مشاكل الرجوع للخلف

[alijor]

الأخوة الكرام:
أنا مبتدىء هناك مشاكل تواجهني أثناء الرجوع للخلف خاصة في الإزدحامات المرورية:
الأولى: عندما أكون بين سيارتين متوقفتين بمسافة ضيقة وأريد الرجوع للخلف فالخوف من الإصطدام باحد السيارتين، فكيف الحل فما يحصل معي أنه عند لف المقود في أحد الاتجاهات للرجوع للخلف الاحظ سيارتي (من الناحية الأمامية) يقترب جنبها من السيارة المجاورة إلي
الثانية:عندما اكون داخل السيارة وعجلاتها منحرفة في احد الاتجاهين بدرجة قصوى وأرغب في السير بشكل مستقيم للخلف هل هناك طريقة أعرف واضمن فيها لف المقود من وضعية الوقوف بحيث تكون العجلات مستقيمة بدل أن تذهب السيارة في احد الاتجاهات اليمين أو اليسار عند الحركة.
الثالثة: كيفية الرجوع للخلف للوقوف على حفرة لغايات الميكانيكا.
الرابعة: كيف أضع الحفرة (الجورة) بين عجلات السيارة الأمامية خاصة عند محلات تغيير الزيت والميكانيكا.
وهناك أسئلة اخرى لاحقاُ

[Elawany13]

زمااااااااااان
كانت اكتر حاجه بترعبنى الرجوع للخلف
مع الوقت والممارسة بقت حاجه سهلة وبسيطة

[moh19227]

اول حاجه مع الممارسه هتلاقي الامور بقت سهله جدا

عندما أكون بين سيارتين متوقفتين بمسافة ضيقة

قصدك يعني لما تكون راكن ؟!
لو قصدك وانت راكن بين عربيتين والمسافه ضيقه ممكن تبقي تبص علي المسافه اللي بينك وبين العربيه اللي وراك قبل متركب وتقدرها في دماغك وبعد كده ترجع المسافه دي علي حسب تقديرك وحتي لو ريحت علي اكصدام العربيه اللي وراك - بس ترجع علي مهلك - مش هيحصله حاجه

يقترب جنبها من السيارة المجاورة

وانت راجع مثلا يمين يبقي تبص وراك وتبص علي جنبك الشمال والعكس علشان الجنب المعاكس لاتجاه الدريكسيون هوا اللي بيفتح لبره وممكن تخبط في العربيه اللي جنبك ف خلي بالك

أعرف واضمن فيها لف المقود من وضعية الوقوف بحيث تكون العجلات مستقيمة

ودي بردو بالخبره بس انت اولا شوف الدريكسيون اقصي عدد لفات ممكن يلفه في اي اتجاه والعجل لقدام بمعني اقف وخلي العجل مستقيم للامام وبعد كده لف الدريكسيون لاقصي اليمين او اقصي اليسار وشوف هوا بياخد كام لفه وبعد كده هتقدر توازنها
لو عربيتك جديده هياخد حوالي لفه ونص بالكتير يبقي انت مره مع مره هتقدر تظبطها
ولو معرفتش برده ممكن والعربيه واقفه وانت مش عارف اتجاه العجل تطلع سنه بسيطه وتعرف العربيه ماشيه ازاي وتحدد اتجاها وتعدل الدريكسيون

كيفية الرجوع للخلف للوقوف على حفرة لغايات الميكانيكا.

دي صعبه شويه وممكن تخلي الميكانيكي يقف معاك ويوجهك وارجع علي مهلك

يف أضع الحفرة (الجورة) بين عجلات السيارة الأمامية خاصة عند محلات تغيير الزيت والميكانيكا

دي اسهل شويه وهتجي بالخبره بردو مفيش حرج انك تقول للميكانيكي خليك معايا
وعلي فكره الفتحه اللي عند ورش الميكانيكيه بتبقي اصغر بمسافه من الفرق بين العجلتين يعني متخفش

[aboharb]

بالممارسه هتبقى سهله جدااا المهم عينيك على المريات الجنبيه وسنه سنه رجلك لازم تبقى حساسه على البنزين وسريعه على الدبرياج والفرامل وكله هيبقى تمام وخلى بالك الناس اللى بتسوق من سنين ساعات بردك بتغلط والسيايس فى الجراجات بردك احيانا بيغلطو كنا فى البدايه كده

[alijor]

أشكركم اخواني الأعزاء على الردود والمساعدة
انا أكثر خوفي ليس من السيارات من الخلف انا خوفي السيارات من الجنب عندما اكون راكن في موقف مزدحم بين سيارتين متوقفتين وبصراحة احد المرات ضربت معي المراه في سيارتي جنب السيارة اللي متوقفة جنبي من اليسار.

[alijor]

هو ده اللي حصل: كانت سيارتي متوقفة بين سيارتين مشكلتي كانت مع السيارة اللي شمالي فكانت المسافة طبيعية بينها وبين سيارتي لكن هذه المسافة ضيقة عند العجل الخلفي وقبل ركوبي للسيارة لاحظت عجل سيارتي الأمامي باتجاه اليسار فخفت تصطدم السيارة أثناء رجوعي للخلف فلفيت المقود باتجاه اليمين للابتعاد عن هذه السيارة وعند بدء حركتي للخلف اللي حصل أن مرآة سيارتي الشمال خبطت في هذه السيارة (أقصد السيارة اللي شمالي)
سؤال آخر هنا : ماذا لو رجعت في تلك الوضعية للخلف بدون تحريك المقود لا يمين ولا شمال؟؟؟؟؟؟؟طبعا أكيد مرآة سيارتي لن تصطدم بهذه السيارة لكن هل أسلم من الاصطدام عند الجانب (عند منطقة العجل الخلفي) بالمناسبة : السيارة التي كانت يميني كانت أصلاً قبلي وانا ركنت بجوارها لكن السيارة التي كانت يساري ركنت في الموقف بعدي وهذا ما سبب الحالة.
وانت راجع مثلا يمين يبقي تبص وراك وتبص علي جنبك الشمال والعكس علشان الجنب المعاكس لاتجاه الدريكسيون هوا اللي بيفتح لبره وممكن تخبط في العربيه اللي جنبك ف خلي بالك

[MEKAWY2000]

متابع

[MEKAWY2000]

اهلا بالممارسه