مشيت بالسياره ييجي 8 ساعات اليوم بس المطبات مشكله

[romioromio]

الحمد لله انا بدات اسوق كتير عشان اتمرس
بس الحاجه اللي مش عارف اتقنها اليوم هي المطبات

مش قادر افهم ايه اللي بيحصل

كل مره العربيه تكركر وتطفي لما انزل من المطب واجيب غيار مش عارف ليه

[romieh]

مادام العربية بتكركر يبقى انت كده مديها غيار اعلى من المطلوب

حضرتك وانت داخل على المطب بتهدى بالعربية علشان تاخد المطب بسرعة هادية

بعد لما تعدى المطب (والافضل وانت على المطب نفسه) بتروح تدى العربية الغيار اللى يناسب السرعة اللى انت عليها (واللى فى أغلب الاوقات بيكون الغيار التانى)

وبعدين تبدأ تشيل رجليك واحدة واحدة من على الدبرياج وتزود بنزين (نفس اللى بتعمله لما بتيجى تحرك العربية من السكون)

لو حسيت ان العربية سرعتها قلت عن الغيار التانى مافيش مشكلة انك تجيب الاول علشان ماتسقفش منك

وان شاء الله تتعلم السواقة وتتمكن منها وتبقى احسن من شوماخر كمان

[Amr Axel]

انا رديت ع حضرتك هنا بخصوص موضوع المطب

http://www.nilemotors.net/Nile/239194-2002.html

و عامة زي ما الاخ \ romieh قالك
انك مدي غيار اكبر من سرعة العربية
يعني لو العربية جاب 20 فيما اقل جيب اول
20-40 يبقي جيب التاني
40 فيما فوق يبقي التالت عادي
و السرعة ديه بتتحدد ع حسب ارتفاع المطب اذا كان منخفض او متوسط او عالي و حاول لما تاخد المطب متدوسش فرامل عشان العفشة هدي العربية اوي ع حسب المطب و سيب العربية تاخد المطب

[romioromio]

طب يا شباب نا واحد زميلي كان راكب معايا اليوم
قاللي متلمسش الدبرياج خالص علي المطب
لو ماشي عالتالت مثلا
قاللي افرمل وبعدين لما انزل عالمطب ادوس بنزين علي طول وهي حتسحب تاني

انا جربتها لقيتها حلوه والعربيه ولا بتنط ولا تسقف

بس سحب العربيه بيكون بطئ لحد ما يرجع لسرعة التالت

هو ده غلط علي الموتور

[aymanshebl]

طب يا شباب نا واحد زميلي كان راكب معايا اليوم
قاللي متلمسش الدبرياج خالص علي المطب
لو ماشي عالتالت مثلا
قاللي افرمل وبعدين لما انزل عالمطب ادوس بنزين علي طول وهي حتسحب تاني

انا جربتها لقيتها حلوه والعربيه ولا بتنط ولا تسقف

بس سحب العربيه بيكون بطئ لحد ما يرجع لسرعة التالت

هو ده غلط علي الموتور

غلط جدا انك تمشى على التالت على سرعة اقل ده بيبقىحمل زيادة على الموتور و التروس و طبعا السحب بطى لان الترس التالت اصغر من الاول و التانى علشان كده الموتور بياخد مجهود اكبر علشان يطلع بالعربية و بعدين يوصل لسرعة التالت غلط ياريت ماتعملش كده تانى و هاتها عادي المطب بيتاخد على التانى او الاول حسب سرعتك و كل ده بالتعود و لا تستعجل الموضوع و بالتوفيق

[yoko]

طب يا شباب نا واحد زميلي كان راكب معايا اليوم
قاللي متلمسش الدبرياج خالص علي المطب
لو ماشي عالتالت مثلا
قاللي افرمل وبعدين لما انزل عالمطب ادوس بنزين علي طول وهي حتسحب تاني

انا جربتها لقيتها حلوه والعربيه ولا بتنط ولا تسقف

بس سحب العربيه بيكون بطئ لحد ما يرجع لسرعة التالت

هو ده غلط علي الموتور

صحبك ده متخدش منه نصايح تاني
ده كده هيطيرلك موتور العربيه في وقت قياسي

[Amr Axel]

طب يا شباب نا واحد زميلي كان راكب معايا اليوم
قاللي متلمسش الدبرياج خالص علي المطب
لو ماشي عالتالت مثلا
قاللي افرمل وبعدين لما انزل عالمطب ادوس بنزين علي طول وهي حتسحب تاني

انا جربتها لقيتها حلوه والعربيه ولا بتنط ولا تسقف

بس سحب العربيه بيكون بطئ لحد ما يرجع لسرعة التالت

هو ده غلط علي الموتور

صاحبك ده باين عليه بيعزك اوي ههههههه
اوعي تعمل كده ده كده الموتور هيدعي عليك
حط نفسك مكانه انت اخر النهار تشيل 5 كيلو تخيل حد كل يوم خلاك تشيل 20 كيلو اخر الشهر مش هتبقي نافع

[romioromio]

طب انا دايما لما اروح اعبي بنزين

افتح الكبوت كده الاقي ميه قيربة الردياتير بتغلي بشده
كان ميه بتغلي في حله
هل ده طبيعي ولا في حاجه مسدوده

[mohammedabdallh]

طب انا دايما لما اروح اعبي بنزين

افتح الكبوت كده الاقي ميه قيربة الردياتير بتغلي بشده
كان ميه بتغلي في حله
هل ده طبيعي ولا في حاجه مسدوده

ده موضوع تانى خالص
وكدا كدا العربيه هتسخن منك علشان انت لسه ببتعلم
واكيد برضه حضرتك مبتجريش اوى بالعربيه فبكدا بتسحن اكتر
اهم حاجه فى موضوع الحرارة ان يكون المراوح بتاعه التبريد تكون شغاله كويس اليومين دول يومين حر خالوا بالكوا
ويكون امبير الحراره دايما فى النصف (العربيات اليبانى ) الكورى مش عارف

[romioromio]

انا في السعوديه والحراره ساعات 50

والله انهارده اول مدخلت العربيه كنت ماسك الدريكسيون بالمنديل

[romioromio]

انا بلاقي الميه في قربة الردياتير بتغلي جدا
علما انها مية مكيف بلمها من المكيف وكمان انا في السعوديه
يعني الحراره خلقه فوق ال 45 وساعات 50

بس عداد الحراره دايما تحت النص لكن القربه هي اللي بتغلي
هل الردياتير في مشكله ولا ده الطبيعي