نصيحه لاصحاب الاتوماتك ارجو انها تفيدكم لانها بتحافط علي الجير

[tatomor]

طبعا الاغلب لما يجي يركن العربيه بيعمل التالي فرامل-وضع الجير علي الوضعP وبعدين يسحب فرامل اليد دا ازا سحبها طبعا ده بيحمل تقل العربيه كله علي الجير وممكن يبوظه
طب ايه المفروش نعمله
١-فرامل
٢-نضع الجير في الوضع N(كاني ممور العربيه) يعني الجير فاضي
٣- نسحب فرامل اليد
٤- تشيل رجلك من علي الفرامل (كده العربيه محمله وزنها كله علي فرامل اليد)
٥- تدوس فرامل تاني وتضع الجير في الوضع P
٦- تطفي العربيه وتتوكل علي الله
ارجو اني اكون افدتكم وبالتوفيق جميعا

[wael_elbarkoky]

فعلا هي دي الطريقه الصحيحه عشان تحافظ علي الفتيس و العربيه وقفه
انا بعمل كده شكرا لحضرتك علي التاكيد

[gebreel]

و كمان ارجوووووووكو محدش يغير من نقلة لنقلة و العربية بتتحرك حتى و لو على سرعة 2 تدوس فرامل و تقف خالص و تجيب نقلتك

[hemeda14]

جزاك الله خيرا وشكرا علي المعلومه

[sara2001]

طبعا الاغلب لما يجي يركن العربيه بيعمل التالي فرامل-وضع الجير علي الوضعp وبعدين يسحب فرامل اليد دا ازا سحبها طبعا ده بيحمل تقل العربيه كله علي الجير وممكن يبوظه

كنت في الأول بعمل كده
لكن من فتره طويله بعمل الآتي :
1- فرامل والجير بيكون في الوضع d او r
2- بسحب فرامل اليد
3- بحرك الجير للوضع p
4- بشيل رجلي من على الفرامل وأطفي العربيه
ياترى كده حمل على الجير برضه ؟

[mr_sameh]

بارك الله فيك

[Ashraf_Ibrahim]

طبعا اللي انت ذكرته سليم 100%
جزاكم الله خيرا -بغض النظر ان عربيتي مانيوال - :d

[gebreel]

انا عاوز اسئل سؤال جه في بالي النهاردة لو احتجت في لأي ظرف من الظروف اني امور العربية و انا ماشي rpm رفع فجأة ولا حاجة ممكن اجيب من الd للn على طول بدون مشاكل ولا لأ

انا عارف ان مينفعش من الn للd وانا ماشي بس العكس ينفع ولا لأ؟

[khodiry]

اة ممكن وبدون خوف لانك كدة تقريبا بتفصل السرعة عادى

[Deshahcoka]

احب اوضح نقطة ... انا شايف انو الواحد يبيت العربية و يطفيها و يسيبها على وضع N افضل حاجة ... زي المانيول

اقولكم ليه ... ال P ملوش لزمة الا يعكس دوران كل عجلة امامية عشان تكلبش في الارض فعمله نفس عمل الهاند يعتبر فرامل بس بالجير ... و ده لزمته لو عاوز تسيب العربية مركونة و محدش يعرف يزقها .... لانوا فرامل اليد خلفي و ديه يعتبر فرامل امامي كانك مدي غيار و انتا مبطل العربية ...

عموما ال N اسلم و احسن برضه عشان لما تركن متوازي الي قدامك و الي وراك لما يخبطوك يبقى التحميل على تيال الفرامل الهاند مش الجير

و كمان ارجوووووووكو محدش يغير من نقلة لنقلة و العربية بتتحرك حتى و لو على سرعة 2 تدوس فرامل و تقف خالص و تجيب نقلتك

باشا بالنسبة للنقل ...

اي جيبر بوكس في العالم لعلمك لو ماشي 200 و العربية D مديه غيار و حضرتك جبت N مورت يعني الترس بيتفصل من غير اي مشكلة ولا ضرر عشان كمبوتر العربية بيشيله بامان و العكس صحيح لما حضرتك ترجعه d تاني بيرجع طبيعي من غير نطة ولا نتشة ولا حاجه بالعكس لو انتا على سرعة الكمبتور بيوطي الاربي ام للغيار المناسبة و بينقل ...

و ده بدليل انوا ممكن تنقل ما بين D و N من غير لوك :)

اما بالنسبة تدوس فرامل خالص الموضوع ده مش فارق الا لما تجيب R و مش فارقة برضه اقلك ليه ..

بيبقى في فترة نقل ما بين عكس التروس فلو انتى على سرعة 2 :) الترس بيقف و بيعكس من غير مشاكل ...

و على فكرة لو ماشي 100 و الغير الي بزرار مش مجر و دوست و اديتها R مش حيجيب :) الا لما العربية تقف و ده عن تجربة في فتيس بي ام موديل 96 528

فكدة او كدة الفتيس محمي مليون المية من الاخطاء البشرية عكس المانيول ( الدبرياش مش لتحت خالص و التسقيط و شيل الرجل مرة واحدةوووووووووووووو )

الاوتوا اكتر حاجة زبالة فيه انك تزود بانزين كتير و تديها غيار عشان تامرك و ده قاتل للفتيس عشان حتى الكمبوتر لما حضرتك بتودس بانزين الترس بيلف بسرعة و الكموتر يفصل الحركة و يحط الترس و يرجع الحركة ( كل ده في اقل من ثانية ) يرجع بسرعته و العجل واقف طبعا و المفرض سرعته تكون ماشية 80 مثلا فيروح قافش و ده ممكن يكسر التروس او الاكسات و يخليها تبوش ... عكس لو انتا ماشي العجل بيكون بيمشي اصلا فالسرعة بتزيد يا تقل :)

و الله اعلم :)

الكلام ده عند تجربة :)

و اجدع نوع فتايس الي بيبقى مجر ده عن تجربة فتيس الزرا ده فاشل :( الزرار ممكن النقلات تخش في بعض المجر مستحيل :)

[MOUSTAFA_SAAD]

جزاك الله خيرا

[Deshahcoka]

اغبى حاجة الناس الي بتقف في اشارة ولا زحمة 5دقيقة تلاقيه مدي العربية p !

ده قمة يعني مش عارف ! و وش بيبان و يتفضح تلاقي لمبة المرشدير نورت و طفت :)

ال p يعني بارك يعني تقف و تكلبش عشان العربية مطرش ... غير كدة مش فارق ...

و اقلك دليل :) و عن تجربة :)

لو انتا ماشي يعني 5 مثلا و و تروح مديها p تلاقي صوت تتتتتتتتتتتتتتتتكتكتكتكتتكتت لغاية ما العربية بتقف !

و ده غلط عشان عاملة زي شنكل ( حديدة ) بتسقط على الترس عشان يقف و يعمل لوك و حضرتك لما تعمل كدة الشنكل معرض يتكسر او ياخد سنة و يكسرها او يبرد السنون فتبوش ...

[Ayman-Ahmed]

مشكور على المعلومات الجميلة ولكن عندى استفسار.

لما بركن فى اخر اليوم بادوس فرامل واسيبها على ال n وارفع الهاند ؟ هل ده صح ولا غلط ؟

فى التوكيل دايما بشوفهم سايبين العربية على ال p حتى لو هيحركوها بعد دقيقة؟

[Deshahcoka]

مشكور على المعلومات الجميلة ولكن عندى استفسار.

لما بركن فى اخر اليوم بادوس فرامل واسيبها على ال n وارفع الهاند ؟ هل ده صح ولا غلط ؟

فى التوكيل دايما بشوفهم سايبين العربية على ال p حتى لو هيحركوها بعد دقيقة؟

باشا توكيل ايه يا باشا :)

شوف مشاركتي الي قبليها :)

و فعلا ده الصح و الاحسن :) العربية اصلها مش حطير يعني عشان تخليها p :( الا لو الهاند ضايع و المكان الي انتا فيه ممكن ياخدو االعربية و يمشوا يعني :)

[Ayman-Ahmed]

باشا توكيل ايه يا باشا :)

شوف مشاركتي الي قبليها :)

و فعلا ده الصح و الاحسن :) العربية اصلها مش حطير يعني عشان تخليها p :( الا لو الهاند ضايع و المكان الي انتا فيه ممكن ياخدو االعربية و يمشوا يعني :)

مشكور يا باشا على تاكيد المعلومة.هما تقريبا بيستسهلوا ويديها p علطول .