لية العربيات بتطفي في المطر

[al_manara]

السلام عليكم

عيد سعيد . تقبل الله منا ومنكم

وانا بشوف صورة من الي حصل في نيويورك افتكرت حاجة
هي في عربيات بتمشي في المية ومش بتطفي ؟
ولية عندنا في عربيات ايام المطر جديدة وقديمة الواحد كان بيلقيها راكنة عشان طفت من المية ؟

علي قد معرفتي ان المية بتدخل في الاسبراتير . طيب هل فية حاجة تانية ؟ وهل ينفع نحل المشكلة دي ؟

[HeMa_LanCeR]

معظم العربيات بتبطل علشان الشكمان مش الأسبرتير :)

[Amr Axel]

العربية بتطفي من المية نظرا لدخول المية للشكمان فتبطل
و ده ليه حلين يا اما تيجي في الشتا و تفكر بتفكير حالاتي المنيل و تجيب حلية شكمان طالعة لفوق شوية و تركبها و تحكم كويس ع الماسورة
يا اما و انت ماشي في المية تحاول تفضل دايس بنزين لأن قوة دفع الهوا لبرة هتمنع دخول المية شوية لو المية مش كتيير
و الافضل حاول متدخلش في مية تحس ان مستواها يوصل للشكمان و ارجع

موضوع المية تدخل لطقم الكهربا بيحصل احيانا لو بتغسل الموتور فالعربية مش بتدور و لازم تتأكد من جفاف السلوك و البوجيهات..ألخ...ألخ عشان كده بيحطوا كيس ع طقم الكهربا و اي حاجة تبع الكهربا في العربية ساعة غسيل الموتور
اما ان المية تدخل جوة ساعة مطر فده صعب شوية لأن اولا الكبوت بيحمي حوض العربية
ثانيا الفرق اللي بين الكبوت و الرفرف معمول ع شكل مجري بحيث لما المطرة تنزل تنزل من العربية

الحالتين اللي تخلي المية تدخل ع الحوض ساعة المطرة بقي انك تمشي في مستوي عالي من المية اوي يعني المية مستواها عالي او تمشي بسرعة جداا في المية هتدخل من تحت

و اتمني اكون افدتك
و بالتوفيق ان شاء الله

[al_manara]

معلومة جديدة بالنسبالي بتاعت الشكمان . وانا كنت فاكر الاسبراتير :)
انا فاكر ايام المطر عندنا كنت بشوف العربيات جنبي بتطلع فقاقيع من الشكمان في المياة

جزيتم خيرا

[abdalah_hashem]

هى فعلا نظرا لانسداد الشكمان بالماء

[amrelsaqqa]

انا مرة العربية غرزت في رمل وقعدت تبطل منى كأنى مش عارف اطلع وفي الاخر فهمت ان الرمل دخل جوة الشكمان بس الحمد لله عرفت اطلع في الاخر

[gazzar91]

العربية بتطفي من المية نظرا لدخول المية للشكمان فتبطل
و ده ليه حلين يا اما تيجي في الشتا و تفكر بتفكير حالاتي المنيل و تجيب حلية شكمان طالعة لفوق شوية و تركبها و تحكم كويس ع الماسورة
يا اما و انت ماشي في المية تحاول تفضل دايس بنزين لأن قوة دفع الهوا لبرة هتمنع دخول المية شوية لو المية مش كتيير
و الافضل حاول متدخلش في مية تحس ان مستواها يوصل للشكمان و ارجع

موضوع المية تدخل لطقم الكهربا بيحصل احيانا لو بتغسل الموتور فالعربية مش بتدور و لازم تتأكد من جفاف السلوك و البوجيهات..ألخ...ألخ عشان كده بيحطوا كيس ع طقم الكهربا و اي حاجة تبع الكهربا في العربية ساعة غسيل الموتور
اما ان المية تدخل جوة ساعة مطر فده صعب شوية لأن اولا الكبوت بيحمي حوض العربية
ثانيا الفرق اللي بين الكبوت و الرفرف معمول ع شكل مجري بحيث لما المطرة تنزل تنزل من العربية

الحالتين اللي تخلي المية تدخل ع الحوض ساعة المطرة بقي انك تمشي في مستوي عالي من المية اوي يعني المية مستواها عالي او تمشي بسرعة جداا في المية هتدخل من تحت

و اتمني اكون افدتك
و بالتوفيق ان شاء الله

ربنا يكرمك و يجازيك عنا خير

في رعاية الله

[juba8]

لانسداد الشكمان بالماء

[rotanamasoud]

لانسداد الشكمان بالماء

انا غير مقتنع تماما 100%
اولا الضغط داخل الشكمان اعلى من الضغط الجوى والعادم طالع لا محاله واعمل تجربه جرب تجيب جركن مفتوح واملا ميه وحطه فى فتحه الشكمان حتلاقيه بيبقلل فقاقيع لان الضغط اعلى على السلانسيه دى قوه طرد البستم مع غلق الصمامات بتولد ضغط عالى
اما اسباب توقف السيارات من الماء الاساسيه
يعتمد نظام محركات البنزين بصفه اساسيه على البوجيهات لاحتراق الوقود واى خلل فى منظومه اشعال البوجيهات حيوقف الموتور سواء دخول ماء للاسلاك او الاسبراتير او المشط او المبينه الى اخره

[borio1704]

العربيات بتطفي علشان حاجتين...

1- لو المية وصلت للاسبيراتير.. والعربيات الفيات القديمة كان الاستبيراتير في أوطى نقطة في الموتور.. وكمان مش معزول كويس..

2- لو المية دخلت في السلندر..

باختصار لو كانت فتحة دخول الهوا في مستوى منخفض شوية .. فالمية هتتسحب وتدخل جوه السلندر... والموتور هيقف بمجرد حدوث أول شوط انضغاط جوه السلندرات... ومش بعيد حاجة تتكسر جوه.

ده السبب الأساسي اللي خلى عربيات الـ4x4 بتركب ماسورة عالية لسحب الهوا في جنب الرفرف الأمامي (بيسموه سفاري سنوركل)..




إنما موضوع الشكمان ده... مش داخل دماغي بصراحة

احتمال يكون السبب هو إن وجود المية بيعمل ضغط عكسي (back pressure) على الموتور.. خصوصا إن الموتور على السلانسيه بتبقى قوته ضعيفة وما يقدرش يتحمل الضغوط الخفيفة دي.. زي ما احنا بنقدر نطفي الموتور لو سدينا الشكمان بإيدينا.