يعنى ايه تخبيط فى علبة الدريكسيون

[ahmedfra]

الأخوة الأعزاء السلام عليكم
العربية افيو 2010 . الدريكسون دايما بحس انه خفيف قوى و كأنه سايب فى ايدى . و دا بيدى احساس ان العربية عايمة . و انا شاكك فى علبة الدريكسيون . بس واحد بتاع عفشة قال لى العلبة لو بايظة تخبط معاك . قلت له لأ ما فيش تخبيط . لكن بعد ما مشيت من عنده افتكرت فعلا ان بعد الـ 100 بحس بدقدقة خفيفة فى الدريكسون فهل ده هو التخبيط ؟
يا ترى حد يعرف يعنى ايه تخبيط فى علبة الدريكسيون . و يا ترى التخبيط ده معناه ان العلبة بايظة فعلا ؟ و ده بيتحس فى الدريكسيون و لا بيتسمع ؟ و هل بيسبب عومان العربية و تحس ان الدريكسون سايب فى ايدك ؟
اسف للإطالة .

[Bassem Taha]

الأخوة الأعزاء السلام عليكم
العربية افيو 2010 . الدريكسون دايما بحس انه خفيف قوى و كأنه سايب فى ايدى . و دا بيدى احساس ان العربية عايمة . و انا شاكك فى علبة الدريكسيون . بس واحد بتاع عفشة قال لى العلبة لو بايظة تخبط معاك . قلت له لأ ما فيش تخبيط . لكن بعد ما مشيت من عنده افتكرت فعلا ان بعد الـ 100 بحس بدقدقة خفيفة فى الدريكسون فهل ده هو التخبيط ؟
يا ترى حد يعرف يعنى ايه تخبيط فى علبة الدريكسيون . و يا ترى التخبيط ده معناه ان العلبة بايظة فعلا ؟ و ده بيتحس فى الدريكسيون و لا بيتسمع ؟ و هل بيسبب عومان العربية و تحس ان الدريكسون سايب فى ايدك ؟
اسف للإطالة .

وايه اللي يبوظ علبة الدركسيون والعربية لسه موديل 2010
مش غريبة شوية

[Amr Axel]

معتقدش ان علبة الدريكسيون فيها حاجة
و الافضل تروح لأكتر من عفشجي و تشوف هترسي ع ايه متعتمدش ع رأي واحد ديما لو متعرفوش لأنه ممكن يكون صح او ممكن يكون ملوش فيها و غلط

[zegzaag]

جرب تشوف العفشه متربطه ولا لا وشوف الزوايا والاتزان بتاعة العجل انما لو العربيه ناعمه وعايمه ده معناه ان الباور شغال بكفائة 200%
العلبه لو بايظه فالاول هتلاقي تهريب للزيت صوت زنه مثلا وانته بتلف الطاره لو لو بايظه خالص الدريكسيون هيبقى تقيل اوي
متلعبش في حاجه وهي سليمه الميكانيكيه بيحبو يجربو لانهم لا بيدو ضمان ولا غيرو وبيتعلمو فينا
لو الحاجه اتفكت مش هترجع زي الاول
هيطلع في الاخر سبب بسيط جدا

[blazer]

روح لمتخصص هيونداى
والافضل الوكيل

[zegzaag]

هو لما الدركسيون كان عايم معايه
كان بسبب ان السير كان بيتنسل وكانت حالتو وحشه اوي فكانت لفاتو مش مظبوطه
ولما غيرتو اتظبطت شوف حالة السير بتاع الباور

[ana]

لو بتحس بوجود رجرجه فى الدركسيون بعد ال ١٠٠ يبقى الكاوتش بتاعك محتاج ترصيص وملهاش دعوه بالعفشه لاكن لو مش على السرعات بتحس بالرجرجه دى تبقى العفشه فيها حاجات عايزه تتربط سواء فى الميزان او علبه الدركسيون والكلام ده عن تجربه عربيتا بيجو ٤٠٦

[wlelw2003]

روح لمتخصص هيونداى
والافضل الوكيل

[SASA3]

الحكايه ده كانت حصلت معايا و فعلا كنت رايح للعفشجى و انا رايحله قولت اضبط هواء للعجل و اروح مشوارى
الراجل ضبط هوا العجل بالكمبيوتر و لسه جاى امشى لقيتها ضبطت معايا اوى زى الاول

فممكن حاجه زى ده تكون بس ضبط هواء و ترصيص
فى مشاكل كبيره اوى و حلها بيبقا بسيط اوى ابسط من ان صنايعى يفكر فيه

[Fadi Ezzat]

طبعا بعد الزملاء الى قالوة مقدرش اقول حاجة تانى
واحتياطى اكشف على بارات الدركسيون وهل فية احسساس جامد بالنقر الى فى الارض ببالدركسيون ولا لأ

[ahmedfra]

انا فعلا بحس من خلال الدريكسيون بكل حصوة و نقرة فى الأرض لدرجة ان لو الارض مدأدأة شوية بيفضل الدريكسيون رايح شمال و يمين زى المية .

[MOUSTAFA_SAAD]

الشكوى بتاعتك دى يااستاذ احمد كامت عندى فى عربيه نيسان بتاعت الشغل
وفعلا بتاع العفشه قالى علبة الدركسيون بايظه وعاوزه تتغير
بس مشيت عليها كده لغاية لما العربيه اتباعت
والله اعلم

[MAUMAU]

العلبة تخبط عالمطبات لكن اللى بيحصل معاك بعد ال100 ده ترصيص للجنط