طريقة سهلة لشفط الزيت الزيادة عن المستوى الاقصى للقياس

[aymanshebl]

بسم الله الرحمن الرحيم

انا كان عندى زيادة فى مستوي الزيت بعد عمل صيانة الالف و كنت فى حيرة الى ان وجدت طريقة لشفط الزيت و هى نجيب 70 سم سلك دش اللى هو لونه اسود و بعدين نشد السلك اللى جواه يعنى نفرغ السلك من الخرطوم بتاعه و يفضل لنا الخرطوم الاسود و بعدين نجيب بخاخة من عند اى واحد بتاع ادوات منزلية اللى هى صغيرة الحجم فى حدود 3 جنيه و بعدين نخلع البخاخة اللى بتبخ لوحدها و نركب الخرطوم فى البخاخة و بعد كده نشيل مقياس الزيت و بعدين نحط الخرطوم فى مكان مقياس الزيت و نشفط او نبخ الكمية اللى احانا عايزنها فى زجاجة مياة معدنية فارغة علشان منغرقش المكان و اى خدمة .

والسلام عليكم و رحمة الله و بركاته

[Amr Axel]

شكرا ع الطريقة يا ريس
و ديه صورة كده ع ادي رسمتها ع البينت توضح فكرتك عشان لو في حد مش واخد باله منها



و فيه فكرة تانية
نجيب حتة سفنجة طويلة شوية و تكون رفيعة ع مقاس فتحة الموتور و ندخلها تشرب شوية زيت و احنا بنطلعها نحط اي طبق او حتة خشبة تحتيها عشان مفيش حاجة توقع ع اي جزء في الحوض

[l0new0lf]

بلاش موضوع السفنجه ده
هههههههههههههه

[Amr Axel]

بلاش موضوع السفنجه ده
هههههههههههههه

ههههههه اشمعني شكلك جيت تعملها و وقعت منك في الموتور

[ameerahmad]

ممكن نستبدل البخاخه بسرنجه 50سم و السلك بأي خرطوم رفيع

[l0new0lf]

ههههههه اشمعني شكلك جيت تعملها و وقعت منك في الموتور

عيب عليك
بس انا بحب اشتغل صح و ميكونش فيه اى عامل مخاطره
انما موضوع السفنجه فكرنى بفيلم 5 باب

[إبراهيم المصرى]

مشكوووووور والله يعطيك الف عافيه

[Sherif Khalifa]

سرنجة و خرطوم قسطرة من الصيدلية
انا بعمل كدة

[aymanshebl]

شكرا ع الطريقة يا ريس
و ديه صورة كده ع ادي رسمتها ع البينت توضح فكرتك عشان لو في حد مش واخد باله منها



و فيه فكرة تانية
نجيب حتة سفنجة طويلة شوية و تكون رفيعة ع مقاس فتحة الموتور و ندخلها تشرب شوية زيت و احنا بنطلعها نحط اي طبق او حتة خشبة تحتيها عشان مفيش حاجة توقع ع اي جزء في الحوض

هو فعلا ده بس مافيش لزق علشان الخرطومين مع بعض هما بيدخولوا جوا بعض

بلاش موضوع السفنجه ده
هههههههههههههه

فعلا ممكن تتحشر جوه او يوقع بعض او كلها جوه

ههههههه اشمعني شكلك جيت تعملها و وقعت منك في الموتور

فعلا ممكن تتحشر جوه او يوقع بعض او كلها جوه

سرنجة و خرطوم قسطرة من الصيدلية
انا بعمل كدة

ميزة الطريقة ديه انها بتسحب اى كمية بطريقة متواصلة عكس السرنجة و انظف و منغير ما نبهدل اى حاجة او حتى نفسنا

[semsem7222]

الخرطوم بيخش عادى ياباشا ولا مقاس الزيت ضيق علية وهل فى مشاكل فى الطريقة دى وشكرا

[aymanshebl]

الخرطوم بيخش عادى ياباشا ولا مقاس الزيت ضيق علية وهل فى مشاكل فى الطريقة دى وشكرا

الخرطوم المطاطى بيخش عادى و مش بيتزنق لان قطره اصغر كتير من فتحة المقياس وما فيش مشاكل منها

[mostafa mahmod]

طب تمام و الله يعنى هو انا ممكن اشيل شويه زيت و احط حبه تانيين قدهم علشان ازود اللزوجه شويه ولا كده غلط ؟؟؟؟

[l0new0lf]

طب تمام و الله يعنى هو انا ممكن اشيل شويه زيت و احط حبه تانيين قدهم علشان ازود اللزوجه شويه ولا كده غلط ؟؟؟؟

طبعا غلط
غير الزيت فى معاده و بلاش موضوع التزويد

اتفرج على دول

‪What Happens When You Don't Change Your Oil Part 1‬‏ - YouTube

‪What Happens When You Don't Change Your Oil Part 2‬‏ - YouTube

[MOUSTAFA_SAAD]

جزاك الله خيرا

[aftr]

فكره جميله الواحد كان فى حيره من الموضوع ده تسلم ياكبير