مين الافضل فى التسارع والسرعة القصوى

[ALMAGICO]

السلام عليكم ورحمة الله وبركاتة

انا نفسى اعرف حاجة لو عندنا سيارتين
السيارة الاولى شيروكى 4 سلندر 1992
2500 سى سى
130 حصان عند 5250 لفة
العزم 203 نيوتن عند 3000 لفة
السيارة الثانية تويوتا كورولا الجنوب افريقى
1600 سى سى
122 حصان عند 6000 لفة
العزم 157 نيوتن عند 5200 لفة

لو جينا عملنا مقارنة بين العربيتين من حيث التسارع والسرعة القصوى التى تبلغها السيارتين
مين اللى يكسب بغض النظر عن اختلاف الفئات بين السيارتين عايز اعرف مين اللى يكسب دة اولا
ثانيا فى حاجة كمان انا عربيتى اللى هى العربية الاولى وهى شيروكى 4 سلندر
عداد السرعة 130 ميل يعنى 210 كم
فى حين ان العربية الثانية عدادها 240 كم
مع ان انا كل حاجة فى صالح عربيتى عدد الاحصنة والعزم وكل حاجة
ازاى عدادها يكون اعلى
اسف على الاطالة
وشكرا

[m_elkhishin]

السلام عليكم ورحمة الله وبركاتة

انا نفسى اعرف حاجة لو عندنا سيارتين
السيارة الاولى شيروكى 4 سلندر 1992
2500 سى سى
130 حصان عند 5250 لفة
العزم 203 نيوتن عند 3000 لفة
السيارة الثانية تويوتا كورولا الجنوب افريقى
1600 سى سى
122 حصان عند 6000 لفة
العزم 157 نيوتن عند 5200 لفة

لو جينا عملنا مقارنة بين العربيتين من حيث التسارع والسرعة القصوى التى تبلغها السيارتين
مين اللى يكسب بغض النظر عن اختلاف الفئات بين السيارتين عايز اعرف مين اللى يكسب دة اولا
ثانيا فى حاجة كمان انا عربيتى اللى هى العربية الاولى وهى شيروكى 4 سلندر
عداد السرعة 130 ميل يعنى 210 كم
فى حين ان العربية الثانية عدادها 240 كم
مع ان انا كل حاجة فى صالح عربيتى عدد الاحصنة والعزم وكل حاجة
ازاى عدادها يكون اعلى
اسف على الاطالة
وشكرا

انا حقولك تحليلي الشخصي واحتمال يكون خطأ

لو قسمت قوة الشيروكي على وزنها ، وقوة الكورولا على وزنها حيطلع الفرق مش كبير قوي ويمكن يكون لصالح الكورولا كمان.
الشيروكي ممكن يكون سحبها أسرع قليلا بسبب العزم القوي على لفات موتور قليله بس على السرعات المنخفضة فقط انما الكورولا تكسب على السرعات العالية بسبب الشكل الانسيابي اللي تفتقده الشيروكي.

بالنسبة للعداد، ولا الشيروكي حتجيب ال 210 ولا الكورولا حتجيب 240

[ALMAGICO]

مشكور جدا على رد حضرتك

[MOUSTAFA_SAAD]

انت ناسى فرق الوزن ومقاومة الهوا زالات الجر الرباعى فى الشيروكى اللى مصممه للطرق الجبليه مش للسرعه

[ALMAGICO]

بس انا شايف ان العربية مش ثقيلة زى مالناس فكرة دة وزنها 1315 كجم

[MBhead]

عددها اقل ....عشان هيا عزمها اعلي
الفرق في تصميم الموتور و الات الجر العربيات ال4x4 مش مصنوعه عشان تمشي في الطرق العادية فلازم يكون عزمها عشان تساعد في الصحرا و تسلق صخور ...زي العربيات النص نقل عزمها عالي عشان تقدر تشيل الحمولات لكن سرعة قصوي قليله

[MBhead]

و كذلك معدل القدرة للوزن

[Amr Axel]

اكيد طالما معاك العربية شايف امكانيات كل واحد
و عامة التويوتا تكسب لأكتر من سبب

اولا : مصممة للشوارع ع عكس الشيروكي زي ما الاعضاء تفضلوا و قالوا انها مصممة للطرق الجبلية و الصحرا و هو ده سبب ان عزمها اعلي

ثانيا : فرق الايرودينامك و الانسيابية في الشكل التيوتا اثبت من الشيروكي و بالتالي هتقدر تشد ع السرعات العالية اكتر من الشيروكيو تكون مطمن لأنها ثابتة ع عكس الجيب ممكن لا قدر الله فجأة تلاقي قدام بقي ورا ( او زي ما بنقول وشك بقي قفاك ) و حصلت مع صاحبي شيروكي و باجيرو كمان

ثالثا : فرق الوزن لصالح التويوتا طبعا و ده بيساعد انها تشد اسرع من الشيروكي و خاصة لو حولت ع المانيوال مش هتشوف الشيروكي وراك :)

و بالتوفيق ان شاء الله

[SAMEH_FOUAD]

اكيد التويوتا فى السرعة القصوى والتسارع بسبب

1- الاندفاع بالعجلات الامامية يوفر فرق زمنى فى التسارع عن الكرونة وكمان دية مش كرونة واحد بل اثنان

2- توزيع الوزن + خفة المواد المستخدمة + الايروديناميك هتدى العربية تسارع كويس جدا وكمان مع السرعات العالية هتقلل قوة احتكاك الهواء بالسيارة

3- كمية الهواء الموجود اسفل السيارة اكيد هيبقى اقل فى التويوتا ودة هيخليها ثابتة وتقدر تجرى براحتها بعكس الشيروكى اللى هتلاقيها متعبية هواء من تحت هيخليها مراجيح وكمان هيقلل السرعة القصوى

4- تكنولوجيا المحرك هتفرق

5- عمر المحرك هيبقى لية عامل كبير جدا

6- اذا ذاد عزم السيارة قلت القوة الحصانية , والعكس صحيح

[tutankhamoun]

طبعا الأخوة الكرام تفضلوا و غطوا جوانب الموضوع كاملة
هاضيف حاجة بس

أنت هاتحس بقوة موتورك على سرعات منخفضة
كل لما تدي غيار ...... و مع كل سحبة في الغيار هاتلاقي نفسك فارق علشان عزمك عالي
أول ما الغيارات تتساوى و تقريبا ده هايحصل على 100 كم -س
التويوتا أو أي عربية انسيابية أكتر .......... هاتفرق عنك علشان العوامل الآخرى اللي الزملاء اشاروا إليها
وزن مقابل قوة (الأقل وزن يكسب )
ارتفاع السيارة عن الأرض (و أنت معندكش ثبات يوازي ثبات السيارات الصالون )
أنت عندك قوة أحتكاك أعلى مع الأرض (كاوتشك أعرض )
عندك قوة أحتكاك أعلى مع الهوا المقابل (مفيش شكل انسيابي )
عندك أهدار اعلى في قوة الموتور بيروح في الات الجر .


عداد العربية ملوش أي علاقة بسرعة العربية القصوى .

[ALMAGICO]

حقيقى انا بشكر حضراتكم على المعلومات الاكثر من رائعة
بجد استفدت كثير جدا من كلام حضراتكم
شكرا شكرا شكرا