كيف تعسل الردتير بنفسى ؟

[rasim]

السلام عليكم انا عاوز اعرف كيف اغسل الردتير بنفسى ؟.

[smsm_cato]

المفروض بيبقى فى اخر الردياتير من تحت طبة بصموله 10 دى معموله علشان تفضى منها الريدياتير من غير ما تفك خراطيم دورة التبريد تفك الطبة دى وتفضى المياة وبعد كده تجيب خرطوم وتضخ المياة من اعلى مع تشغيل المحرك فترة قصيرة حتى يطرد المياة القديمة لتنظيف الدورة وبعد ذلك قم بسد الطبة مرة اخرى واملئ الريدياتير بالمياه الجديدة ونصيحة اذا كنت هتغير بالمياه الخضراء لا تملئ الريدياتير كله مياه خضراء فقط بل قم باضافة زجاجة واحدة لتر الى المياه العادية

[rasim]

السلام عليكم
جزاك الله خيرا
بس انامش عارف هى فين دوت عليها ومش وجدها

[essamenen]

بص ياسيدى
ها بصيت
المهم دوره مياه التبريد لها اتجه سريان طرمبه الميه تاخذ الميامه من اسفل اليداتير وتدخلها الى الماتور وتدخلها الى اليداتير من اعلى
طبعا مش هنشغل بالنا بالقربه
هتفك خرطوم الميه الى خارج من الماتور وعامته وداخل فى اليداتير (ممكن تلاقيه داخل فى كوع او مشترك للتدفئه وبعدين داخل الى اليداتير الى يهمنى الخرطوم الى داخل الى البداتير مباشره وماليش دعوه بالى قبل كده )
تجيب خرطوم مياه وتفتح حنفيه الميه الى اقص حاجهوتحطها فى فتحه اليداتير الى خلعت منها الخرطوم الى خارج من الماتور هتلاقى الميه بتخرجمن الخرطوم الى خارج من الماتور تفضل كده حد ماتحس ان الميه كلها اتغيرت .
فى نقطه ثانيه ممكن تشغل الهربيه وانتا فاتح خرطوم الميه طبعا طرمبه الميه هتساعد فى التنظيف بس الخطوه ديه متعملهاش الا لما تكون متاكد من اتجا الميه صح .
جرب وقلنا عملت ايه

[beshomilan]

ونصيحة اذا كنت هتغير بالمياه الخضراء لا تملئ الريدياتير كله مياه خضراء فقط بل قم باضافة زجاجة واحدة لتر الى المياه العادية

مين اللى قال لحضرتك كده؟؟؟
المية العادية فيها املاح يا استاذى وبتعمل تأكل لاجزاء المحرك ومينفعش تتحط للماتور اصلا

حضرتك الكلام الصح
تجيب مية موبيل او لو مستغليها فى مية ايادا دى كويسة جدا برضه تحطها كلها فى الريداتير ولما تزود تزود مية مقطره الخالية من الاملاح بطبيعتها فقط واوعى اوعى تحط مية حنفية ابدا والا هيبوظ كل اللى عملته

[أبو عبدالله]

1- تفك الطبة وتنزل كل الميه اللي في الرادياتير
2- تفك قربة المية بتاعت الرادياتير وتفضيها برضه وتنظفها كويس وتحطها تاني
3- تملي الرادياتير ميه عاديه لحد نهايته وتقفل وتدور العربيه فتره صغيرة بدون تحميل وبعدين توقف العربيه وتفضي الميه وتكرر الموضوع ده من 6 الى 9 مرات
4- بعد ما تخلص الخطوة رقم 3 دي هتفضي الرادياتير كله وتبدأ تحط ميه خضراء او حمراء زي ما كان محطوط في العربيه من قبل
5- التزويد على المسة الخضراء او الحمراء بيبقى بماء مقطر هتشتريه من البنزية العبوة بــ 2.5 جنيه عبارة عن ربع لتر
6- غالبا العربيه هتاخد 2 لتر كله على بعضه هتعمل لتر ميه خضراء ولتر ميه مقطره

بس ده لو الميه الخضراء مركزة مش متخففه اساسا ويكون نسبتها 50/50