الكشف على الزيت

[linkin2008]

رجالة المتدى انا عايز اعرف احسن طريقة اكشف بيها على زيت الموتور فى ناس قالت لازم الصبح والعربية تكون مركونة بقالها كذا ساعة علشان الزيت يكون ركد تحت و القياس يتطلع مزبوط و فى ناس قالت عكس كده ان لازم العربية تدور 10 دقائق الاول وبعدين تطفى وتقيس انهى كلام الصح ولييه؟
جزاكم الله خيرا

[الصيداح]

الصبح أفضل بالفعل على ما أعتقد
لأنك لو شغلت المحرك لمدة هناك أجزاء من الزيت ستبقى متعلقة بالأجزاء الميكانيكة للمحرك ولن تكون تابعة للمقياس

[HOSSAM99]

السلام عليكم و رحمة الله
بالنسبه لقياس زيت الموتور فحضرتك هاتلاقي معظم الكتالوجات بتنصح بالقياس صباحا و العربيه علي سطح مستوي و تحاول تقيسه 3 مرات
و مستحيل لو العربيه دارت القياس يطلع صح لأن طرمبة الزيت هاترفع الزيت في جميع أنحاء الموتور

[Ashraf_Ibrahim]

مع احترامي الكامل لجميع الأعضاء
المفهوم الشائع لجميع قائدي السيارات أن قياس الزيت يتم والسيارة باردة قبل ما تتحرك على سطح مستوي
هذه المعلومة خاطئة تماما ولن تعطيك قياس زيت مضبوط
الطريقة السليمة لقياس الزيت هي ان يكون محرك السيارة في درجة حرارة تشغيله يعني يكون سخن
الأفضل انك قبل ما تتحرك تشغل العربية لمدة 10 دقائق ومن ثم تطفي العربية وتقيس الزيت ودا هيديك القياس السليم للزيت
او انك تكون راجع من مشوار بسيط وتنتظر مجرد 10 دقائق وتقيس الزيت
في كل الحالات لا يتم قياس الزيت بصورة سليمة إلا والموتور سخن !

[a_hmed]

مع احترامي الكامل لجميع الأعضاء
المفهوم الشائع لجميع قائدي السيارات أن قياس الزيت يتم والسيارة باردة قبل ما تتحرك على سطح مستوي
هذه المعلومة خاطئة تماما ولن تعطيك قياس زيت مضبوط
الطريقة السليمة لقياس الزيت هي ان يكون محرك السيارة في درجة حرارة تشغيله يعني يكون سخن
الأفضل انك قبل ما تتحرك تشغل العربية لمدة 10 دقائق ومن ثم تطفي العربية وتقيس الزيت ودا هيديك القياس السليم للزيت
او انك تكون راجع من مشوار بسيط وتنتظر مجرد 10 دقائق وتقيس الزيت
في كل الحالات لا يتم قياس الزيت بصورة سليمة إلا والموتور سخن !

[linkin2008]

بارك الله فى كل من قام بالرد وانا عمتا بقيس الزيت والعربية باردة بس حجرب اقيس و العربية سخنة كنوع من انواع التغير

[Ashraf_Ibrahim]

بارك الله فى كل من قام بالرد وانا عمتا بقيس الزيت والعربية باردة بس حجرب اقيس و العربية سخنة كنوع من انواع التغير :copy of m-s5:

هو مش نوع من التغيير يا فندم
دا الصحيح على فكرة
حضرتك ادخل على مواقع الشركات العالمية زي شل وكاسترول وغيرهم هتلاقي انهم بينصحوا بقياس الزيت والعربية سخنة
ولو قريت مانيوال عربيتك هتلاقي اكيد انهم كاتبين كدة !

[linkin2008]

هو مش نوع من التغيير يا فندم
دا الصحيح على فكرة
حضرتك ادخل على مواقع الشركات العالمية زي شل وكاسترول وغيرهم هتلاقي انهم بينصحوا بقياس الزيت والعربية سخنة
ولو قريت مانيوال عربيتك هتلاقي اكيد انهم كاتبين كدة !

يا باشا انا عربيتى 128 يعنى لو سالت على كتالوج العربية حتشتمنى فانا كنت مجرد عايز اعرف اعتقد ان كده 50% مع وهى برده و 50% مع وهى سخنة

[zegzaag]

هو الي اعرفو ( يمكن يكون غلط ) ان نتيجة القياس في الحالتين بتختلف
يعني لما العربيه تكون بارده بيكون في نتيجة معينة للقياس يمكن تختلف عن نتيجة القياس والعربيه سخنه لكن ده ميمنعش ان الاتنين صح ولكن ليهم طريقة معايرة معينة حسب عصاية القياس عندك والي عليها وحسب الارشدات والكتيب بتاع عربيتك

[Car's Sniper]

مع احترامي الكامل لجميع الأعضاء
المفهوم الشائع لجميع قائدي السيارات أن قياس الزيت يتم والسيارة باردة قبل ما تتحرك على سطح مستوي
هذه المعلومة خاطئة تماما ولن تعطيك قياس زيت مضبوط
الطريقة السليمة لقياس الزيت هي ان يكون محرك السيارة في درجة حرارة تشغيله يعني يكون سخن
الأفضل انك قبل ما تتحرك تشغل العربية لمدة 10 دقائق ومن ثم تطفي العربية وتقيس الزيت ودا هيديك القياس السليم للزيت
او انك تكون راجع من مشوار بسيط وتنتظر مجرد 10 دقائق وتقيس الزيت
في كل الحالات لا يتم قياس الزيت بصورة سليمة إلا والموتور سخن !

تقريبا ده الصح عشان فى الحالة دى هيكون الزيت فى المستوى الطبيعى اثناء تحريك السيارة وكمان احنا مابنمشيش بالعربية غير لما الموتور يسخن