عمر الكاوتش

[Amr Axel]

yes

بس هى الفكرة ان الصلاحية مش مدة محددة... يعنى فيثه دراسة اتعملت فى امريكا على حوادث السيارات اللى سببها انفجار الاطارات و لقوا ان 88% من الاطارات اللى تسبب فى الحوادث دى كان فات على انتاجها اكتر من 6 سنوات

و دة خللى الناس تطالب بان يبقى فيه تاريخ صلاحية على الاطار اعتمادا على نتيجة البحث دة بس لسة الكلام دة مبقاش رسمى

المهم يعنى ان صلاحية الاطار الافتراضية هى 6 سنوات من تاريخ انتاجة... اكتر من كدة بتعرض حياتك للخطر... حتى لو الفردة اللى عمرها اكتر من 6 سنوات مشيت 3 متر فقط

mmamdouh

+11111111

تمام يا استاذ ممدوح و 5 سنين كمان كاقصي مدة لأن العربية لو موديل 2010 الكاوتش ممكن يكون تم انتاجه 2008 او بعد كده و بتعرض لعوامل كتيير في الفترة ديه
و لأن الكاوتش بيجي من برة في كونتنرات كمان فممكن يكون بقاله مدة
زي اللانسر شارك اللانسر ديه برة موديل 2008 هنا نزلت موديل 2010 هنا

[kogak1987]

مادة الكاوتش زيها زي اي منتج بيغير من طبيعته و اكيد ليه مدة صلاحية معينة و زي ما الزملاء قالوا حتى لو ممشيتش بيه خالص لازم تغيره بعد مدة معينة اللي احنا مش عارفينها بالظبط و لما تجيب جديد برضه لازم تاخد بالك ان تصنيعه جديد و مش مركون عند الراجل

[HANZALA]

السلام عليكم
لايوجد كيلومتر محدد لتغيير الاطارات ولكن هناك عوامل هي
1- العامل الزمني وهو انه يجب تغيير الكاوتش بعد 5 سنوات من تركيبه او 10 سنوات من صناعته بغض النظر عن الحالة
2- حالة الكاوتش ودي لها عدة اقسام
ا- ارتفاع النقشة ودي ممكن تعرفها من البروزات الستة الموجودة في الاخاديد بتاعة النقشة وهتلاقي مثلث صغير على جانب الاطار يشير الى اماكنها
ب- الشقوق في المداس والجوانب ودي لا يجب ان يزيد حجمها عن 5 ملي .
ج- انتظام جوانب الاطار ومداسة سواء لوجود تاكل من طرف واحد او بروز هوائى (بالونات).

اما موضوع الكيلومتر فدي سياسة تسويقية بحتة علشان الناس تشتري وانا غيرت الكاوتش للفيرنا بعد 123000 بسبب مرور خمس سنوات وكان نوع تركي.