تحذير لمريدي السرعات العــــــــالية

[tarek_sayed]

يا جماعة انا اسف علي تدخلي في الموضوع بس انا حبيت انبة عن حاجة مهمة
وهي
مهما كانت السرعة في اي عربية خطر جدا لأن الطرق بتاعتنا في مصر نسبة الأستواء فيها 61% يعني الأستواع مش متوازن ودة بيعمل نسبة ارتجاج عالية في جلد الكنوك اللي ماسك مجموعة الصرة مع الكوبلن والمساعدين والخطورة انة ممكن يحصل كسر مفاجئ فية او في البيضة وساعتها المجموعة دي تنفلت والعربية تتقلب مش اقل من 35 مرة بأتجاهات مختلفة وتصبح دي كارثة محققة ودة لو علي سرعة 125 فما بالكم بالسرعات الأعلي؟؟؟
والعربيات الأسبرانزا غير مجهزة لتحمل الطرق الغير ممهدة جيدا زي الطرق في الخليج وامريكا والمانيا
لكن في عربيات مجهزة لكدة زي الرولز رويس-الجاجوار البورش-البوجاتي -اللمبورجيني وطبعا اخر فئة هي الكاديلاك والمرسيدس؟؟؟؟
الرولز رويس مثلا بيعتبر نسبة الأهتزاز فيها مع الطرق الغير جيدة زي طرقنا المصرية 11% ودة يعتبر اعجاز في التصميم
اضافة الي ان المحركات بتاعتها مصممة لنسب انضغاط عالية في البساتم وعامودي الكامة والكرنك عند سرعة لفات عالية مما يؤدي الي اتزان اكتر في المحرك
هذة معلومات قليلة ممكن افيد بيها منتدانا الغالي واعضائة
تحذير.........لا تنسي يا اخي ان دار الأفتاء السعودي عام 1988 اصدر فتوي فحواها ان من قاد سيارتة علي سرعة 140 كلم وحدث لة حادث وتوفي يعتبر منتحرا وكافر ولا يغسل او يدفن في مدافن المسلمين
شكرا

[el_nahal2004]

مشكور يااخى على المعلومة
وجزاك الله خير

[ahmedtunning]

تسلم يا كبيييير بجد معلومة جديدة

[elnakshabandy]

اول مرة اسمع المعلومات ديه
مشكور

[kaza]

يعني اية مش فاهم تقصد ايه بالضبط وبناء علي اية قررت ان نسبة الاستواء 61% واتحسبت ازاي وياريت لو تنورنا

[graffittiii]

تحذير.........لا تنسي يا اخي ان دار الأفتاء السعودي عام 1988 اصدر فتوي فحواها ان من قاد سيارتة علي سرعة 140 كلم وحدث لة حادث وتوفي يعتبر منتحرا وكافر ولا يغسل او يدفن في مدافن المسلمين
شكرا

حضرتك متأكد من المعلومة الخاصة بهذه الفتوي ؟.
أرجو التأكيد لأني هاخدها copy ف كل توبيك للشد والجري بالعربيات ...
وطبعا مؤيد لحضرتك ف باقي الموضوع ...وجزاك الله خيرا علي النصيحة ...
.

[moh19227]

شكرااا يا باشا علي الموضوع بس معلش في كلام غريب عاوز توضيح شويه
نسبة الأستواء فيها 61% - جلد الكنوك -

والعربيات الأسبرانزا غير مجهزة لتحمل الطرق الغير ممهدة جيدا زي الطرق في الخليج وامريكا والمانيا

اشمعنا !!

الغير جيدة زي طرقنا المصرية 11%

ياريت توضيح

اضافة الي ان المحركات بتاعتها مصممة لنسب انضغاط عالية في البساتم وعامودي الكامة والكرنك عند سرعة لفات عالية مما يؤدي الي اتزان اكتر في المحرك

معلش بس كلام غريب نسبة انضغاط عاليه وايه علاقتها باتزان المحرك وعامودي الكامه والكرنك ؟!!
بردو كلام غريب انا اعرف المحرك البوكسر بتاع السوبارو علشان موتور منبطح فبيدي ثبات للعربيه لانه بيقرب تقل السيارة من الارض

تحذير.........لا تنسي يا اخي ان دار الأفتاء السعودي عام 1988 اصدر فتوي فحواها ان من قاد سيارتة علي سرعة 140 كلم وحدث لة حادث وتوفي يعتبر منتحرا وكافر ولا يغسل او يدفن في مدافن المسلمين

اما الفتوي دي فانا مسمعتش عنها وممكن اعرف هما استندوا علي ايه في تحديد السرعة ب 140 ؟!
ياريت حضرتك مع احترامي الكامل ليك تراجع مصادرك وتتأكد تاني من الموضوع كله
وشكرااا

[akmm]

شكرا للأخ الكريم عامه السرعات العاليه لها خطوره عاليه ايضا ---- ولكن ليه إخترت السياره الإسبرانزا فقط كمثال --- طيب وباقى الأنواع الأخرى الموجوده بمصر دون ذكر نوعيه بعينها نقدر نضمها إلى المجموعه الأولى ولاايه وبغض النظر انى امتلك اسبرانزا والحمد لله سياره وفق ثمنها جميله وتقبل تحياتى .

[zamalekwebas]

ابن عمي من ساعات قليلة عامل حادثة موت بس الحمد لله ربنا نجاه

ميكروباس خبطه من ورا علي سرعة 130 مقدرش يتحكم في العربية طبعا لبس في عمود من قوة الخبطة العمود انخلع من الارض

ربنا يسترها علينا وعليكم

[MEKAWY2000]

هو الموضوع جديدوالف شكر بس السيارات فى مصر بقالها فتره بتجرى وتناور على الطريق ومن الصعب ان واحد يجرى بسيارته لو الطريق مش مساعده على الجرى

[zonfuly]

شكرا ليك علي الافاده