محدش جرب يلعب فى كهربة العربية قبل كدة

[YaSSerwIN]

محدش جرب يلعب فى كهربة العربية قبل كدة

أكيد كله بيخاف وبيقلق

انا شايف ان موضوع دفاير العربية دة حاجة سهلة جدا ً

بس محتاجة حبة فهم شوية وذكاء

ياريت كل واحدعنده حاجة ممكن يقدمها فى الموضوع دة يقدمها

بدل ما بتروح لكهربائى يوصلك لمبتين ولا حاجة وياخد فلوس قد كدة عالفاضى


ياعنى عايزين مثلا نركز على كام حاجة وطريقة تركيبهم بشكل واضح مثل

تركيب أنذار - تركيب سنتر لوك - تركيب كاسيت - تركيب فوجات توصيلات الفوانيس الخلفية وطبيعة عمل الفلاشر ... الخ

[د-احمد عبد اللطيف]

تركيب كاسيت و تركيب فوجات دول امرهم سهل
اولا الكاسيت
لو كانت هناك سماعات راكبه اصلا في السياره كل مايجب عليك عمله هو
1- التعرف على الموجب والسالب ثم توصيلهم بالكاسيت الجديد
2-توصيل السماعات الموجب والسالب كل اتجاه على حده وطبعا بالتجربه والخطا ممكن تعرف اليمين من الشمال بسهوله لو كانت الاسلاك في الكاسيت الجديد غير مكتوب عليها
طبعا ده مختصر مفيد ولكن يجب دراسة الامر جيدا قبل البدء فيه


تركيب فوجات
ممكن التركيب بطريقه سهله جدا وهي جعل الفوجات تضئ مع النور العالى او الواطي كما ترغب يعنى مش لازم يكون لها مفتاح مستقل
والطريقه هي قطع السلك الواصل الى الفانوس و توصل عليه الفوجات
اما لو كنت عايز تكون بمفتاح مستقل
فممكن تاخد من الاطراف التى تم توصيلها على الانوار و تركب مفتاح بسيط في التابلوه
وفي هذه الحاله سوف تكون الفوجات تعمل فقط في حالة عمل الانوار
يعني لازم تنور النور الصغير وبعد ذلك تشغل الفوجات
طبعا الموضوع لازم له خبره في الاساسيات يعني ازاي توصل سلكين و الامور البسيطه دي

[YaSSerwIN]

تمام يا a0abde01 عايزين بقا نقدر نحط مخططات لآى توصيلات علشان تبقا سهلة

[l0new0lf]

lazim katawet yerkab 3ashan law dakhalt fogat 3al nor el 3arabeya momken yed33efo 3ashan estehlak el kahraba hayzed, w lama estehlak hayzed momken eselk yeskhan, wel3azel ye2ashar, we selk ylames fil body we ye3mel afla,
we lakadar alaah momken el3arabeya kolaha tewla3
el 3arabeya 12 volt bas aal amper 3andoko kam????
fakar fil selk 3al eno masoret maya, kol ma tkabarha, kol ma zadet elmaya ele gayalak minha
we yaret blash nel3ab fe 7aga e7na mane3rafsh 3anha 7aga,
yaret nes2al we nestafsar el awel

[modux]

انا عن نفسي بركب الكاسيتات في عربيتي بنفسي و السماعات و الجي ام و الصبات

و بغير بطارية عربيتي و بفك اغسل العفشة و اغير تيل الامامية لعربيتي
و اركب عدادات العربية ( لما غيرتها بار بي ام )
و افك التابلوه اغير اللمبات المحرقة
و كده

[mrghost]

الحمد لله انا باعمل كل شغل الكهرباء فى عربيتى وعربيات زمايلى كمان لانى مهندس كهرباء والحمد لله بعمل حوالى 70% من شغل الميكانيكا كمان

[NaderNabil]

كنت بركب الكاسيتات و السماعات
مكن السنتر
تغير الفلاشر
تغير جميع اللمض
فك العدادات و تنظيفها و تغير اللمض التالفه فيها
تركيب بطارية

و فيه بقي أعمال الميكانيكا زي تغيير البوجيهات و الفلاتر و تغيير الزيت و تنظيف الكاربراتير و تركيب التيل الأمامي....و بعض شغل العمرة مع الميكانيكي:)

[mohamed ibiza]

بركب الموبينا و الاسبراتير و البطارية و السماعات اللي في الابواب بس مبحبش اركب اللي في التابلوه و الميكانيكا بوجيهات و فلتر و تنضيف كربراتير و تغيير بلي بس مبحبش اغير بلي عجل ورا لان الظرف لما بيقفش بيقرف جدا و جلب المقصات و زيت موتور بالفلتر

[chihab18]

المشكله في المكان لو في مكان زي محل فاضي ممكن الواحد يعمل كل حاجه في العربيه ويسيب الحاجات التقيله بس

[tmz9111]

الواحد نفسه يعمل كل حاجة فى عربيته

[MoToRiZeR]

انا بركب السيديهات و اطلعها من الكاسيت
دي اقصي كهربا تعاملت معاها الصراحة

و بالنسبة للميكانيكا .. بزود مية المساحات ( مية مية اهوه )

[muslem]

انا بركب السيديهات و اطلعها من الكاسيت
دي اقصي كهربا تعاملت معاها الصراحة

و بالنسبة للميكانيكا .. بزود مية المساحات ( مية مية اهوه )

و و انا برضوة مية مية بفضل فوق الميكانيكي او الكهربائي اقفره لحسن يخمنى و برضوة بتخم مفيش فايدة

[chihab18]

كل الكلام اللي فات حلو قوووووووي
بس محدش قال لنا المفيد في تركيبات كهرباء السيارة