج المقوي و يقوم بوضع البولش علي جسم السيارة و في أقل من 5 دقايق يكون لمع السيارة كلها و أفضل بكثير من التلميع بألأيدي بتبقي متعبة

سألت عند محل بيبيع الحاجات دي قاللي ان في أسعار مختلفة علي حسب الأستخدام سواء إستعمال فردي كل فين و فين أو إستعمال صنايعية بيبقي علي طول

و الأسعار تبدأ من 80 جنيه للصيني و لقيت واحد ألماني ب 285

[MohssenRashed]

انا اخويا جاب صاروخ مش Polisher هسألو بكام و نوعة اية وارد عليكو ان شاء الله

[kogak1987]

السمكري عندي بيستعمله هو صاروخ عادي جدا بس بتغير الحجر بتاعه بسفنج مقوى زي ما زميلنا بيقول و شوية بولش و عيييش على العربية و بتطلع النتيجة كويسة اوي في واحد اعرفه بيلمع عربية باسات كل اسبوعين ولا حاجة :d

[أبو عبدالله]

لو انت تقصد الجهاز ده


يبقى ممكن تشوف الموضوع ده
@@ بولش بلون العربيه وجهاز Black&Decker للتلميع (تجربة) @@

[ahmedkhater]

انا احب أضيف ان الصاروخ لية مميزات و جهاز التلميع ليه مميزات بس أنا أفضل الصاروخ لسببين انة ممكن تستخدمة في أغراض تاية كتير زي التقطيع و الصنفرة و الجلي للنواكل و الاستانليس بس تغير نوع الاسطوانة الميزة التانية انة بتتحكم فية أسهل لأنه خفيف و أصغر اكتر من جهاز التلميع اللي بيساعدك بس على تلميع المسطحات و المساحات الكبيرة
بالنسبة للميزة الوحيدة لجهاز التلميع انة تقيل شويه فبيسهل عملية التلميع و يوفر عليك مجهود الضغط و انت بتشتغل و ده معمول عشان الناس العادية يبقى استخدامة مريح
بالنسبة للصاروخ ممكن تجيب نوع صيني اتحاد أوروبي سعرة حوالي 180 جنية و دة معمر جدا و ممتاز حتى في شغل الورش يعني كمان ارخص 100 جنية من جهاز التلميع (على فكرة انا مهندس ديكور و الصاروخ دة حاجة اساسية في شغل الموقع و بيفيد في حاجات كتير)

[أبو عبدالله]

على فكره فيه حاجه ممكن كتير منا ميخدشي باله منها
ان جهاز التلميع حركته ليست دائرية ولكن بيضاوية بحيث يعمل ضغط على السطح ذاتي من غير ما انت تحرك الجهاز او تهزه يعني
يعني بيعمل عملية رجرجه ذاتيه لوحده

[momo44]

انا لقيت بعض الصنايعية بيستخدمو صاروخ بيبقي فيه قطعة من الأسفنج المقوي و يقوم بوضع البولش علي جسم السيارة و في أقل من 5 دقايق يكون لمع السيارة كلها و أفضل بكثير من التلميع بألأيدي بتبقي متعبة

سألت عند محل بيبيع الحاجات دي قاللي ان في أسعار مختلفة علي حسب الأستخدام سواء إستعمال فردي كل فين و فين أو إستعمال صنايعية بيبقي علي طول

و الأسعار تبدأ من 80 جنيه للصيني و لقيت واحد ألماني ب 285

منين الاسعار ددى

[prisoner]

منين الاسعار ددى

باشا انت فين ياعم هنا والا هناك انا بصراحة مش عايز اكلمك تكون مشغول والا حاجة اخبارك ايه وحشتنا والله قعدتك

[wlng76]

مسألة الصاروخ دى تمام وافضل مكان لشراء الصاروخ هو الرويعى أعتقد الصغير منه بـ 60 جنية.


لكن المهم لو الصاروخ موجود من أين أجيب الأسفنج ده.

[momo44]

باشا انت فين ياعم هنا والا هناك انا بصراحة مش عايز اكلمك تكون مشغول والا حاجة اخبارك ايه وحشتنا والله قعدتك :y_hi_3[1]::y_hi_3[1]::y_hi_3[1]:

انا موجود هنا
وقاعد معاكو شهر ان شاء الله
بس الصبح فى الشغل وبليل فــــــــــــــــــاضى
وتحت امرك فى اى وقت

على فكرة جوبى فتح تقريبا
وغالبا هروحله اليومين اللى جايين ان شاء الله