مطلوب رائ ونصيحة خبراء القيادة

[WHL]

بسم الله الرحمن الرحيم

دي اول مشاركة ليا في المنتدى الاكثر من رائع بجد مش مجاملة المنتدى هنا ممتاز لدرجة اني رجعت اكتب واشوف منتديات تاني بعد ماكنت سبتها من حوالي سنتين ...

المهم علشان ما اطولش عليكم

انا بتعلم سواقة جديد واتقفت مع واحد يعلمني وخدت الكورس 6 ايام كل يوم ساعة اول اقل واتعلمت خلاص الكورس
1- اني اطلع بالعربية على الغيار الاول وامشي بيها
2- اني اخد الملفات بايدي الشمال وازاي اتحكم في الدركسيون بايدي وحده
3- اني اثبت رجلى على البنزين واستخدم الفرامل كويس واضغط عليها بحساسية

وللاسف هابدا في كورس تكميلي للكورس الاول وفي اخر حصه كنت بدي غيار تاني بس للاسف ماكنش بيجي معايا كويس فدلوقتي اغلب الحصص اللي فاتت كنت بمشي بالعربيه على الغيار الاول والف في الشوارع وكده وخايف يكون السواق بياكل عيش وحلاوة عليا وعايز يزود في الحصص وخلاص

فدلوقتي ياريت تقوليلي اللي انا اتعلمته في الفتره دي كويس ولا لا تاني حاجة تقوليلي على نظام امشي بيه مع السواق ده بحيث اطلب منه حاجات اتعلمها يعني مثلا الست حصص الجاية ناخد ايه بالظبط

وفي انتظاركم .....

[WHL]

فين ردود رجالتنا الحلوه ؟

[Ashraf_Ibrahim]

هو كدة معلمكش حجات تستحق !
انت مع اول طلعة بالعربية بتتعلم ازاي تنقل للغيار التاني دي اول مباديء السواقة
مشيك على الغيار الاول فترة طويلة مضر جدا للعربية والموتور !

[elpasha1]

هو كدة معلمكش حجات تستحق !
انت مع اول طلعة بالعربية بتتعلم ازاي تنقل للغيار التاني دي اول مباديء السواقة
مشيك على الغيار الاول فترة طويلة مضر جدا للعربية والموتور !

++111111111

[A.Saad]

عندك منفضة

نفض له وشوف غيره

[WHL]

انا ناوي اكمل معاه بس بالحصه مش كورس كامل بس عايز امشي بدماغي يعني انا اللي اقوله عايز اتعلم كذا وكذا مش عايز ابقى تحت ايده هو اللي يعلمني بمزاجه ونظام ماشي بيطول في الحاجة وقوله علشان ياخد فلوس اكتر

[Amr Axel]

من الواضح ان الشخص ده بيستغلك شوف حد غيره
المفروض تكون في المدة ديه تكون وصلت للغيار التاني و فيه ناس بتوصل للغيار التالت
وبعدها تبتدي بقي تنزل في الشوارع
و ممكن تشوف مدارس تعليم القيادة التابعة للمرور

و بالتوفيق ان شاء الله

[A.Saad]

اتعلم ركنات
اتعلم مشى فى الطريق وتظبط نفسك فى حارتك
تاخد الملف ومتسرحش فيه يمين فى شمال
المرايات والاشارات وتغيير الحارة
الوقوف على المطالع والمنازل - كبارى وانفاق يعنى فى الزحام

[kashtoot]

اتعلم ركنات
اتعلم مشى فى الطريق وتظبط نفسك فى حارتك
تاخد الملف ومتسرحش فيه يمين فى شمال
المرايات والاشارات وتغيير الحارة
الوقوف على المطالع والمنازل - كبارى وانفاق يعنى فى الزحام

هوه ده الكلام المظبوط

[WHL]

من الواضح ان الشخص ده بيستغلك شوف حد غيره
المفروض تكون في المدة ديه تكون وصلت للغيار التاني و فيه ناس بتوصل للغيار التالت
وبعدها تبتدي بقي تنزل في الشوارع
و ممكن تشوف مدارس تعليم القيادة التابعة للمرور

و بالتوفيق ان شاء الله

والله انا مخنوق جداً ونفسي اتعلم كويس بس للاسف هو ده اللي قدامي والمشكلة الاكبر ان ماعنديش عربيه ولا امكانياتي تسمح بعربيه دلوقتي

[WHL]

اتعلم ركنات
اتعلم مشى فى الطريق وتظبط نفسك فى حارتك
تاخد الملف ومتسرحش فيه يمين فى شمال
المرايات والاشارات وتغيير الحارة
الوقوف على المطالع والمنازل - كبارى وانفاق يعنى فى الزحام

عندك حق والله انا عرفت موضوع طلوع الكباري ده في الزحمة وواضح انه عايز فعلاً تعليم انا هحاول اقوله على الحاجات ده واتعلمها منه