كيفية تعلية سوست السيارة بدون كاوتشات

[د.محمود صلاح]

من المتعارف عليه هنا في مصر وضع اكواب من الكاوتش المقوى اسفل السوست في السيارات القديمة عندما تتهالك السوستة وتقصر عن مثيلتها في الجانب الآخر مما يؤدي لميل وضع السيارة عند الوقوف على سطح مستوي ...

ذلك الفيديو يوضح طريقة جديدة لتطويل كويلات السوستة لتعويض القصر ...

[youtube]http://www.youtube.com/watch?v=uhPm0R7thjs&feature=related[/youtube]

[Ashraf_Ibrahim]

والله هو جميل جدا وسهل
بس السؤال بقا دا مع مطبات الهوا ميحصلهوش حاجة ؟!
واسمه ايه دا بقا نجيبه منين يعني؟!
وينفع مع عربياتنا اساسا؟!

[د.محمود صلاح]

انا كان نفسي اترجم الكلام الفرنسي ده

ما هي تلك الأداة تحديدا وما عملها ؟

[nice_bird]

انا عايز الكلام دا بيتباع فين

[Ashraf_Ibrahim]

انا كان نفسي اترجم الكلام الفرنسي ده

ما هي تلك الأداة تحديدا وما عملها ؟

اسمها ايه مش هقدر افيدك اوي وممكن اي حداد يعملهالك عادي على فكرة
عملها سهل جدا
بتحافظ على مسافة ثابتة بين لفات السوست وبعضها بحيث ان الانضغاط يتم من السوستة من فوق بس انما من عند اللفة اللي هي راكبة فيها فهي بتعمل زي صدادة بحيث ان السوستة متنزلش لتحت مع الحمل عليها يعني من الاخر هي مصد
انا بقا سؤالي حاجتين!
مع مطبات الهوا مش ممكن تفلت من مكانها؟!
ولو فرضا هفك عجلة اغيرها او ما شابه مانا لما ارفع العربية من الكوريك السوستة هتترفع معايا وهتتمدد وبالتالي المسافة اللي انا ظابطها عليها هتزيد وتتحرك من مكانها وكل مرة اغير عجلة او حاجة اضطر اني اظبطها تاني
هل تخيلي دا صح يا شباب ؟!

[MedMost]

فكرة حلوة بس انا معنديش سوست ورا

fiat 127

[elhelawy]

اسمها ايه مش هقدر افيدك اوي وممكن اي حداد يعملهالك عادي على فكرة
عملها سهل جدا
بتحافظ على مسافة ثابتة بين لفات السوست وبعضها بحيث ان الانضغاط يتم من السوستة من فوق بس انما من عند اللفة اللي هي راكبة فيها فهي بتعمل زي صدادة بحيث ان السوستة متنزلش لتحت مع الحمل عليها يعني من الاخر هي مصد
انا بقا سؤالي حاجتين!
مع مطبات الهوا مش ممكن تفلت من مكانها؟!
ولو فرضا هفك عجلة اغيرها او ما شابه مانا لما ارفع العربية من الكوريك السوستة هتترفع معايا وهتتمدد وبالتالي المسافة اللي انا ظابطها عليها هتزيد وتتحرك من مكانها وكل مرة اغير عجلة او حاجة اضطر اني اظبطها تاني
هل تخيلي دا صح يا شباب ؟!

هو مثبت اول راقين من السوست بالقطعتين دول والعربيه مرفوعه ورابطهم كويس لحد الاخر يعنى اول راقين ثابتين كأنهم قطعه واحده تقريبا فمش هيفرق معاهم مطبات الهوا ولا رفع العربيه لانهم راكبين وهى مرفوعه كلامك يبقى صح لو متركبين والعربيه على الارض من غير ما يرفعها
هو بقى المشكله فى الخامات اللى متصنع منها القطعتين دول لازم تبقى حاجه نضيفه علشان حمل العربيه كله عليهم مع المساعدين

[maka]

فكرتها ببساطة عمل معاوقة لليونة و مشوار السوستة و هى فعلا احسن من الكاوتش لانك هتستطيع تحميل العربية بدون ما تزود ارتفاعها من الخلف و برده مش هتحمل على المساعدين

عيوبها : هتبقى العربية نشفة من وراء و كل شوية هتحتاج ربط و الحمل كله هيبقى على الصامولتين

من راى فكرة رائعة و افضل من الكاوتش و ممكن تتعمل عند خراط

[madaxman]

انا حاسس انها مش بتستحمل ومكن تتقصف بسرعه ولو اتقصفت والواحد ماشي ع سرعه مثلا ومحمل ممكن تعمل مشاكل والله اعلم

[د.محمود صلاح]

شكرا للمعلومات

[sanhory]

انا شايف انها قد تكون عملية بس بشكل مؤقت بمعني اني لو عندي سفرية و ححمل العربية و مش عايز العربية تحك مني و تتبهدل دي فكرة ممتازة تتعمل قبل السفر و تتشال اول ما تنتهي رحلة السفر

و انا متخيل ايضا انها حتطلع اصوات غريبة و طقطقة بس لو بشكل مؤقت في سبيل ان العربية ما تتبهدلش في السفر مش مهم اصوات اصوات

[wwael12345]

يا جماعة الرابط مش شغال
و لا ف صور حتى

[د.محمود صلاح]

الرابط
Instalacion de expansores para resortes helicoidales automotrices - YouTube

[mr_sameh]

اعتقد انه ممكن تسمع صوت خبط في المطبات

[mohammedabdallh]

هو هنا مش هتسمع صوت خبط
بس ممكن يفلت فى مطبات الهوا
فى حل احسن من كدا انا عامله فى الكرستاله
علشان تقريبا كنت بغير كاوتشه مساعد كل شهر
شوفوا الموضوع ده

http://www.nilemotors.net/Nile/248647-a.html