كيف تضع تكييف البيت فى السياره

[essamenen]

شوفوا الاختراع الخطير ده
انتو عارفين التكييف الى بيتحطله ماء او ثلج بتاع البيت بيتباع فى حدود 600 جنيه ,
فكرته عباره عن طرمبه ميه بتسحب الميه من الخزان وبترشها على لباد او سفنج وراء السفنج مروحه بتدفع الهواء على السفنج او الباد فيخرج من الناحيه الثانيه هواء بارد,
لو فكرنا نطبقه فى العربيه طبعا ماينفعش ليه لانه شغال على 220 فولت
يائما نجيب محول من 12 (كهرباء العربيه ) الى 220 فولت
اونعمل الاتى
العدد المستخدمه مفكات ومفاتيح عاديه
الخامات المستخدمه
1-تكييف يعمل بالماء (من الممكن ان تكون المروحه والطرمبه تالفه ) (بودى فقط)
2- مروه طابلوه السياره ( اى نوع )
3- طرمبه المياه (اى نوع )
فيشه للولاعه زى بتاعه الشاحن او البلادوسه
الخطوات
1-نغبر مروحه الهوء الى راكبه فيه لانها 220 ونركب مروحه زى الى موجوده فى الطبلو بتاع العربيه
2- نركب طرمبه الماء بدال الى موجوده فيه
3- نوصل الدائره الكهربائيه
ملحوظات
- طبعا التكييف مالهوش مكان ممكن يتحط فى الكرسى الخلفى
-استعماله هيكون فى الاوقات الحاره وبعد كده هيتحط فى الشنطه
- التكييف ده للعربيات الى ماينفعش يتركب لها تكييف فريون
-طبعا هيتوصل فى فيشه الولاعه
انا لسه ما عملتوش بس بافتح افكار للناس الى بيحب يبقى يطبقه بنفسه
واذا نفع اطالب بحقوق الملكيه الفكريه لانها مش موجوده فى السوق

[yoko]

كهربة العربيه مش هتشغل مروحة بقوه تنفع لتشغيل التكيف
مش شايف إنها عمليه

[lada2010]

الفكرة دى موجودة فى عربيات العرض النص نقل وتطبيقها فى الملاكى سهل هتجيب التكييف تضع الكهرباء فى السقف الجزء اللى فية التكييفنفسة والجزء التانى اللى فية السربنتينة يوضع فى الشنطة نفس تطبيق اللى موجود فى النص نقل وامشى ب 128 فى الحر براحتك كانك فى بيتك

[essamenen]

كهربة العربيه مش هتشغل مروحة بقوه تنفع لتشغيل التكيف
مش شايف إنها عمليه

مروحه اليداتير ومروحه الطبلو 12 فولت بس تفرق فى كميه خروج الهواء بس كل لما تزيد كميه خروج الهواء كان صوتها مزعج فانا اخترت مروحه الطبلو علشاط صوتها هادى ونفس

[dr.hazem]

ده عذاب ياناس وبعدين التكييف المائي ده بيزود الرطوبه يعني بيخليك قاعد الظهر في ساونا متحركه

ليه الهم ده كله

ماعلينا

[yoko]

مروحه اليداتير ومروحه الطبلو 12 فولت بس تفرق فى كميه خروج الهواء بس كل لما تزيد كميه خروج الهواء كان صوتها مزعج فانا اخترت مروحه الطبلو علشاط صوتها هادى ونفس

ما شي الفكرة إن الإختراع ده كام حصان؟؟؟ ومع ١٢ فولت هيسحب تيار عالي جدا الدينمو مش هيستحملة
عارف لو نص حصان هيسحب كام أمبير على ال ١٢ فولت دول؟؟؟ هيسحب ٣١ أمبير

[essamenen]

ما شي الفكرة إن الإختراع ده كام حصان؟؟؟ ومع ١٢ فولت هيسحب تيار عالي جدا الدينمو مش هيستحملة
عارف لو نص حصان هيسحب كام أمبير على ال ١٢ فولت دول؟؟؟ هيسحب ٣١ أمبير

حضرتك مش واخد بالك هو مش تكييف فريون ده تكييف مائى
كل الى هيسحبه كانك مشغل مروحه الطبلو بتاعه العربيه وطرمبه الميه بتاعه المسحات يعنى امبيره ضعيف مش هيتعدى 3 امبير بالكتير (مروحه الطبلو مش مكتوب عليها كام امبير بس الفيوز الى راكب فى علبه الفيوزات 10 امبير للمروحه والسخانات يعنى اكيد المروحه مش هتسحب امبير)
الفكره بسيطه وعمليه بعض الشيء للى ماعندوش تكيف والى ماينفعشى يركب عليها تكييف بس مايعلاش عن تكييف العربيه بالفريون بس تقعد فى هواء بارد ورطب ولا هواء ساخن

[dr.hazem]

التبريد المائي بيعلي الرطوبه والرطوبه العاليه بتخلي الواحد يفقد ميه وملح اكتر من الهواء الساخن وبالتالي بكرر هتكون قاعد في ساونا متحركه لا اكثر ولا اقل...

[essamenen]

التبريد المائي بيعلي الرطوبه والرطوبه العاليه بتخلي الواحد يفقد ميه وملح اكتر من الهواء الساخن وبالتالي بكرر هتكون قاعد في ساونا متحركه لا اكثر ولا اقل...

على فكره انا مهندس تبريد وتكييف
التكييف المائى كانو يسموه التكييف الصحراوى وكان يعمل فى الصحراء بكفائه عاليه لان نسبه الرطوبه منخفضه فلما ترتفع نسبه الرطوبه فى الصحراء او المناطق الجافه حتى تصل الى نسبه 60 % يكون ذلك مناسب.
الرطوبه (بخار الماء ) اذا ذادت فى الجو عن 60 % ينتج الاتى
1-لا يشعر الانسان بالراحه
2- يحس الانسان بالاختناق
3- لايتبخر العرق او الاجسام المبلوله او الملابس المنشوره
4- اذاوصلت الى 100% تحدث الشبوره او الضباب
اذا قلت عن ذلك ينتج الاتى
1- يشعر الانسان بعدم الراحه
2- يجف جلد الانسان
ملحوضه
- نسبه الرطوبه ليست لها علاقه بدرجه الحراره
حيث ان ممكن ان تكون درجه الحراره 10 ْ والرطوبه 100% زى الشبوره فى الشتاء
ممكن ان تكون درجه الحراره 45 ْ والرطوبه 100 % زى شبوره الصيف

-مصانع الغزل والنسج تستعمل التكييف المائى ليس لتبريد الجو فقط ولاكن لرفع نسبه الرطوبه لكى لاتنقطع الفتله فى الغزل وتجد ايضا ان الجو بارد
-عند استعمال الماء فى التبريد لا يتحول المكان الى سونا زى ما حضرتك معتقد لان هذا التكييف موجود وانا لم اخترعه ومستعمل فى البيوت االان وموجود فى كارفور وهايبر وكان مستعمل فالسبعينات باسم التكييف الصحراوى ويتم توصيله بماسوره ماء وعوامه لتعويض الماء التبخر
-التكييف المائى لا يعطى كفائه اذا كانت نسبه الرطوبه عاليه وممكن الاحساس بها اذا كان العرق للانسان لا يتبخر
-بعض انواع التكييف المركزى يتم استعمال الماء فى التبريد ورفع نسبه الرطوبه بتلك الطريقه ويتم تخفيضها بطريقه اخرى
- التكييف العادى (يعمل بالفريون )يعمل على رفع نسبه الرطوبه ولكن ليس كالتكييف المائى لذلك نجد تساقط ماء من الوحده الخارجيه والداخليه
اكمل ولا كفايه كده
انا قلت ان تكييف الماء كفائته مش زى تكييف الفريون بس مش كفائته صفر %
ممكن الى عنده تكييف الماء ده يحط العربيه امام البيت و يحطه فى العربيه وياخد وصله كهرباء من البيت ويشغله ويقلنا رايه بس برضه ما يقارنه بتكييف الفريون .
مستنى اى استفسار او نقض وان شاء الله هاعمله وابشركم انى عملته بس انا ان شاء الله متاكد من النتيجه

[essamenen]

كنت بحب ان اضيف حته صغيره السونا عباره عن هواء ساخن ليس هواء بارد زى مانا عوز اعمل انا مش هحط حاجه تسخن الجو

[yuyu0000yuyu]

متاااااااااابع ومهتم جدا جدا ال 128 سوناااااااااااااااااااااااااااااااااااااا

[malibu]

كنت بحب ان اضيف حته صغيره السونا عباره عن هواء ساخن ليس هواء بارد زى مانا عوز اعمل انا مش هحط حاجه تسخن الجو

الهواء البارد حضرتك هتجيبو منين .. لازم ثلج او مياه ساقعه و كل نص ساعه تزود ثلج ؟؟؟؟؟؟؟؟
هتركب موتور تبريد فريون بتاع الثلاجه علشان يبرد المياه ؟؟؟؟؟؟
يعنى معملتش حاجه

من الآخر يا تكييف فريون او مروحه فقط غير كده مفيييييييييش ...

[malibu]

الرطوبه (بخار الماء ) اذا ذادت فى الجو عن 60 % ينتج الاتى
1-لا يشعر الانسان بالراحه
2- يحس الانسان بالاختناق
3- لايتبخر العرق او الاجسام المبلوله او الملابس المنشوره
4- اذاوصلت الى 100% تحدث الشبوره او الضباب
اذا قلت عن ذلك ينتج الاتى
1- يشعر الانسان بعدم الراحه
2- يجف جلد الانسان

@#$%^&*!@$%
علل ؟؟

[malibu]

على فكره انا مهندس تبريد وتكييف
- التكييف العادى (يعمل بالفريون )يعمل على رفع نسبه الرطوبه ولكن ليس كالتكييف المائى لذلك نجد تساقط ماء من الوحده الخارجيه والداخليه
اكمل ولا كفايه كده

تساقط المياه من تكييف الفريون معناه رفع نسبه الرطوبه ولا تقليلها ؟؟؟
معلش علشان مش فاهم بس

[dr.hazem]

كنت بحب ان اضيف حته صغيره السونا عباره عن هواء ساخن ليس هواء بارد زى مانا عوز اعمل انا مش هحط حاجه تسخن الجو

ياباشا انا كنت عايش في السعوديه وعارف التكييف الصحراوي وعايز اقولك انه فعلا بيستخدموه بس مش في جده ولا الدمام اللي هما عالبحر ورطبين خلقه والناس بتشغل التكييف في الشتا بسبب الرطوبه
الناس بتحطه في الرياض اللي نسبة الرطوبه فيها مفيش والجو اساسا التكييفات الفريون بتقف عاجزة امام الحر الفظيع عندهم وبيحتاج يبرد النسمه في البيت ومبيحطوش غير تكييف واحد صحراوي في البيت يخدم عالبيت كله...
ولو كنت بصيت على اي تكييف صحراوي (ولا اعتقد انك شفته في مصر لو كنت شفته) فهوا عباره عن جهاز كبير جدا
مكعب ابعاده عالاقل 75*75*75 سم
يحتوي عللا بلاور كبيييييييييييييييييييييييييييييير بقوة لا تقل عن اتنين حصان
يحتوي على طرمبة مية
الجدران كلها معموله من القش ومعزوله بالفلين
طرمبة المية بتفضل تقلب المية جوة جسم التكييف والبلاور بيشتغل عشان يدوبك بعد كل التركيب ده يبعتله حبة نسيم مرطب والحقيقه كنا بنطفيه في السعوديه لانه كان للاسف بعد سنه شغل بيولع ويتحرق وتظطر تجيب واحد جديد.....

الهواء البارد حضرتك هتجيبو منين .. لازم ثلج او مياه ساقعه و كل نص ساعه تزود ثلج ؟؟؟؟؟؟؟؟
هتركب موتور تبريد فريون بتاع الثلاجه علشان يبرد المياه ؟؟؟؟؟؟
يعنى معملتش حاجه

من الآخر يا تكييف فريون او مروحه فقط غير كده مفيييييييييش ...

انا هموت واعرف هنجيب هوا بارد منين في عز الظهر؟؟؟
مهو مكنش حد غلب يا عزيزي ومن باب اولى كان مصنع السياره (زي الماروتي مثلا) زي مجهزها للتكييف وفيها بلاور كان شافله صرفه ناخد بيها الهوا الرطب

انا هقولك على تجربة تعملها وهتفهم يعني ايه بيت ساونا متحركه

هاتلك زجاجة مية لتر ونص واملاها ميه وحطها في العربية الصبح وغطاها مفتوح

تعال الظهر بقا واركب العربية وشغل البلاور
اولا لو متخنقتش من كمية الرطوبه في العربية قبل اما تشغل البلاور لوحده استحمل بقا كمية الصهد اللي طالع في وشك


مش شايف اي متعه في الموضوع الحقيقه ولا بروده من اساسه


من الآخر

التكييف الصحراوي مينفعش في بلد رطبه
ده حتى اسمه صحراوي!!!!!!

نحاو في حاجه تانيه ان شاء الله


تحياتي