افادى و لا افرمل

[mansour77]

السلام عليكم
انا بقالى يومين مش بنام بسبب اللى حصل
انا ماشى على البحر ف اسكندريه على سرعه 70 بالكتير و فجأه لقيت قدامى جماعه بيعدو السكه و معاهم عيال صغيرين مسكينهم الحمد لله ان سرعتى كانت مناسبه انى اقف و مضرش حد ,, بس انا اللى اتضريت لان عربيه دخلت فيا من ورا بهدلتنى و كلفتنى 1500 جنيه بس فيا ناس بتقلى كان ممكن تفاديهم انا مش عارف ايه الصح ,,, القرار فى جزء من الثانيه لو اتنقلت للحاره اللى بعدها بسرعه كان ممكن حد يكون جى من ورا او انهم يكملو تعديه ف الطريق و الاقيهم قدامى و خبطهم لا قدر الله
ايه الصح فيدونى

[yassergpc]

الصح يا باشا انك تفرمل و اللى انت عملتو هو الصح الصحيح . لانك من الممكن كنت تفادى و برضه تخبط الناس من الخضه و لكن فى حالة الوقوف و الفرملة الخاسر هو السيارة فقط و ليس الناس ودى خسائر مقبولة و ممكن تتعوض ولكن الناس مش ممكن تتعوض . وشكرا

[ahmed_eng2001]

ربنا يعوض عليك و يجزيك خير على الى عملته , الى عملته ده هو الصح , احتمال لو كنت جيت فى حارة تانية الى جاى وراك مش شايفهم و كان ممكن يخبطهم

[ahmedsamir5edr]

انت كده تماام و ربنا يعوض عليك

[أبو ياسين]

تفرمل و الى وراك غلطان عشان مش سايب مسافه كفايه بينك و بينو

[hosammoner]

انت الصح وربنا يعوض عليك ويسترها معانا كلنا ان شاء الله

[shiko85]

انت كده عملت اسلم حاجه, لان ممكن الناس اللى انت بتفاديها من الخضه او اللغبطه ترجع و ممكن تخبطهم
ربنا يعوض عليك و الحمد لله انك سليم و ان محدش حصله حاجه

[mohammedabdallh]

الى انت عملته هو الصح
نفس الموقف ده حصل قدامى مره قدام مكتبة الاسكندريه
عربيه ميكروباص تويوتا وقفت مره واحده عربية دايو وقف مرة واحده ورها ولحق نفسه قبل ما يخش فيها جت عربية تويوتا برده ميكروباص دخلت فى الدايو من ورا ولبسته فى التويوتا الى قدامه الدايو باظت من ورا ومن قدام
ربنا يستر علينا

[mahmoud_afifi]

صح الي حضرتك عملته بس تدي انتظار كمان عشان الي وراك ينتبه.
وقدر الله وما شاء فعل

[mansour77]

ربنا يباركلكم و يجزيكم خير انتم كده ريحتونى والله

[newcastle]

انت عملت الصح

[moh19227]

يا باشا انت عملت الصح واللي وراك غلطان علشان مش سايب مسافة كافيه بينك وبينه

[Ashraf_Ibrahim]

قدر الله وما شاء فعل
انت كدة تصرفك سليم
امبارح انا راجع بالليل الساعة 11 تقريبا
فيه تقاطع -اشارة بعسكري مرور فقط لا غير- مفيش اشارة ضوئية
الاشارة مفتوحة انا مش ماشي بسرعة اوي انا كنت على 50 وبدأت أزود عشان أجتاز الاشارة
اذ فجأة عسكري المرور يظهر ويقفل الاشارة بتاعتنا ويفتح التانية واتفاجأ بالعربيات في وشي
شغلت فليشر وتوقفت بسرعة طبعا
ورايا عربية نقل كان هيلبس فيا لولا انه فاداني وهو بيقف لقيته بيقلي بالراحة في الفرامل
فشاورتله على العسكري وعلى العربيات فالراجل تفهم الموقف يعني
لولا ستر ربنا كان زمان زوزو في التأمين دلوقتي
الحمد لله
التوقف هو الحل الأمثل مع المشاة عشان ولا يلخبطوك ولا تلخبطهم

[mansour77]

قدر الله وما شاء فعل
انت كدة تصرفك سليم

الحمد لله
التوقف هو الحل الأمثل مع المشاة عشان ولا يلخبطوك ولا تلخبطهم

الحمد لله على كل شىء ,, و الحمد لله ان ربنا نجاك من الموضوع ده ,, اخطاء تافهع لناس مش مقدره ممكن تسبب كوارث الحمد لله

[Abdm]

أنا روحت زيارة لآسكندرية ومشيت بالعربية على الكورنيش ومش عارف أمشى بالراحة لآنى كلة بيجرى هو أيوة الكورنيش متسفلت مية مية ويشجع لكن المشكلة اللى بيجرى بسرعة دة وكلهم كدة لو حب يدوس فرامل حتى لو خفيفة بردة مش هيعرف بسهولة لآن كل اللى وراة طايرين مش عارف لية السرعة دية بالذات على الكورنيش على الرغم من أن فى ناس فعلا كتير بتعدى أو يحصل أى ظروف تخلى الواحد يقف يقوم يلاقى اللى وراة لبس فية . ولا حول ولا قوة الا بالله العلى العظيم وربنا يسترها معانا جميعا يا رب