اتصرف بنفسك: إضاءة درج التابلو

[ecybrarian]

الأدوات:
مفتاح باب تلاجة (2 جنيه ونصف)
لمبة او LED جاهزة بتاعة العدادات (الـ 2 LED بستة جنيه)
دواية (نص جنيه)
متر سلك 2مم (مش عارف بكام..اصل عندي سلك كتبر من زمان)
بكرة لزق Double Face تعمل 2 جنيه ونص
شريط لحام (شطرتون) و/أو كليبسات بغطاء
قصافة لزوم قص السلك وتقشيره

الوقت:
نص ساعة لو انت عارف كويس اصول الفك والتركيب

الخطوات:
- طلع الكاسيت من مكانه (الافضل من غير ما تفك اسلاكه)
- فك درج التابلو بالضغط عليه من الجانبين وسحبه لأسفل
- وصل سلك من مفتاح الثلاجة إلى سلك الـ 12V الواصل بالكاسيت
- من الطرف الثاني للمفتاح وصل سلك للدواية (في تلك الحالة يوصل المفتاح الكهربا الموجبة +)
- من الطرف الثاني للدواية وصل سلك لأي مكان حديد خلف التابلو أو وصلها للأرضي بتاع الكاسيت (هذه وصلة السالب -)
- تأكد من ان دقة الدائرة عن طريق الضغط على المفتاح واختبار إذا كانت الـLED بتنور ام لا
- اعزل جيدا جميع الوصلات سواء بشريط اللحام أو بالكليبسات
- لف الـ Double face حول مفتاح الثلاجة وازنقه في مكان بحيث لا يظهر المفتاح وبحيث يتم الضغط على المفتاح عند غلق الدرج (انظر الصورة
- لف Double face حول الدواية وضعها في مكان لاتظهر في الدواية ولكن المكان يسمح بإضاءة الدرج

- اقفل الدرج بالضغط على الأجناب ودفعه للداخل
- وعيش :-)



-ولو عندك وقت ممكن مكان تفك التابلو وتغير اللمبات بـLEDs زرقا مثلما فعلت

[Karim_Monir]

الله ينور يا دكترة
ما تيجي نفتح محل تعديلات سواء
انت تعدل وانا اجيبلك زباين واقبض
ها ها ها

[ZALABANY]

الله ينور عليك يا دكتور فعلا أفكر جميله وغير مكلفه إلى الأمام وياريت تكملنا السلسله

[Walidghali]

يا سيدي على الشغل ، بس حرام عليك التعقيد ده مش علشان led بجنيه ونص يبقى كل حاجة سهلة
انت تديني معاد واجيب لك كرتونة leds تروق لي العربية

سلام
وليد

[hamedo0]

الله ينور يااستاذ هشام

[eng_mkhalaf]

هشام باشا - متدور كدة فى دفاترك وتشوف لينا حاجة توفر البنزين أو بديل عنة يحسن أنا عربيتى بلاعة بنزين والنزين خلاص مش قادر علية :(

[Moh.Abdelbaset]

الله ينور يا استاذ هشام
تسلم ايدك

[Nader]

الله ينور يا دكتور:)

بس هو انت عندك الكاسيت بيطلع لوحدة من غير

فك الكونسول؟؟

[ecybrarian]

أولا لازم اشكر الأستاذ نادر على تشجيعة المستمر لمحاولاتي المتواضعة في سلسلة اصنع بنفسك.

كريم باشا، ولله فكرة وانا ممكن اعيش بالشاي إللي هاخده من الزباين :-)
===
الاساتذة etrawy و hamedo0، شكرا لكم ولتشجيعكم
===
باشمهندس eng_mkhalaf، أحسن حل انا عملته خلاص. ركنت العربية وخليتها للمشاوير العائلية فقط..ورجعت تاني لأيام الفقر والشقاوة والتنطيط في الميكروباصات :-))
===
دكتور Walidghali هات انت بس الكرتونة وملكيش دعوة
===
استاذ zalabany2007، ربنا يقوينا، وانا ناوي بإذن الله تكملة السلسة..وياريت ناس تانية تشارك معانا
===
نادر باشا، انا بفك الكاسيت بمفكين رفيعين زي الشوكة بتاعة الكاسيت (إللي ضايعة مني) ده غير إن انا كده كده فكيت الكونسول علشان اركب الـLEDs الزرقاء

[Nader]

الشكر لله يا دكتور، السلسلة مفيدة جداً واهم حاجة هي انك بتابعها على طول.

[wisambasha]

هيشو باشا انا لم انسي انك كنت السبب في اني افكر اغير الي ال LEDs في عربيتى

والله بادعيلك:))

[S H @ F T]

شكرا ياباشا على الموضوع
أنا كمان عملت موضوع العدادات بعد لمبة الصالون بس مشكلة الled في العداد انها مش بتيدي انتشار للضوء بيبقى النور متركز مكان الled بس فطلع شكلها مش ظريف
معندكش حل للمشكلة دي؟

[loai-omar]

الله ينور يا دكتور بس انا عشان افك الكاسيت حواار


ال Led اشتريه من فين

[ecybrarian]

وسام باشا، لما د. وليد غالي يجيب كرتونة الـLEDs ابقى عدي علينا :-)
===
الاستاذ S H @ F T، في نوعين من LEDs بتتباع. نوع بوزه محدب زي اللمبة وفي نوع تاني بوزه مقعر. النوع المحدب ده بيوزع النور من مركزه فبيبقى زي Spot light، أما النوع المقعر فبينور أكتر من الجناب Ambient.
===
الاستاذ loai-omar، بلاش تفك الكاسيت ممكن تجيب الـ12 فولت الموجب من أي حتة (الإنذار مثلا). وهاتلاقي LEDs بنوعيها المحدب والمقعر بإذن الله في التوفيقة وكمان في دمشق وعند بتوع الأكسسورات في عابدين (عند شكيب)

[zeyad1810]

اية الحلاوة دى
بجد شغل عالى وعاجبنى ان الواحد يعمل حاجتة بنفسة لانة بعد كدة بيفرح بيها قوى