تسخين الماتور الصح !!؟؟؟؟؟

[BLOODY_STONE]

بالنسبة للتسخين اللى اقصده - التسخين على الواقف - انه لازم انك تسخن السيارة ع الواقف لانه ما ينفعش تحمل عليها و هى لسه مش جاهزة للتحميل
لكن التسخين و انت ماشي ده منصوص عليه فى السيارات الجديدة و خصوصا للمناطق الاوروبية للاسباب التالية:
1- التسخين بيزود استهلاك الوقود للسيارة لانك بتستهلك وقود و انت واقف ( ما عملتش بيه مسافة و لا اتحركت من مكانك) وطبعا هما بيستخدموا الوقود فى التدفئة- فلو كل واحد سخن سيارته مش هيلاقوا وقود ( اعتبارات اقتصادية)
2- زيادة التلوث لان انت استهلكت وقود و انت واقف وهتستهلك وقود تانى علشان القيادة اذن زودت فترات تشغيل المحرك و زودت نسب انبعاثات العوادم (اعتبارات بيئية)
القصد : ان الكلام اللى بيقولوه فى الكتالوج يتوافق مع انهم بيوفروا ف الوقود - و بيحافظوا على البيئة - الى جانب انهم اصلا ما بيستخدموش السيارات لفترات طويلة (10 و 15 سنة) زينا بالتالى الاثار السيئة لعدم تسخين السيارة مش هيتأثروا بيها لان السيارة كده كده بيخلص منها بدري بدري

ملحوظة : انا معايا سيارة نيسان تيدا و كتالوجها بيقول ان التسخين و انت ماشي لكن انا عارف هو بيقول كده ليه لان كلامه مش قرآن خصوصا ان كلامه ده مبنى على اساس علمى انا قلته فى الاسباب المذكورة انفا الى جانب ان كلامى عن التسخين مبنى كذلك على اساس علمى تم دراسته فى الكلية
و مفيش حد طبعا عايز يتلف موتور سيارته
الرأى اللى هتقتنع بيه نفذه و انت تتحمل عواقب اختيارك و اتمنالك الخير اكيد

* Idling can damage your engine since it is not operating at its peak temperature where fuel is completely burned. Fuel residue from incomplete burning can damage engine parts.

* Idling an engine is bad in so many ways. The fuel is not completely burnt, so it condenses in drops on the cylinder walls. This leads to both extra wear of the cylinder walls (because the fuel washes the lubricating oil off the walls), and unburnt fuel flowing down the walls and contaminating the oil in the sump.
* Idling also drops the temperature of the spark plugs, leading to dirty plugs, which can worsen your fuel consumption by some five per cent.

* You might have noticed a vapour coming out of the exhaust of some cars in the early morning. That vapour is not the oil vapour of a worn engine, but the normal water vapour from a cold engine. So the longer you idle the engine, the longer it will take to warm up, and so more water droplets will be deposited inside your exhaust system – making it rust sooner.

انا اللي خلاني كمان مقتنع اكتر بعدم التسخين انه كده كده المواتير الجديدة الclearence بين اجزائها قليل جدا و الزيت مش بيحتاج اكتر من 20 ثانية عشان يوصل للموتور كله و يبدا تشحيمه ...
موضوع الحركة بالراحة ده فايدته ان بعد ما الزيت يوصل لأجزاء الموتور كلها احنا عاوزينه يسخن اسرع عشان يشحم احسن (لأنه لما يكون بارد بيكون لزج جدا و حركته بطيئة و تشحيمه مش ولا بد) فأنت لو فكرت فيها ... الوقت اللي انت واقف فيه التسخين ابطا يعني الزيت لسه مش بكامل قوته مده اطول يعني ضرر مده اطول في حين لو اتحركت الزيت يسخن اسرع و يوصل لدرجة حرارة التشغيل الطبيعية اسرع و يأدي وظيفته في وقت اقل .. موضوع تتحرك براحة صح عشان فعلا الزيت لسه موصلش لكل قوته (الزيت عشان يوصل لكل قوته محتاج درجة حرارة 100 درجة او 75 فهرنهايت) و دي كده كده مش بتوصلها لو سبت العربية واقفة تشتغل ....

فكرة التسخين كانت مع السيارات القديمة التي تعمل بالـ"كربوريتر" واللي من عيوبها عدم توزيع الوقود بشكل جيد على جميع اسطوانات المحرك وصعوبة تشغيل السيارة في الأجواء الباردة

وانا والله ليا الشرف اني اتحاور مع حضرتك و بأذن الله نوصل للأحسن لينا كلنا ...

[poiuyt]

اولا : كلامك مقنع جداااااااااااااااااااااااا و اشكر لك اهتمامك و ردك
ثانيا : انا عندى فى التيدا لمبتين فى اللوحة واحدة زرقاء و الاخرى حمراء ( ليس عندى عداد حرارة)
اول ما تشغل السيارة و هى باردة : الزرقاء منورة
لما السيارة توصل للحرارة الطبيعية : الزرقاء تطفى
لو السيارة وصلت لحرارة عالية : الحمراء تنور

سؤال لو سمحت تفيدنى فيه : ليه ادانى الاشارات دى -- علشان اتابعها و لا تنبيه و خلاص؟
بجد يا ريت تفيدنى و جزاك الله خيرااااااا

[poiuyt]

معلش نسيت اقوللك ان اللمبة الزرقاء بتطفى لما بسخن العربية و هى واقفة بعد دقيقتين تقريباا

[BLOODY_STONE]

معلش نسيت اقوللك ان اللمبة الزرقاء بتطفى لما بسخن العربية و هى واقفة بعد دقيقتين تقريباا

انا نفس الكلام في الياريس برضه .. اللمبة الزرقا دي درجة حرارة الرادياتير (او الموتور يعني) و لما تنور معناها الموتور بارد ... حتلاحظ طول ما هي منورة الار بي ام عالي عشان الزيت يجري في المكنة و كذلك مية الرادياتير و بيبدأ يقل واحدة واحدة ... حضرتك حتستنى بالظبط 20 ثانية و تتحرك بالراحة (حتكون اللمبة لسه منورة معناها الموتور لسه بارد) و على مهلك لحد ما اللمبة تطفي و ساعتها انت جاهز للسواقة العادية ...

موضوع التسخين ده انا كنت سائل و قاري فيه كتير قبل كده لأن انا من النوع اللي بخاف على العربية جدا و حتى الفنيين في التوكيل بتاع تويوتا كلهم صحابي و سائلهم 100 مرة قبل كده لأن انا في الاول كنت زي حضرتك مقتنع اني لازم افضل واقف لحد ما تسخن ...

في معلومة احب اضيفها لحضرتك ... اغلب التاكل (95%) اللي بيحصل في الموتور مع الوقت بيحصل لما تيجي تدوره الصبح و هو بارد عشان الزيت مش بيكون لسه سخن زي ما قلت لحضرتك قبل كده .. عشان كده يفضل الزيت اللي حضرتك تستعمله اول رقم يكون 0w او 5w عشان يكون خفيف الصبح و يجري و يسخن عالطول ...

تقبل تحياتي

[poiuyt]

اولا : معلومة مهمة منك ان الناس تعرف ان الزيت يجب ان تشتريه بحيث يكون الرقمين a,b فى العلاقة (aw/b) مغطيين مدى واسع من درجات الحرارة بحيث السيارة و هى باردة و انت بتشغلها لازم يكون الزيت له لزوجة عند هذه الدرجة و الزيت بيكون له لزوجة عند الدرجات المنخفضة كلما قل الرقم a اما الرقم b فيدل على ان الزيت له لزوجة عند درجات الحرارة المرتفعة و كلما زاد هذا الرقم كلما استطاع الاحتفاظ بلزوجته عند الحرارات العالية.
اثانيا : اللى انا عاوز اقوله - و دى قناعة شخصية - انه بيقوللى فى المانوال ان اللمبة الزرقا لما تطفى يبقى المحرك وصل لدرجة حرارة التشغيل الطبيعية
و ده عندى بيحصل بعد دقيقتين من التشغيل و هى واقفة
اذن السيارة ممكن توصل لدرجة حرارة التشغيل الطبيعية ( اللى عندها الزيت وصل كل الاماكن باللزوجة المطلوبة و مياه الرادياتير محافظة على درجة حرارة الموتور عند ما يقارب 90 درجة اللى عندها الحريق تمام و الاستهلاك تمام ) يبقى كده انت جاهز للسير
ما دام العربية قدرت على الوصول للظروف دى و هى واقفة يبقى من الغلط انى امشي عليها الدقيقتين دول لانها ماكانتش جاهزة
و بكرر ان طبيعتنا فى مصر - بتكلم عن نفسي و اللى شفتهم - اننا ما بنفكرش نغير السيارة قبل 10 و 15 سنة من استخدامها لان انت جايب سيارة غالية بالنسبة للاسعار خارج مصر
اما ف اوروبا السيارات رخيصة و اهم حاجة البيئة و الاستهلاك بالنسبة للوقود يبقى سنتين و اقلب سيارتك و هات جديد و ما يدوش نفسه بالتسخين
والله اعلم

[BLOODY_STONE]

ما دام العربية قدرت على الوصول للظروف دى و هى واقفة يبقى من الغلط انى امشي عليها الدقيقتين دول لانها ماكانتش جاهزة

مظبوط .. انت لو اتحركت سواقة عادية او شديدة غلط انا معاك في النقطة دي .. بس هو الموضوع كأنه نسبة و تناسب يعني انت لو اتحركت مثلا بالدبرياش بس حتوصل للظروف دي اسرع و بالتالي حتقلل الوقت اللي الموتور بيحصل فيه احتكاك داخلي شديد لأن الزيت مش جاهز و فنفس الوقت الار بي ام مزادش عن اللي هو كان عليه اصلا و هي بتسخن

اما لو اتحركت بسواقة عادية .. صحيح انت قللت الوقت اكتر لكن زودت الاحتكاك اكتر ....

مش عارف حضرتك فاهم قصدي ولا لأ يا رب تكون وصلت ...

[ahmedhawas]

التسخين لازم ولابد منه - وكلنا متفقين على ده.
لكن التسخين هيكون على السلانسيه ولا وانا ماشي بالعربية ؟؟؟

الأصح للعربيات الحديثة : زي مالكتالوج قال : من 20-ل30 ثانية سلانسيه ، وبعد كده تكمل عملية التسخين وانت ماشي(ب RPM قليل- أقل من نص القيمة القصوى) لحد ماللمبة الزرقة تطفي --- ساعتها إمشي على أي RPM.
والطريقة دي تضمنلك أقل زمن للوصول الى درجة حرارة التشغيل ، و تحافظلك على عمر الموتور.

عيب التسخين على السلانسيه : إن درجة حرارة الحريق القصوى أقل من الستاندر (الستايكومتريك)
وكنتيجة لذلك بتحصل المشاكل اللي ذكرها (Dr. Bloody Stone) بداية من التأثير على الأجزاء الداخلية للموتور
إلى تقليل عمر الكاتاليزر(محول الحفز) إلى زيادة معدل صدأ علب الشكمان إلى... إلى....إلى

[poiuyt]

- أنا شايف انه مادام الزيت له pour point مناسبة وقت التسخين على السلانسيه
اذن مفيش مشكلة من التسخين و انت واقف
- و بالتالى من الافضل انى مازودش الحمل على السيارة باحتكاك البستون مع السليندر و احتكاك الكرنك مع السبايك فى وجود حمل (السير بالسيارة و هى باردة)
- لييييييه بقى اتحرك مادام انا لسه ما وصلتش لدرجة حرارة التشغيل الطبيعية اللى يشير اليها اختفاء اللمبة الزرقاء زى ما المانوال بيقول
انا عايز افهم بقى ايه الميزة انى امشي بالسيارة و اسخنها ما دام الكلام اللى فوق ده حااصل
مع العلم بأن رأيي خطأ يحتمل الصواب و رأي غيرى صواب يحتمل الخطأ و كلنا بنتعلم من بعض

[BLOODY_STONE]

- أنا شايف انه مادام الزيت له pour point مناسبة وقت التسخين على السلانسيه
اذن مفيش مشكلة من التسخين و انت واقف
- و بالتالى من الافضل انى مازودش الحمل على السيارة باحتكاك البستون مع السليندر و احتكاك الكرنك مع السبايك فى وجود حمل (السير بالسيارة و هى باردة)
- لييييييه بقى اتحرك مادام انا لسه ما وصلتش لدرجة حرارة التشغيل الطبيعية اللى يشير اليها اختفاء اللمبة الزرقاء زى ما المانوال بيقول
انا عايز افهم بقى ايه الميزة انى امشي بالسيارة و اسخنها ما دام الكلام اللى فوق ده حااصل
مع العلم بأن رأيي خطأ يحتمل الصواب و رأي غيرى صواب يحتمل الخطأ و كلنا بنتعلم من بعض

لا لااااااااا لااااااااااااااااا حتشل حتشل

ههههههههههههههههههههه بهزر مع حضرتك طبعا ...

بص حضرتك من الاخر ... احنا بنتحرك عشان نقلل الوقت اللي الموتور بيسخن فيه ... ليه ؟ عشان طول ما هو مش ساخن هو بيتضرر من جوه (الحاجات اللي قلناها قبل كده) فأحنا عايزين نقلل الوقت اللي بيحصل فيه الضرر ده (هو بيحصل كده كده بس احنا بنقلله عشان نحافظ عالموتور) حضرتك فهمت قصدي ؟
العملية نسبة و تناسب يعني الضرر الناتج انك تتحرك براحة اقل من الضرر اللي بيحصل لو سبتها واقفة فهمت قصدي ؟ (في الحالتين ضرر طالما الزيت مش جاهز)

بعدين حضرتك متقلقش كل الخبراء بينصحوا بكده ...

هو تقريبا صاحب الموضوع زهق و نفض و احنا اللي قاعدين نفيد بعض هههههههههههههههههه

[poiuyt]

اولا : انا مازعلتش ولا حاجة
ثانيا: انت بتقول انك بتقلل الوقت اللى بيسخن فيه فا تقوم تمشي بالسيارة
مثلا : عايز تسوى الفرخة بسرعة قمت حاططها فى شوية قش و قمت مولع فيها والنتيجة طبعا ( زى ما انت عارف)
ارجو انك تفهم ان الpour point دى دليل على ان الزيت له انسيابية عند درجات الحرارة المنخفضة اللى عندها الموتور بارد و بالتالى هيقوم بوظيفته
ثالثا: مادام الزيت له انسيابة يبقى الضرر من التسخين و انت واقف اقل لان الاجزاء ليست فى حالة حركة مع حمل
و رابعاا و اخيرااا: ما جادلت احدا الا و تمنيت ان يكون الحق معه - ده شعارى
و يا سيدي استحملنى و خد فيا ثواااااب^,^

[BLOODY_STONE]

اولا : انا مازعلتش ولا حاجة
ثانيا: انت بتقول انك بتقلل الوقت اللى بيسخن فيه فا تقوم تمشي بالسيارة
مثلا : عايز تسوى الفرخة بسرعة قمت حاططها فى شوية قش و قمت مولع فيها والنتيجة طبعا ( زى ما انت عارف)
ارجو انك تفهم ان الpour point دى دليل على ان الزيت له انسيابية عند درجات الحرارة المنخفضة اللى عندها الموتور بارد و بالتالى هيقوم بوظيفته
ثالثا: مادام الزيت له انسيابة يبقى الضرر من التسخين و انت واقف اقل لان الاجزاء ليست فى حالة حركة مع حمل
و رابعاا و اخيرااا: ما جادلت احدا الا و تمنيت ان يكون الحق معه - ده شعارى
و يا سيدي استحملنى و خد فيا ثواااااب^,^

معلش اتاخرت في الرد على حضرتك ... امتحانات بقى و كده ...
موضع ال pour point ده مظبوط (اللي هي اقل درجة حرارة الزيت لو اتحط على سطح مايل يتزحلق) بس مش عارف الصراحة هل ده معناه ان الزيت بيكون بكامل طاقته؟
غير موضوع الزيت اتوقع المشاكل اللي قلناها قبل كده سبب كافي ولا ايه؟

[poiuyt]

انا رأيي اننا طولنا قوى ف الحوار ده
و بناءا عليه انت صح و انا صح
و اى واحد مننا لو عرف حاجة جديدة يا ريت يفيد التانى
سعيد بحوارك^_^