ROTARY ENGINES

[Ahmed Hassan]

يا ترى حد فيكو سمع عن الـ "روتاري انجن" او "المحركات الدورانيه؟ دي محركات مبدأ عملها مختلف تماما عن المحركات اللي نعرفها. و المحركات دي اخترعها عالم الماني اسمه فيلكس وانكل. و النوع ده من المحركات استعملته مازدا من سنه 1960 و موجود حاليا الموديل الاحدث منه في مازدا ار اكس 8. الموتور ده من اهم مميزاته صغر حجمه و خفه وزنه و الاهم من ده كله قوته يعني الموتور مثلا اللي سعته 1300 سي سي آداؤه يعادل محرك عادي سعته 2000 سي سي و ده نظرا لطبيعه عمله و االي مفيهاش شوط فاضي زي المحرك اللي ببساتم. و من العوامل اللي بتزود قوته ان ال ار بي ام الخاص بيه عالي. الرسم التوضيحي التالي يبين طريقه عمل الموتور:



من عيوب الموتور ده انه غير موفر في استهلاك الوقود, ده بالإضافه في حالة تشغيله مع انجكشن بيحتاج لنظام انجكشن معقد. كمان الانبعثات الملوثه للبيئه الناتجه عنه اكتر من المحرك التقليدي.

اللي عايز معلومات زياده ممكن يجرب الينك دي:

http://en.wikipedia.org/wiki/Renesis#Renesis

[fahd_628]

شكرا يا باشا على المعلومات بس فعلا مش موفر خالص فى الوقود و دة بيبان فى ال RX-8

[أبو عبدالله]

معلومات قيمه جدا يا استاذ احمد وربنا يجزيك خير

[PRO-DRIVE]

من ناحية مش موفر فا مش من البترول هو مش موفر فى الزيت اكتر اعرف واحد بحرينى عنده 3 عربيات RX7 بيتغيرلها زيت اللى بيتغير كل 10 الاف هو بيغيرة كل 5 :twisted: دة يوم ما يفترى

بس موضوع البترول دة عادى هى اساسا 1300 صح و نفس صرفية بترول كورفت بس هى اكتر فى الخطوط صرفيتها اعلى بلتر تقريبا بس هى احسن عشان كورفت حتدبح فى الجمارك انما RX8 1300 يعنى فى الجمارك كأنك مدخل يارس :mrgreen:

[Ahmed Hassan]

لأ يا أحمد... الموتور ده معروف للجمارك في اوروبا و حتى عندنا ناصحين و عارفينه :mrgreen: اللي بييجي يدل العربيه دي بيدفع جمرك يوازي تقريبا 2000 سي سي. بالنسبه للزيوت... انا اعرف واحد معاه عربيه مش روتاري و بردو بيغير زيت الـ 10000 كل 5000

[hanyfarrag]

شكرا يا أستاذ أحمد على الموضوع
وتم التثبيت لتعم الفائدة

[BiGGuY]

لأ يا أحمد... الموتور ده معروف للجمارك في اوروبا و حتى عندنا ناصحين و عارفينه :mrgreen: اللي بييجي يدل العربيه دي بيدفع جمرك يوازي تقريبا 2000 سي سي. بالنسبه للزيوت... انا اعرف واحد معاه عربيه مش روتاري و بردو بيغير زيت الـ 10000 كل 5000

انا اللي اعرفه اني الجمارك ملهومش دعوة نوع الموتور ايه ولا يعادل ايه هما بيحسبوك بنظام شرايح يعني تحت 1600 CC وفوقها
بس عموما جماركها هتبقا عالية برده لان سعرها غالي والله اعلم

[فادى]

تصحيح بسيط بس مش مازدا هى أول من استخدمت هذا المحرك, بل شركة ألمانية اسمها "ان اس يو" ( و هى التى كان العالم الألمانى وانكل يعمل معها), و هى شركة المانية تم شرائها من قبل اودى فى عام 1969( و كان افلاسها سببه المحرك الدورانى المشئوم!!).
و أول سيارة انتجت بهذا المحرك هى ان اس يو سبايدر عام 1964:

http://en.wikipedia.org/wiki/NSU_Spider

ثم تبعتها مازدا كوزمو, ثم ان اس يو رو 8, , التى فشلت فشلا ذريعا.
المهم أن هذا المحرك فكرة لا أعتقد انها سوف يكتب لها الاستمرار( حاليا تعتمده مازدا وحدها بغرض العناد لا أكثر), و عيوبه كثيره للغاية و منها :
- عمر افتراضى قصير جدا (حوالى 80 الف كيلو).
- نقص الزيت باستمرار.
- استهلاك مرتفع للوقود, مما تنتفى معه ميزة صغر حجم المحرك.
و لازم نذكر انو عدد الأحصنة الكبير اللى بيطلع من المحرك سببه انو محرك وانكل بيقدر يلف على سرعة عالية نظرا لقلة عدد القطع المتحركة و دى ميزته الوحيدة.
فى رايى هو محرك غير عملى و لا يصلح لأى شىء, أعتقد ان محرك الاحتراق الداخلى التقليدى مازال ينتصر!

[goodman]

هو نفس موتور السيارة " رمسيس"

والرمسيس اول سيارة مصري كانت تنتج في مصر في منتصف الستينات ... وكان ماتورها الماني ماركة Nsu وكان تبريد هواء ... يعني زي الفولكس فاجن راكب في الخلف والشنطة في المقدمة ... وكان 2 بستم ... وعلى فكرة انا لسه شايف سيارة رمسيس موديل 1973 راكبها واحد وبيجري بيها في شارع السباق بمصر الجديدة!!!

مع خالص تحياتي

[ahmed azab]

فعلا الماتور ده حجمه صغير جدا انا فوجئت بحجمه في المازدا ودي الصورة مع الفتيس وواضح انها الشركة الوحيدة اللي تبنت استعماله في عربيتها





وده في الموتسيكل

[shaiboba]

thanx ya man
keep it UP

[waled369]

موضوع حلو أوي و معلومات قيمة
شكرااااااااااا