مش عارف اسوق الفانتازيا التب ترونك

[george_2you]

السلام عليكم
كان معى بيجو 504 وزى الفل والعربية والحمد للة بحالتها
مش مخليها تقول اى او تشكى من اى عطل
المهم جبت الفانتازيا 2011 اوتوماتيك tip tronk
لكن للاسف مش مكيفانى فى السواقة والجرى
ومش عارف اتعامل معها الزاى ولا عارف اطلع من اى عربية امامى فى الطريق
دلونى ازاى اشد وازاى اتعامل مع الاربى
مع العلم انى وانا بسوقها بتكون عينى على الاربى وحرصى انة ما يعلاش
اعمل اية واسوقها الزاى

[3ateef]

العربية عاملة كام الف ؟؟؟ وهل دى اول عربية حديثة تسوقها ؟؟

[Fadi Ezzat]

اتك بنزين للاخر هتلاقى تكة كدة فى اخر الدواسة دى بتاعة الكيك داون هتلاقى العربية سقطت غيار وشدت

[eng.m7md.ali]

المشكلة ان الفنتازيا تقيلة ومش بتاعت شد وجر
بس الحل في الكيك داون

[Rsarabia]

ما هو حضرتك عاوز تشد و فى نفس الوقت مش عاوز الار بى ام يعلى طب ازاى ؟؟
لازم تسيبه يعلى و متخفش مش هيجرى حاجة انا عارف ان اكيد حضرتك خايف عليها بس مش تقلق

[george_2you]

اشكركم على كل الردود
ويا انا يا هى انشاء الله هتعلمها

[zocor742]

ماهو عشان حضرتك تشد وتجرى
لازم تحرق شوية وابسط حاجة عندك تدوس اخر الدواسة وتديها كيكاية هتسقط نقلة وهتلاقيها راحت
ومتنساش ان الفنتازيا عربية تقيلة رسخة ماشاء الله
فاالطبيعى مش هتشوف منها تسارع زى عربية نفس قدرة المكنة بس اخف......
بس اول مابتشم السكة وتمسك الطريق مبتسمييييش (عن تجربة شخصية مع الفنتزيا )

[moh19227]

حاول تنقل علي ار بي ام عالي يعني 5 مثلا وهتحس بالشد بتاع العربيه
وربنا يباركلك فيها

[dr_darsh]

انا حاسس بيك لأن والدى كان معاه 505 موديل 90 (الطياره ) وكانت عربية نضيفة جدا الحمد لله والمهم اول ال a5 مانزلت مصر سنة 2005 والدى اشتره واحده اوتوماتيك tip tronic وانا رحت معاه نستلمها من معرض ارتوك اللى فى المقطم المهم على مانزلنا من المقطم لصلاح سالم انا كنت هاتشل العربية اكون ماشى على 60 والطريق يفتح شوية وعاوز اوصل 80 حتى العربية مش راضية وبتسحب ببطئ شدييييد وانا طبعا مش عاوز اقرص عليها علشان التليين ابص على الشاشه الاقى العربية ماشيه على السادس طبعا مش هتسحب طبعا اخليها مش تنقل ازاى الله اعلم ... وبعدين فى المشكله دى كده العربية فيها عيب وكبعا والدى قاعد جنبى ومانا ممش قادر افتح بقى الراجل لسه دافع مبلغ محترم وانا اللى نصحته بيها وبعدين اقوله دى من كويسه طبعا انتوا عارفين ايه اللى كان هيجرى ..؟؟؟!!!!! وفضلت على الحالة دى لحد ماطلعنا بره القاهره وقفت وابتديت أطلع بيها من الصفر بس بالراحه بدون قرص ( 2.500 -2.800 بالكتير ) لقيت العربية وصلت 110 كم/س مرتاحه جدا ... وتنفست الصعداء الحمد لله العيب طلع منى اناا اللى مش عارف اتعامل بس فى خلال اول 1000كم كنت خلاص اتعودت عليها ماشاء الله عليها وحش بجد لا 505 ولا غيره ...
معلهش ياباشا الموضوع مسالة تعود ليس الا ... شوية شويه هتتعود على حساسية دواسة البنزين وامتى تدوس بنزين علشان تسقط نقله واحده او تدوس للأخر ( كيك داون ) علشان تديك أعلى تسارع وأقل نقله مناسبة للسرعه اللى العربية ماشية عليها

[george_2you]

الله الله عليك الله يباركلك

تمام تمام

[ashouhdy]

الفتيس ال6سرعات كدة
خليك على الستيب ترونيك بلاش تعمل كيكات بتحرق الفتيس

[blazer]

اولا الف مبروك على العربيه
ثانيه
انت هتاخد وقت لحد ما تفهم العربيه وهى كمان تفهمك " لان كمبيوتر العريبه بيبرمج العربيه على طريقه سواقتك"
وهى فعلا تقيله فى الاول بسبب وزن العربيه
انما على الطريق السريع مش هتحس بكدا

[A.Saad]

بلاش كيك داون كتير