نفسي احافظ علي عربيتي...اغير ايه وامتي واكشف علي ايه كل اد ايه؟؟؟؟

[drshaheen]

الحقيقه اني اول عربية جبتها كانت مستعملة بس كانت عروسه وانا شلفطتها وبعدين بعتها
واشتريت عروسة تانيه لانوس 2008 كامله مانيوال عوز اعرف اغير ايه فيها وكل كام كم واكشف علي ايه كل اد ايه ؟؟؟؟؟
رجاء اللي عنده معلومه مؤكده ما يبخلش عليا بيها وجزاااااكم الله خيرا

[Ashraf_Ibrahim]

لو حضرتك عملت زيارة بسيطة لقسم دايو وشفروليه لانوس هتلاقي هناك جداول الصيانة ويشرحولك اكتر تعمل ايه وامتى في عربيتك
ومبروك على الهربية وربنا يكرمك بخيرها ويحميك من شرها
اللهم امين

[mahmoudysf]

اولا مبروك عليك
شرفنا في قسم الدايو هتجد مايسرك

[M_selim]

أهلا بالاخ درش

أنا حسب معلوماتي أول شئ بتغير السيور كلها مع شراء العربية الا لو كان المالك القديم عنده نوتة مسجل فيها أمتى غير السيور أو كان عارف غيرهم عند أي قراءة للعداد .

في قاعدة ظريفة واحد علمها لي و أرجو أن يصححني باقي الاخوة

قاعدة : 10 , 20 , 30 , 40 , 50 الف كيلو

كل 10 آلاف تغير فلتر البنزين و تنظف الكاربيراتير

كل 20 الف كيلو تغير فلتر الهواء و البوجيهات .

كل 30 الف كيلو تغير زيت الباور و السيور .

كل 40 الف كيلو ممكن تغير السيور لو ضامن صناعتها و تغسل دورة التبريد .

كل 50 الف كيلو تغير فرد الكاوتش و يستحسن عند 45 الف كيلو .

ملحوظة بالنسبة لدورة التبريد كل 40 الف كيلو أو سنتان ايهما أقرب بتغسل الرادياتير و دورة التبريد كلها و تغير المياه
لو بتستعمل مياه خضراء أو حمراء .

ميشيل سليم

[Dr_ElSioufy]

حلوه القاعده دي كنت محتاجها فعلا

[besso]

حضرتك تقدر تجيب كتالوج الصيانه للسياره وتمشى عليه بالحرف الواحد