سؤال يضحك : تنك البنزين ازاى بتفتح ؟

[OussamaShaaban]

السلام عليكم

معلش انا لسة على قدى فى موضوع العربيات بس انا بعرف اسوق شوية و كله تمام

بس يعنى افترض معايا انى كنت بسوق و البنزين حيخلص منى و عاوز ادخل على محطة بنزين و امون

اكيد حنزل من باب العربية و اقولة حط 10 لتر او حتى صفيحة تمشينى

اكيد حروح افتح التنك البنرين ؟؟

حيتفتح ازااااااااااااااى

يعنى فى الادا ازاى و الدايو

و شكرااا

[elewey]

مش حتنزل و لا حاجة حتلاقى دراع صغير تحت كرسى السواق على الشمال حتشدة التانك حيفتح

[windofchange]

ولو عندك العربية مجهزة بقفل مركزي center lock بيبقي باب التانك مفتوح وتقدر تزقه بايدك لما تكون فاتح السنتر ومش منزل المسوجر (في سنتر مفهوش قفل لباب التانك مع ال4 ابواب) وبيبقي بمفتاح تفتح به الغطاء المدور اللي بيغطي زور التانك اللي بيدخل فيه المسدس وفي غطيان من غير مفاتيح بتتفتح عادي اكنك بتفتح برطمان مربي )

[moh19227]

اعتقد الدايو في يد صغيره مرسوم عليها التانك وتقريبا في يد تانيه للشنطه هتلاقيهم تحت كرسي السواق من بره
اما الادا فمعنديش اي خلفيه عنها :)

[OussamaShaaban]

مش حتنزل و لا حاجة حتلاقى دراع صغير تحت كرسى السواق على الشمال حتشدة التانك حيفتح

عمرى ما شوفتة

ولو عندك العربية مجهزة بقفل مركزي center lock بيبقي باب التانك مفتوح وتقدر تزقه بايدك لما تكون فاتح السنتر ومش منزل المسوجر (في سنتر مفهوش قفل لباب التانك مع ال4 ابواب) وبيبقي بمفتاح تفتح به الغطاء المدور اللي بيغطي زور التانك اللي بيدخل فيه المسدس وفي غطيان من غير مفاتيح بتتفتح عادي اكنك بتفتح برطمان مربي )

معلومة برضوا بس بالنسبة لموضوع المربة

اعتقد الدايو في يد صغيره مرسوم عليها التانك وتقريبا في يد تانيه للشنطه هتلاقيهم تحت كرسي السواق من بره
اما الادا فمعنديش اي خلفيه عنها :)

تسلم يا نجم

[agwaa]

مع كامل إحترامي ...
كأنك بتقول لما يبقى عندي شقة هفتحها إزاااااااااااااي بالمفتاح
يعني هاحط المفتاح في الكالون بتاع الباب ولا هقول له إفتح يا سمسم
ههههههههههههه
معلهش باهزر معاك

[agwaa]

كل عربية وليها طريقة فتح لباب التانك
بس أنا شخصياً باب التانك لو كان حتى بيفتح لوحده بمجرد ما يشم مسدس البنزين مثلاً ... أنا لازم أنزل بنفسي وأقف على إيد عاما محطة البنزين لسببين :
أولاً ماتسرقش عيني عينك في أثناء التفويل ...
ثانياً : علشان عربيتي غالية عليا فموش عايز بنزين يسيل على البوية إسفل غطاء التانك وبالتالي البنزين ياكل البوية ويبقى شكلها جربان زي بعض العربيات ...

[OussamaShaaban]

مع كامل إحترامي ...
كأنك بتقول لما يبقى عندي شقة هفتحها إزاااااااااااااي بالمفتاح
يعني هاحط المفتاح في الكالون بتاع الباب ولا هقول له إفتح يا سمسم
ههههههههههههه
معلهش باهزر معاك

هو حد يلاقى هزار و ميهزرش

كل عربية وليها طريقة فتح لباب التانك
بس أنا شخصياً باب التانك لو كان حتى بيفتح لوحده بمجرد ما يشم مسدس البنزين مثلاً ... أنا لازم أنزل بنفسي وأقف على إيد عاما محطة البنزين لسببين :
أولاً ماتسرقش عيني عينك في أثناء التفويل ...
ثانياً : علشان عربيتي غالية عليا فموش عايز بنزين يسيل على البوية إسفل غطاء التانك وبالتالي البنزين ياكل البوية ويبقى شكلها جربان زي بعض العربيات ...



و الله الكلام ده عارفة من عمى و على العموم تسلم على رد على التوبك

[ehab_nnnn]

زى ما الرجاله قالو
وممكن لو غلبت أوى سيب عامل البنزينه يتصرف هو ياما شاف ويعرف يفتح اى تانك فى أى عربيه

[OussamaShaaban]

زى ما الرجاله قالو
وممكن لو غلبت أوى سيب عامل البنزينه يتصرف هو ياما شاف ويعرف يفتح اى تانك فى أى عربيه

ماشى يا نجم

[MEKAWY2000]

متابع