احذر قبل ما تغير نور العدادات

[mohmmedzohier]

بسم الله الرحمن الرحيم

انا حبيت اغير اللمض بتاعت العدادات و بالمره اغير لونه المهم فكيت العدادات وفكيت المؤشرات ودى كانت المصيبه بعد ما غيرت اللون ورجعت تانى كل حاجه ادور العربيه

الاقى السرعه على 60 والrpm على 3 وعداد الحراره فى حتا وعداد البنزين فى حته تانيه كل دا والعربيه ليسه على الكنتاكت
وعرفت انى عملت مصيبه
طبعا لما سالت فى جهاز بيعاير الكلام دا تانى ملقتش المهم عرفت ازبطهم بالويم بس بعد ما طلع عينى

انا كاتب الموضوع دا عشان الناس تاخد بلها لان فى فيديو بيشرح ازاى غير الانوار بس معرفتش ازاى يرجعها

لو حبت تغير الانوار واللون دا سهل جدا بس اهم حاجه تحاول ما تفكش الموشرات مش هتعرف تظبتهم تانى زى المصنع

[A.Saad]

فيه طريقة للمعايرة اليدوى بتختلف من عربية للتانية بتكون انك تلف العقرب لوضع معين وترجعه

[Amr Axel]

شكرا للتحذير و فعلا المفروض منجيش ناحية المؤشرات بتفك العدادات ع بعضها من التابلوه لأنها بتبقي قطعة واحدة ع بعضها و هتلاقي مدخل اللمبات من ورا زي اللمبات اللي في الفانوس تغير و تركب تاني و المسامير و تقفل و زي الفل :)
خلي بالك بقي المرة الجاية

[FunnyMickey]

المفروض قبل ما تفك بتدور العربيه وتحفظ الاماكن في حاله التدوير العاديه بتكون فين وهيا سخنه ووهيا بارده عشان تعرف العدادات وضعها الطبيعي فين

[momo44]

بالنسبة للسرعة والار بى ام مفيش فيهم مشكلة عشان لو حركتهم بيرجعو تانى للصفر
فحتى لو فكيتهم وجيت ترجعهم هتركبهم على الصفر
المشكلة الفعلية فى البنزين والحرارة
ودى حلها انك تفكهم وتفول العربية وتسيبها تسخن وبعدين تركب البنزين على الاخر
والحرارة على المكان اللى بتبقى عليه بعد لما تسخن (قبل النص تقريبا)

ولو حبيت تغير الاضاءة بدون فك المؤشرات مش هتعرف
لانها مش تغيير لمبات بس لأ
هلزق فاميه على الورق

[medododo]

http://www.nilemotors.net/Nile/256140-a.html

[alrazy]

ده انا كنت خلاص هاغير ورق العدادات للفيرنا .... الحمد لله انى شفتك .... جزاك الله خيرا على التحذير

[elewey]

طيب ما تحكيلنا يا باشا غيرت اللمض ازاى و اشتريتها منين الالوان دى او الورق

[wael ahmed]

ده انا كنت خلاص هاغير ورق العدادات للفيرنا .... الحمد لله انى شفتك .... جزاك الله خيرا على التحذير

باشا تغيير ورق العدادت ملوش دعوه بالمؤشرات خااالص
اللى هيغيرلك العدادت هيعديها من المؤشرات بالراحه
ركبها وانت مطمن :)

[SASA3]

انا عندى مغير النور بتاع العدادات كذا مرة و غيرت اللون بتاع الانوار
بس مفكتش الورق بتاع العدادات كل الى عملته انى فكيت اللمبات الى بتنور اصفر و جبت لبات تانيه من نفس النوع و المقاس و دهنتها باللون الى انا عاوزنه و ركبتها تانى و الحمد لله شغالة تمام

و لمبات العدادات اسمها لمبة بدون كعب و سعرها من نص جنيه - 1.75 جنيه
اما تغيير الورق الصراحه محاولتش اغيره لانى مش لاقى اشكال


و فى حالتك ممكن طريقة مفتكسة انك تصور العدادات قبل ما تشيلهم صورة جودتها عالية و بعد ما تركب تحاول ترجع الحاجه على نفس الوضع الى فى الصورة

[alrazy]

باشا تغيير ورق العدادت ملوش دعوه بالمؤشرات خااالص
اللى هيغيرلك العدادت هيعديها من المؤشرات بالراحه
ركبها وانت مطمن :)

الف الف الف شكر ... طيب هو هيشيل الورق القديم ولا لا ؟؟؟؟.... و بيقول انه لها زى فيشه كده علشان هى بتغير لونين ..... معلش ياباشا هى بكام لانى حاسس انهم بيشتغلونى

جزاك الله خيرا

[wael ahmed]

الف الف الف شكر ... طيب هو هيشيل الورق القديم ولا لا ؟؟؟؟.... و بيقول انه لها زى فيشه كده علشان هى بتغير لونين ..... معلش ياباشا هى بكام لانى حاسس انهم بيشتغلونى

جزاك الله خيرا

يا باشا لا شكر على واجب :)
انا كان عندى ورق فى العداد وشاله عادى وركب الورق الجديد وفعلآ بيبقى فيه زى زرار بتتحكم فى شده الاضاءه واللون بتاع الورق وتركيبه سهل جدا على فكره ... متقلقش :)
انا كنت جايبه 350 جنيه :)

[mohmmedzohier]

اولا بسم الله الحمن الرحيم

ثانيا انا لاقيت ناس كتيره اوى عماله تفتى جامددد فى المنتدى مش بس الانوار ولكن فى باقى الاقسام الاخرى والله بيقولو مصايب وعن تجربه

الحكايه انى كان نفسى اغير لون الاضاءه وكنت شفت ناس بيجيب ورقه عدادات اسمها اليمنيتور وتشيل الورقه القديمه وتحت الورقه دى
المهم روحت سالت عند اشهر ناس فى مصر اربكوم وابراهيم فى شارع دمشق ......الخ
وكلو بيقول مبينزلش غير لعربيات موعينه لانسر -جولف -هوندا العربيات الرياضيه بس بيكام يا عم 350 جنيه
المهم وانا ماشى لاقيت شاب معاه لانسر مغير اون العدادات برتقالى زى الرينو تحفه وعلى الورقه الاصلى روحت موقفه وسئلته قالى دا فى واحد هو اللى عملها دا جاب استكر وعمله المهم كان مش فاهم اوى الراجل عمل ايه المهم روحت للراجل وقالى يتكلف 100 جنيه
المهم جبت اسيكر احمر 12.5 ورحت فاككالجزء الاسود كله وبعدين العدادات وشيلت المؤشرات وبعدين فكيت الورقه ولزقت فى ظهرها الاسيكر ورجعت كل حاجه مكانها وجربت تحفففففففففففففففففففه
احمر دم غزال وظاهر اوى وبالمره غيرت المض على فكره الاخ اللى بيقول اللمض 50 قرش دا المضروب انا جايب الوحده بس 5 جنيه المانى اخت الاصلى معلومه بس الدوايه لوحدها 25 الى 35 ومش متوفره اةى فخافظ عليهم كل دا مفيش مشكله بس اول ما فتحت الكونتاك لاقيت
عداد السرعه 60
عداد ال rpm على 4 وطبعا البنزين والحراراه بس الحمد الله عرفت اظبطهم بس بالعفيه
يعنى انا اقصد تغير لون العدادات من غير ما تفك المؤشرات بس لون التابلوه بقى تحفه الحمد الله

[A7MED_PHARMA]

انا ركبت لزقة العدادات قبل كده
قراية عداد السرعة تمام.. والحرارة تمام
بس تنك البنزين ساعات (ساعات بيهيس) مع نفسه

[MEKAWY2000]

ربنا معاك وخلى بالك المره الجايه