إيه الفرق بين الدركسيون العادى والسبور والبور ؟؟

[زينة الله]

يا ترى إيه الفرق بين الدريكسون العادى والسبور والبور من حيث :

طريقة العمل وسهولة الاستخدام والصيانة وتكلفة قطع الغيار و....... وأى فروق تانية تعرفوها ...

ويا ترى ممكن يتركب البور على أى عربية قديمة كالـ 128 من غير مشاكل ؟؟

ولكم منى جزيل الشكر والتقدير

[lancerevolution]

الدركسيون الباور بيبقى فى نظام هيدروليكى بيساعد فى الحركة
النظام دا بيبقى عبارة عن طرمبة و زيت و خراطيم و إسكترا"علبة الدركسيون"
الطرنبة دى فى منها كهربا و فى منها ميكانيكى مع حركة الموتور
الدركسيون العادى عبارة عن شوية تروس بتحول الحركة الدائرية لعمودية
طبعا الباور بيبقى فيه التروس دى بردوا

بالنسبة لتركيبه فى عربية مافيهاش باور فا هيبقى صعب جدا أو شبه مستحيل عشان مش معمول حسابه فى نظام التوجيه و كمان مش معمول حسابه هياخد قدرة منين عشان يشتغل

[زينة الله]

الدركسيون الباور بيبقى فى نظام هيدروليكى بيساعد فى الحركة
النظام دا بيبقى عبارة عن طرمبة و زيت و خراطيم و إسكترا"علبة الدركسيون"
الطرنبة دى فى منها كهربا و فى منها ميكانيكى مع حركة الموتور
الدركسيون العادى عبارة عن شوية تروس بتحول الحركة الدائرية لعمودية
طبعا الباور بيبقى فيه التروس دى بردوا

بالنسبة لتركيبه فى عربية مافيهاش باور فا هيبقى صعب جدا أو شبه مستحيل عشان مش معمول حسابه فى نظام التوجيه و كمان مش معمول حسابه هياخد قدرة منين عشان يشتغل

شكرا لحضرتك على التوضيح ،،

طيب والفرق بين السبور والعادى ؟؟

يا ترى فى الشكل والجحم بس ؟؟

أصل الدريكسيون عندى لما أحرك دراع الاشارات ما بيرجعهوش تانى مكانه زى ما كتالوج العربية بيقول !!

ولما سألت :) قالوا لى عشان الدريكسون سبور !! ومش الأصلى العادى بتاع العربية !!

طيب كدا ايه فايدة السبور ؟؟ منظر يعنى وشكل وبس ؟؟ والا له ميزة تانية عن العادى ؟؟

[Amr Axel]

الدريكسيون العادي بالبلدي بعيدا عن التفاصيل بيكون تقيل لما تلفي يمين او شمال خاصة و انتي واقفة
الدريكسيون الباور بيكون سهل انك تلف الدريكسيون بايد واحدة بدون اي مجهود
و بينقسم باور زيت و كهرباء
و الباور بيحتاج متابعة دائمة اكتر من العادي و طبعا لو حصلت فيه حاجة بيكون مكلف اكتر من العادي

اما بالنسبة للدريكسيون السبور ( الطارة سبور زي momo مثلا ) ده عبارة عن شكل اخر للطارة و بتكون اصغر في الحجم من العادي بحيث يكون سهل الاحكام و القبض عليه و انتي بتلفيه بس طبعا لو مش اصلي بيبقي فيه مشاكل و فروقات و بيبقي مقرف اكتر لو العربية مش باور

بالنسبة لتركيب الباور ع العربيات القديمة
اولا مش شرط عربية قديمة يعني مثلا المرسيدس الخنزيرة او الكرولا موديل تمنينات نازلة بباور لكن الشاهين 2008 مفيهاش باور فالموضوع بيعتمد ع تجهيز العربية نفسه
و طالما العربية مش نازلة اساسا باور و مجهزة بكده يبقي ملوش لازمة لأنه زي ما لانسر ايفو قالك هيجيب قدرة منين

فالأفضل نخلينا في الحاجة الفبريكة اللي نازلة بيها العربية بدون لعب

[Eslam.Elrefaey]

انا الى اعرفه تقريبا ان ينفع يتعدل ويبقا نص باور او حاجة زى كده بس مش فاكر وبالنسبة للميزات الاسبور وهوا صغر حجه فلداشره بتاعته بتلف اسرع من الدريكسيون الاصلى يعنى كل لما قطر الدائرة يصغر كل ما كان لف الطاره اسرع

[Amr Axel]

انا الى اعرفه تقريبا ان ينفع يتعدل ويبقا نص باور او حاجة زى كده بس مش فاكر وبالنسبة للميزات الاسبور وهوا صغر حجه فلداشره بتاعته بتلف اسرع من الدريكسيون الاصلى يعنى كل لما قطر الدائرة يصغر كل ما كان لف الطاره اسرع

معلش يا استاذ اسلام بس هعلق ع مشاركتك
مفيش حاجة اسمها هاف باور ديه اشتغالة مش اكتر العربية يا تكون باور يا متكونش باور
و الباور بيتكون من مكبس هيدروليكي و خزان و طلمبة و خراطيم يعني هنركب نص الحاجة و النص التاني طيب فين هههه
فمفيش حاجة اسمها هاف باور مجرد اشتغالة و لما جيت حتي اشتري الالتو بتاع المعرض عمل فيها بورم و هاف باور ومش عارف ايه خدت الكلمتين التمام مني متكلمش تاني في اي حاجة خاصة بالعربية غير انه يبيعها و هو ساكت هههههه

[Eslam.Elrefaey]

معلش يا استاذ اسلام بس هعلق ع مشاركتك
مفيش حاجة اسمها هاف باور ديه اشتغالة مش اكتر العربية يا تكون باور يا متكونش باور
و الباور بيتكون من مكبس هيدروليكي و خزان و طلمبة و خراطيم يعني هنركب نص الحاجة و النص التاني طيب فين هههه
فمفيش حاجة اسمها هاف باور مجرد اشتغالة و لما جيت حتي اشتري الالتو بتاع المعرض عمل فيها بورم و هاف باور ومش عارف ايه خدت الكلمتين التمام مني متكلمش تاني في اي حاجة خاصة بالعربية غير انه يبيعها و هو ساكت هههههه

منا قولت انا سمعت بس مش متأكد واهى طلعت اشتغاله اهى شكرا على التوضيح

[زينة الله]

الدريكسيون العادي بالبلدي بعيدا عن التفاصيل بيكون تقيل لما تلفي يمين او شمال خاصة و انتي واقفة
الدريكسيون الباور بيكون سهل انك تلف الدريكسيون بايد واحدة بدون اي مجهود
و بينقسم باور زيت و كهرباء
و الباور بيحتاج متابعة دائمة اكتر من العادي و طبعا لو حصلت فيه حاجة بيكون مكلف اكتر من العادي

اما بالنسبة للدريكسيون السبور ( الطارة سبور زي momo مثلا ) ده عبارة عن شكل اخر للطارة و بتكون اصغر في الحجم من العادي بحيث يكون سهل الاحكام و القبض عليه و انتي بتلفيه بس طبعا لو مش اصلي بيبقي فيه مشاكل و فروقات و بيبقي مقرف اكتر لو العربية مش باور

بالنسبة لتركيب الباور ع العربيات القديمة
اولا مش شرط عربية قديمة يعني مثلا المرسيدس الخنزيرة او الكرولا موديل تمنينات نازلة بباور لكن الشاهين 2008 مفيهاش باور فالموضوع بيعتمد ع تجهيز العربية نفسه
و طالما العربية مش نازلة اساسا باور و مجهزة بكده يبقي ملوش لازمة لأنه زي ما لانسر ايفو قالك هيجيب قدرة منين

فالأفضل نخلينا في الحاجة الفبريكة اللي نازلة بيها العربية بدون لعب

شكرا جزيلا على الشرح والتوضيح

بس عندى سؤال من فضلك ؟؟ لو الاشارات مش بترجع لوحدها مع حركة الدريكسون ممكن تتصلح ؟؟

أصلى بصراحة أوقات كتير انسى الاشارة شغاله بعد ما أحود !!

[A.Saad]

فيه دركسيون باور بيكون كهربا
موتور كهربا بيساعد على الحركة
مفيش زيت او طلمبة زيت

[ahmed2801]

شكرا جزيلا على الشرح والتوضيح

بس عندى سؤال من فضلك ؟؟ لو الاشارات مش بترجع لوحدها مع حركة الدريكسون ممكن تتصلح ؟؟

أصلى بصراحة أوقات كتير انسى الاشارة شغاله بعد ما أحود !!

العيب ده حضرتك من ذراع الاشارات مش من الدركسيون ويتصلح او يتغير عند كهربائى السيارات

[madaxman]

الباور ينفع يركب بس بشرط يكون ليه مكان في الماتور
صاحبي كان معاه بيجو 504 وركبلها باور وشغال زي الفل معاه

[زينة الله]

فيه دركسيون باور بيكون كهربا
موتور كهربا بيساعد على الحركة
مفيش زيت او طلمبة زيت

وحياة ربنا :)

ودا نظامه إيه ؟؟ وبيشتغل أزاى ؟؟

و سعره كام ؟ وتكلفة تركيبه ؟ وفيه صنايعية بتعرف تشتغل فى الموضوع دا ؟

[زينة الله]

العيب ده حضرتك من ذراع الاشارات مش من الدركسيون ويتصلح او يتغير عند كهربائى السيارات

تمام شكرا جزيلا

مع إنى لسه مغيرة ضفيرة ومظبطه الكهربا كلها :) نرجع للكهربائى تانى يشوف الموضوع دا بقى !!

[زينة الله]

الباور ينفع يركب بس بشرط يكون ليه مكان في الماتور
صاحبي كان معاه بيجو 504 وركبلها باور وشغال زي الفل معاه

ما أنا معرفش بقى الـ 128 فيها مكان فى الموتور له والا لأ !!
ممكن مين يعرف الميكانيكى ؟؟ وهو برضك اللى بيركبه ؟؟

[madaxman]

ما أنا معرفش بقى الـ 128 فيها مكان فى الموتور له والا لأ !!
ممكن مين يعرف الميكانيكى ؟؟ وهو برضك اللى بيركبه ؟؟

اه الميكانيكي وممكن كمان بتاع العفشه يعرف أكتر