الإخوة الأفاضل :كيف أتجاوز إختبار الحرف s

[gabooor]

الإخوة الأفاضل
مقدم على إختبار الحرف s كيف أتجاوزه .. بمعنى ما هو التكنيك أو متى أتخذ قرار تغيير الإتجاه حتى لا تضيق المسافة ويقع العسكرى... ما هى نصائحكم العملية ويا حبذا وجود فيلم فيديو يوضح.
وشكراً

[Ayman-Ahmed]

اهم حاجة متوقعش العسكرى.:)

وده فيديو لحرف ال S

YouTube - ‫ظپظٹط¯ظٹظˆ ط§ط®طھط¨ط§ط± ط§ظ„ظ…ط±ظˆط± ط§ظ„ط¹ظ…ظ„ظٹ طط±ظپ ط§ظ„ط§ط³ s ط¨ط§ظ„طھظپطµظٹظ„ ططµط±ظٹط§ ظ…ط¹ ط§ظƒط§ط¯ظٹظ…ظٹط© طھط¹ظ„ظٹظ… ط§ظ„ظ‚ظٹط§ط¯ط© ط¨ط§ظ„ط§ط³ظƒظ†ط¯ط±ظٹط© 0170656346 0110677682‬‎

واللى انا فاكره واهم حاجة انك تنزل المرايتين لتحت شوية عشان تعرف تشوف الاقماع كويس.

ربنا يوفقك.

[masterzmind]

والله ربنا يكرمك عشان فى ناس كتير كان عندها اسئلة كتير

[osama.m]

حضرتك دي صورة عملتها عشان توضحلك الخط اللي المفروض تمشي علية و حضرتك راجع بالعربية
الفكرة كلها ان انت تقرب جامد من العسكري اللي هتحود من عندة و اول ما شنطة العربية تعدية تلف الدركسيون كلة

و بردو لو في اي استفسار احنا موجودين و ربنا معاك ان شاء الله

[ahmedsy]

وانتا طالع لقدام تكسر اول ما القرطاس يبقى فى نص العربيه ودى قاعده مهمه فى السواقه)
وانتا راجع بقى تكسر اول ما العجله اللى ورا تبقى جمب القرطاس اللى انت بتكسر عليه
طبعا المشكبه كلها فى الرجوع هوا القرطاس التانى فتخلى بالك منه وياريت وانت بترجع متبعدش عنه لان ده خطا شائع
المهم اول ما يظهرلك القرطاس التانى فى المرايه اكسرعليه وانت راجع بالراحه

[gabooor]

الإخوة الأفاضل
أولاً : أشكركم شكراً جزيلاً على تعبكم ومجهودكم جميعاً فذلك من كرم أخلاقكم
ثانياً : أنا مبتدىء بالسواقة وما يهمنى قبل إجتياز إختبار السواقة هو التدريب وفقاً لأسس وقواعد علمية ، وأنا فى طريقى الأن بعد أن تدربت لفترة على السواقة فى منطقة خالية أن أتدرب على إختبار حرف s لأنه فى إعتقادى ما سيؤهلنى ويشجعنى للخروج إلى الشارع المزدحم.
لذا ليكن هذا النقاش فرصة للمبتدئين أمثالى للتعلم والإستفادة من الأكثر خبرة أمثالكم.
ثالثاً : الأخ ahmedsy والأخ osama.m السؤال هو:
- هل القاعدة عند الذهاب أماماً .أمشى فى المنتصف ثم أكسر عندما يكون القمع عند نصف السيارة ، أم أمشى بجاب القمع الذى سوف أكسر عنده عندما يكون بمنتصف السيارة.
- وأنا راجع للخلف . هل أمشى بجانب القمع الذى سوف أكثر من عنده ، وهل قرار الكسر سيكون عندما القمع يكون بجوار العجلة الخلفية تماماً.
ثالثاً : هل يوجد موقع أو مشاركة توضح تللك القواعد.
وشكراً

[gabooor]

الإخوة الأفاضل
أرجو الإفادة
وشكراً

[medododo]

شوف واسطة

[ahmedsy]

وانت طالع قدام سيب مسافه بينك وبين القمع لو قربت منه قوى هتخبطه ..... (لكن لو قربت قوى ممكن تفديه بأنك تأخر الكسر بع نص العربيه على حسب تقديرك انت)
اما وانت راجع كل ما قربت من القمع كل ما كان افضل و ربنا يوفقك فى امتحانك و اسف على التأخير فى الرد للانشغال

[koheya]

شوف واسطة

مع احترامى لحضرتك.هوة مفيش فايدة فى الفلسفه القديمة دى يعنى الرشوة والواسطة والسرقة والتهليب......... حاتفضل بردة ولا نلغيها بقة من قاموسنا علشان ربنا يرزقنا بحاكم صالح يكون صلاحة من صلاح رعيتة.

[medododo]

برضه شوف واسطة

[medododo]

عارف ليه لأن بكل بساطة بزمتك ودينك هو يعني اللي ينجح في الاختبار ده يبئا بيعرف يسوق
إذا كان معيار الاختبار خاطىء مستني إيه
إختبار السواقة أصلا المفروض عالميا حد يركب جنب حضرتك ويشوف ردرود فعلك في الشارع ويسألك أسئلة مفاجأة ذي أركن هنا أو أدخل الشارع الجاي أو نزلني هنا مثلا كده يعني
وهئولك مثال بسيط أنا أعرف ناس كتير جدا نجحو في إختبار الاس ده وتعالى شوف منظر عربيتهم مفيش رفرف سليم
والعكس صحيح يعني
في ناس كتير سوقتها كويسة وملهاش في موضوع حرف الاس ده ويمكن انت واحد منهم

[gameleg]

ان شاء الله تعدي الاختبار ده وحاول تشوف عربية تكون صغيرة سيات او 127 حاجة فى الحجم ده هيكون التحكم اسهل فى المنحني

ويارب كل التوفيق وتتعدي بكل خير وسلامة

لك تحياتي