طرق سرقة السيارات فى الشارع المصري"متجدد"

[hexll]

السلام عليكم
كل واحد يكتب طريقة حصلت قدامة او واحد صديق لية او حصلت معاة واتسرقت العربية
الموضوع للفائدة العامة .. لان السرقة كترت اليومين دول
وانا حبدأ بمجموعة طرق لسرقة السيارات
----------------------------
صاحب العربية يقف قدام محل مثلا يشتري حاجة ويسيب العربية دايرة او المفتاح فيها
طبعا الحرامي اول ما يشوف العربية كدة حيركب ومش حتشوف عربيتك تاني
--------------------------
وانت ماشي فى امان الله تلاقي حاجة خبطت فى العربية من الخلف ... وواحد بيجري وراك وبيقولك فى واحد حدفك بطوبة ,, طبعا سيادتك حتنزل تشوف العربية ومن لخمتك حتسيبها دايرة ,, حيكون فى واحد تاني حيركب العربية ويدور ويطلع , ووفى حالة انك اخدت المفتاح حتلاقية بياخد اى حاجة قدامة "موبايل * محفظة * اى حاجة"لان الحرامي الاول حيخليك تشوف حتة تانية خالص من العربية اما الخلف او الباب اليمين
---------------------------
اتنين بموتوسيكل وانت ماشي فى امان الله تلاقي اتنين راكبين موتسيكل وخبطوا فيك من ورا
طبعا انت حنين وحتنزل تشوف اية الى حصلهم
المهم حتلاقي واحد فيهم عامل كأنة ضربة قطر مش عربية
مسافة متنزل تشوفة حيقولك انا مش قادر
طبعا حتقولة اركب اوديك المستشفي
مسافة محيركب هوا حيقفل الموسوجر والتاني حياخد الموتوسيكل ومش حتشوف العربية تاني "حصل معاية سابقا بس ربنا سترها والعربية متسرقتش ولا حاجة اتسرقت غير فلاشة موجود عليها شوية اغاني"
-----------------------------
وانت ماشي على اى طريق حتلاقي بنت شكلها ممكن يكون موزة شوية , او شكلها تعبان وواقفة فى حتة مقطوعة طبعا انت الحمشنة حتاخدك وتقف على شان توصلها
مسافة ما تفتح الباب وتقعد حتلاقي الغزال اتفتح فى وشك وحتفوجأ بأتنين قاعدين فى الكنبة الى ورا
----------------------------
وانت ماشي على طريق مقطوع
ولقيت حاجة سادة الطريق (عربية واقفة بالعرض او جزع شجرة او حجر او اى حاجة توقفك )
لف وارجع تاني احسن لانة غالبا مش حيكون الا انت بس الموجود فى الشارع
----------------------------
طبعا فى عربيات كتيرة مفتاحها الاصلي اتسرب ,, امثال السيراتو
فنصيحة تكلبش الدركسيون
ودا حتت حديدة بتتقفل بمفتاح واستحالة الدواسات او الدركسيوون يشتغلوا
---------------------------
فى طريقة تانية لو عندك شبكة فوق العربية ,, ودي ان عربية تانية تدخل ومعاهم سكين ويقف جانبك وواحد معاة سلاح رشاش او مسدس وطبعا سيادتك مش حتعرف تتكلم وهوا بيقطع الحبل الى انت رابط بية الحاجات فوق الشبكة وحيسحبها وحيمشي (حصلت مع ناس قرايبي)
---------------------------
وربنا يهد البلطجية او تجيلهم داهية تاخدهم كلهم
فى طرق تانية بس مبيستخدموهاش فى مصرولا داعي لذكرها
الاضافة مفتوحة لكل الاعضاء
يرجي التثبيت للفائدة

[hexll]

واهم حاجة رد الفعل ,,
يمعنى انك لما تنزل من البيت تتوكل على الله
وتعرف انك ممكن يحصل معاك حاجة لا قدر الله
حيكون فاهم اية الى بيحصل حوليك وبالتالي حيكون رد فعلك سريع

[ZOoOoMA]

اتنين بموتوسيكل وانت ماشي فى امان الله تلاقي اتنين راكبين موتسيكل وخبطوا فيك من ورا
طبعا انت حنين وحتنزل تشوف اية الى حصلهم
المهم حتلاقي واحد فيهم عامل كأنة ضربة قطر مش عربية
مسافة متنزل تشوفة حيقولك انا مش قادر
طبعا حتقولة اركب اوديك المستشفي
مسافة محيركب هوا حيقفل الموسوجر والتاني حياخد الموتوسيكل ومش حتشوف العربية تاني "حصل معاية سابقا بس ربنا سترها والعربية متسرقتش ولا حاجة اتسرقت غير فلاشة موجود عليها شوية اغاني"
المهم ان مش حاجه كبيره اللي اتسرقت الحمد الله و حصل الموقف ده مع واحد صاحبي بس بطريقه مختلفه
كان ماشي على الدائري بليل و لقى 4 موتسكلات قدامو قافلين الطريق كل ما يجي يعدي من واحد يقفل عليه لحد لما لقاهم بدااو يهدو قال مبدهاش راحش شادد مره واحده و دخل بين موتسكلين نيمهم على الارض و خلع

[lanos2004]

اتنين بموتوسيكل وانت ماشي فى امان الله تلاقي اتنين راكبين موتسيكل وخبطوا فيك من ورا
طبعا انت حنين وحتنزل تشوف اية الى حصلهم
المهم حتلاقي واحد فيهم عامل كأنة ضربة قطر مش عربية
مسافة متنزل تشوفة حيقولك انا مش قادر
طبعا حتقولة اركب اوديك المستشفي
مسافة محيركب هوا حيقفل الموسوجر والتاني حياخد الموتوسيكل ومش حتشوف العربية تاني "حصل معاية سابقا بس ربنا سترها والعربية متسرقتش ولا حاجة اتسرقت غير فلاشة موجود عليها شوية اغاني"
المهم ان مش حاجه كبيره اللي اتسرقت الحمد الله و حصل الموقف ده مع واحد صاحبي بس بطريقه مختلفه
كان ماشي على الدائري بليل و لقى 4 موتسكلات قدامو قافلين الطريق كل ما يجي يعدي من واحد يقفل عليه لحد لما لقاهم بدااو يهدو قال مبدهاش راحش شادد مره واحده و دخل بين موتسكلين نيمهم على الارض و خلع

خير ما فعل والله

[momo44]

اتنين بموتوسيكل وانت ماشي فى امان الله تلاقي اتنين راكبين موتسيكل وخبطوا فيك من ورا
طبعا انت حنين وحتنزل تشوف اية الى حصلهم
المهم حتلاقي واحد فيهم عامل كأنة ضربة قطر مش عربية
مسافة متنزل تشوفة حيقولك انا مش قادر
طبعا حتقولة اركب اوديك المستشفي
مسافة محيركب هوا حيقفل الموسوجر والتاني حياخد الموتوسيكل ومش حتشوف العربية تاني "حصل معاية سابقا بس ربنا سترها والعربية متسرقتش ولا حاجة اتسرقت غير فلاشة موجود عليها شوية اغاني"
المهم ان مش حاجه كبيره اللي اتسرقت الحمد الله و حصل الموقف ده مع واحد صاحبي بس بطريقه مختلفه
كان ماشي على الدائري بليل و لقى 4 موتسكلات قدامو قافلين الطريق كل ما يجي يعدي من واحد يقفل عليه لحد لما لقاهم بدااو يهدو قال مبدهاش راحش شادد مره واحده و دخل بين موتسكلين نيمهم على الارض و خلع

احسن حاجة عملها

[HRH_Sameh]

شكرا ع الافادة وربنا يسترها

[aif]

البلطجي معاة سلاح طبعا
بينتظر جنب السيارة لغاية ما صاحبها ييجي ويفتحها بنفسه وقبل ما يشغلها ..... وهوب يفتح الباب و يثبته بالسلاح . وبخخخخخخخخخخخخخخخخخخ
....
العلاج
اول ما تركب عربيتك اقفل اللوك الاول وبعدين ابدأ شغل عربيتك
وكمان اعمل سكان بعينك حول العربية عشان تشوف حد لابد في الدرة ولا الدار أمان

[MEKAWY2000]

ربنا يستر

[amdd]

ربنا يسترها معانا
والحمد لله ان مافيش حد حرامى بينا كان عرف الاساليب دى وعرف ان احنا فاءسنها وكان دور على اساليب تانية

[agwaa]

البلطجي معاة سلاح طبعا
بينتظر جنب السيارة لغاية ما صاحبها ييجي ويفتحها بنفسه وقبل ما يشغلها ..... وهوب يفتح الباب و يثبته بالسلاح . وبخخخخخخخخخخخخخخخخخخ
....
العلاج
اول ما تركب عربيتك اقفل اللوك الاول وبعدين ابدأ شغل عربيتك
وكمان اعمل سكان بعينك حول العربية عشان تشوف حد لابد في الدرة ولا الدار أمان

الله ينور يا عم أحمد

[ahma8]

ربنا سيترها
هوا الستار سبحانه و تعالى