انحراف الدركسيون الفجائي

[chihab18]

كنت ماشي علي سرعه 50 والطريق فاضي امامي وباخذ سنه شمال لقيت العربيه انحرفت انحراف هائل ناحيه الجانب الشمال رغم الدركسيون كان ثابت في ايدي وعدت السيارة الي الاتجاة المقابل في مواجهه السيارات والحمد لله ربنا ستر والخبطه جت في الجنط الامامي والاكصدام الامامي
وبسأل السبب غالبا يكون ايه ؟ لان سمعت اجابات متضاربه ومش عارف السبب ايه
والحاجه الثانيه اخ فاضل قال لي ان الفرامل في الفتيس الاوتماتيك بتفقل علي العجل الامامي فقط دون الخلفي ؟ والفتيس الاوتماتيك كنت لسه مركبه بقالي يومين واول مرة اجرب السياره علي الطريق السريع . فهل له علاقه بالموضوع ؟
وايه الاجزاء اللي لازم اراجع عليها كويس قبل ما افكر اطلع تاني بيها علشان ميحصلش ده تاني ؟ علما بان الدركسيون عادي مش باور والاطارات مقاس 14
السياره هي مرسيدس 200 موديل 1982

[chihab18]

وياريت نصحيه في حالات انحراف السيارة فجاءة واحنا ماشين بسرعه نتصرف ازي؟

[MMamdouh]

هل فيه بوش كبير فى علبة الدركسيون؟

الفرامل في الفتيس الاوتماتيك بتفقل علي العجل الامامي فقط دون الخلفي

ايه دخل الفرامل فى الفتيس فى العجل الامامى؟؟

MMamdouh

[mohamed ibiza]

mmahmoud بوش علبة الدركسيون ميعملش كده الابيزا عندي كان في بوش في العلبة و مشيت بيها شهور كده و محصلش الكلام ده بس اللي ممكن يعمل كده فعلا البطاحات تبقي ماشي في امان الله و فجأة الدركسيون يتقلب كله لوحده كده

[Ahmed Selim]

ممكن يكون فى جاز او زيت خفيف فى الأرض فى ناحية واحدة من العربية

[chihab18]

mmahmoud بوش علبة الدركسيون ميعملش كده الابيزا عندي كان في بوش في العلبة و مشيت بيها شهور كده و محصلش الكلام ده بس اللي ممكن يعمل كده فعلا البطاحات تبقي ماشي في امان الله و فجأة الدركسيون يتقلب كله لوحده كده

يعني ايه البطاحات ؟ ومن وجهه نظرك العيب غالبا حيكون ايه في الحدفه الفجائيه دي ؟ في واحد قال لي النهارده ان ممكن يكون عدم اتزان العجل ؟
اما الطريق فكان ناشف مفيش زيت او جاز علي الارض ؟
وجزاكم الله خيرا

[furp]

اولا الحمد الله انها جت سليمه

والف سلامه عليك وان شاء ربنا يسترها معانا كلنا

ثانيا للموضوع الفني كان نفسي افيدم بس مش بحب افتي في حاجه مش اعرفها

بس حبيت اقولك الف سلامه مش اكتر

[chihab18]

انا متشكر اوي لشعورك وربنا ما يصبنا باي حاجه لنا لكل والحمد لله وجزاكم الله خيرا

[ahmedfra]

حمد الله على السلامة و ربنا ستر . انا ساعات الموضوع ده بيحصل معايا بس بيكون بسيط الاقى الديكسون هدل يمين او شمال منى و بقول يمكن الأسفلت . عموما انا متابع الموضوع عشان اعرف السبب ايه .

[chihab18]

حمد الله على السلامة و ربنا ستر . انا ساعات الموضوع ده بيحصل معايا بس بيكون بسيط الاقى الديكسون هدل يمين او شمال منى و بقول يمكن الأسفلت . عموما انا متابع الموضوع عشان اعرف السبب ايه .

سمعت اخ فاضل قال لي انها ممكن يكون البيض ؟ وقال لي مش البطاحات ؛ وانا عن نفسي مش فاهم يعني ايه بطاحات ؟ وطلب ان اغير المقصات والبيض وبصراحه سمعت كلام مختلف من كذا واحد
وعموما انا راكنها من ساعتها ولا استعملها لاني عاوز اكون معلومات نظريه الاول عن السبب حتي يمكن توجيه الصنايعي ؛ ولسه برضه سؤالي لو الحاله دي حصلت لاقدر الله في اي عربيه علي الطريق السريع السائق يعمل ايه ؟

[ziours]

اعتقد عايز ظبط زوايا

[mohamed ibiza]

يعني ايه البطاحات ؟ ومن وجهه نظرك العيب غالبا حيكون ايه في الحدفه الفجائيه دي ؟ في واحد قال لي النهارده ان ممكن يكون عدم اتزان العجل ؟
اما الطريق فكان ناشف مفيش زيت او جاز علي الارض ؟
وجزاكم الله خيرا

البطاحات هي اللي بتوزن العربية لو فتحت الكبوت هتلاقي عند الجنب اليمين و الشمال من جوا حتتين ككببين كده فيهم دورية في النص البطاحة هي اللي بتبقي عل الوش و تحتها المساعدين البطاحات بتبقي كاوتش و فيها فيها جزء معدن لما الكاوتش ده بيتاكل عمره الافتراضي و خلص بقي العربية دركسيونها بيتقلب كله مرة واحدة بطريقة فجائية كده و انت ماشي حصلت معيا غير البطاحات و بعدها ظبطت زوايا و رجعت زي الفل اكشف و انا اعتقد ان ده العيب طالما بتقول انحراف فجائي قوي و الدركسيون بيتقلب كده اعتقد ان دي بطاحات لان بظبط دي الاشارة اللي بتعملها لما تتاكل

[Powert]

ممكن الفرامل تعمل كده تكون الفرامل الشمال قفشت قبل اليمين وده بيسبب حدفه جامدة لناحية القفش

المشكلة دي حصلت معايا كنت ماشي على كوبري اكتوبر وطريق وقف مرة واحدة ورحت ضارب فرامل

لاقت العرابية حدفت لحارة الشمال وحمد لله مكانش في حد جاي وريا

رحت بعد كده كشفت على الفرامل لاقت الماستر عايز يتغير وكمان الفرامل مكانتش نوع نضيف

[mohamed ibiza]

ممكن الفرامل تعمل كده تكون الفرامل الشمال قفشت قبل اليمين وده بيسبب حدفه جامدة لناحية القفش

المشكلة دي حصلت معايا كنت ماشي على كوبري اكتوبر وطريق وقف مرة واحدة ورحت ضارب فرامل

لاقت العرابية حدفت لحارة الشمال وحمد لله مكانش في حد جاي وريا

رحت بعد كده كشفت على الفرامل لاقت الماستر عايز يتغير وكمان الفرامل مكانتش نوع نضيف

كلام مظبوط بس محصلش عندي خالص و احسن حاجة الكشف

[Xpert]

ممكن تراجع علي الفرامل علشان فعلاً ممكن يكون فرده ةاحده بتمسك قدام تسبب حدفه ... و ممكن كمان بيض الدريكسيون يكون خفيف يسبب حدفه .. ممكن عيب مقصات او بطاحات يسبب حدفه ...اي حاجه تسبب خلل في العفشه قدام ممكت تسبب حدفه ..