طريقه توصيل كاسيت العربيه

[mrghost]

السلام عليكم ورحمة الله وبركاته

دى ياجماعه طريقه توصي الكاسيت بتاع العربيه

دى صوره توضح الوان اسلاك الكاسيت




Uploaded with ImageShack.us

اولا :

اللون البرتقالى ده بتاع الميمورى يعنى بيخلى الساعه اللى فى الكاسيت تفضل شغاله ويفضل محتفظ بمحطات الراديو اللى متخزنه وده مفروض ياخد كهرباء علطول (بمعنى انه ميبقاش متوصل مع الكونتاكت بتاع العربيه علشان تفضل الميمورى محتفظه بالبيانات )

ثانيا :

اللون الاحمر وده بيتوصل مع الكونتاكت عادى علشان متنساش الكاسيت شغال وممكن يتوصل برضه مع الميميورى (اللون البرتقالى) بس فى الحاله دى مش هيفصل مع الكونتاكت

ثالثا:

اللون الاسود وده الارضى طبعا وممكن يتوصل بأى مكان فى صاج العربيه عادى

كده باقى 8 اطراف بيبقى كل طرفين ليهم نفس اللون

يعنى مثلا لون اخضر ولون اخضر وفيه خط اسود

وده كل طرفين لون واحد بيتوصلوا بسماعه فى العربيه

وبيبقى مكتوب ع الكاسيت ده بتاع انهى سماعه

يعنى مثلا front left معناها السماعه الاماميه شمال

Rear left يعنى السماعه الخلفيه شمال

ملحوظه:-

فى عربيات الكاسيت بيفصل مع تشغيل الكلاكس او تقليب النور وده بيبقى السلك اللى متوصل عليه الكاسيت ضعيف (مساحه مقطعه صغيره)

فى الحاله دى نوصل سلك من اول البطاريه سلك يكون مساحه مقطعه كبيره مثلا 2 او 3 مللى

واى استفسار انا ف الخدمه

[gazzar91]

جزاك الله خيراً عنا

في رعاية الله

[samihanwar]

والله مشكور جدا
شكرا جزيلا لك يا كبير

[moh19227]

متشكر علي الافادة

[mrghost]

العفو ياجماعه نورتوا الموضوع

[ahmedtunning]

مشكووووووووووور يا كبييير

[rasim]

السلام عليكم
جزاك الله خيرا على الشرح
بس فى مكشله عندى ان الكاسيت شغال على طول يعنى النور بتاعه شغال على طول مش بيفصل وكمان ممكن اشغله والعربية مش دايره اى وانا شايل المفتاح من الكونتكت ايه المشكله بقى

[l0new0lf]

طيب الكاسيت اتوصل و تمام بس بيعمل ذبذه مع تشغيل الموتور
ايه الحل؟

[mrghost]

طيب الكاسيت اتوصل و تمام بس بيعمل ذبذه مع تشغيل الموتور
ايه الحل؟

افضل حل انك تاخد كهرباء من البطاريه مباشره للكاسيت او تجيب فلتر من عند بتاع الكاسيت على ما اعتقد بحوالى 30 او 40 جنيه بيركب قبل الكاسيت

[nasser73]

جزاك الله خيرا

[kashtoot]

جزاكم الله خيرا

[wael_elbarkoky]

شكرا يا باشا علي الموضوع ده
ان كنت محتاج اعرف ازاي اوصل الكاسيت
عشان قبل كده كان في مشكله في التوصيل و وديته لواحد مخصوص عشان يركبه

شكرا لحضرتك

[checo4lamor]

موضوع شيق و جميل و ان شاء الله هبقا اجرب كده و ربنا يستور

[haneen83]

انا عندى مشكله فى الماروتى بتاعتى هى موديل 2010 و الكاسيت فجأه كده بقى يقطع و بعدين فصل خالص ما بقاش بينور وو لا يشتغل
هى دى حاجه ممكن اصلحها بنفسى و الا اروح لحد ؟؟

[Ahmed Nasser]

كلام جميل اوى