الدبرياج مشكله تحتاج الي حل علمي

[bHa2]

هدخل ف الموضوع علي طول
حاليا انا بتعلم السواقه
الدبرياج عاملي مشاكل جمه
ف الطلعه الاولانيه لازم تبطل كذا مره وبعد كده الاقيها مشيت كويس جدا
تركيزي مع الدبرياج بيخليني مش مركز ف النقلات"بنقل التالت بدري" ف العربيه تنتش مني
ف انا عاوز حد يقولي بطريقه علميه ف الطلعه اطلع ازاي بالدبرياج
لاني لو اتقنت الموضوع هكون احرزت تقدم كبير ف الموضوع دا
عشان طريقه اننا رجلي تكون حساسه ع الدبرياج مش هيجي من يوم و ليله
وعشان افادي حوار التقطيع دا لازم ازود اكسلاتير جامد
واعتقد دا حاجه مش كويسه
يعني ممكن ال rbm يعمل من 10 ل 20 علي حسب كل طلعه
مش عارف نوع العربيه بيفرق ولا لا بس العربيه 131
اتمني حد يفيدني لاني حابب الموضوع ومحتاج اتعلم عشان اجيب العربيه
ومش عاوز اكره السواقه
لاني بجد كنت متنرفز جدا من الموضوع دا

[هيثم]

الموضوع طبيعى جدا لاى حد بيتعلم
و حضرتك هتكتسب سنس التعامل مع الدواسات بمرور الوقت


و لو جربت ترفع رجلك عن الدبرياش رفعه خفيفه و بدون ضغط على البنزين
العربيه هتبتدى تتحرك بالراحه

[aboomar22]

هقولك على طريقة كنت بعملها على عربية بابا وانا بتعلم خلى الميكانيكى يعلى الموتور شوية كده ممكن تطلع من غير ماتدوس بنزين يعنى هتسيب الدبرياج شوية بشوية العربية هتتحرك وبتبدا تدوس بنزين بقى كمان لو العربية عالية مش هتبطل معاك وانت بتنقل او على مطب لحد ماتتعود يبقى يرجع يوطيها تانى

[ahmdmagdy]

الموضوع بسيط جدا عشان العربيه متبطلش منك دوس دبرياج و هات الاول تمام كده و بعد كده خف رجلك سنه بسيطه من علي الدبرياج و تفضل مثبت رجلك علي الوضع ده في نفس اللحظه تدوس سنه بنزين اول ما تلاقي العربيه اتحركت تسيب الدبرياج بس مش بسرعه هتلاقي العربيه طلعت معاك زي الحرير

[bHa2]

الموضوع طبيعى جدا لاى حد بيتعلم
و حضرتك هتكتسب سنس التعامل مع الدواسات بمرور الوقت


و لو جربت ترفع رجلك عن الدبرياش رفعه خفيفه و بدون ضغط على البنزين
العربيه هتبتدى تتحرك بالراحه

جزاك الله خير
بس برضه الجزء بتاع السنس دا مش هيجي غير بالممارسه
والعربيه مش تحت ايدي ع طول يعني

هقولك على طريقة كنت بعملها على عربية بابا وانا بتعلم خلى الميكانيكى يعلى الموتور شوية كده ممكن تطلع من غير ماتدوس بنزين يعنى هتسيب الدبرياج شوية بشوية العربية هتتحرك وبتبدا تدوس بنزين بقى كمان لو العربية عالية مش هتبطل معاك وانت بتنقل او على مطب لحد ماتتعود يبقى يرجع يوطيها تانى

مهي لو عربيتي هعليها
بس مش عربيتي ومينفعش اعليها لان صاحبها واخد عليها كده
وانا بافضل اتعلم عليه ف حالته العاديه "اعتقد يكون احسن"

الموضوع بسيط جدا عشان العربيه متبطلش منك دوس دبرياج و هات الاول تمام كده و بعد كده خف رجلك سنه بسيطه من علي الدبرياج و تفضل مثبت رجلك علي الوضع ده في نفس اللحظه تدوس سنه بنزين اول ما تلاقي العربيه اتحركت تسيب الدبرياج بس مش بسرعه هتلاقي العربيه طلعت معاك زي الحرير

حلو الكلام دا
ان شاء الله اقرب فرصه اجرب الموضوع دا وربنا يكرم
جزاكم الله خير يا جماعه :)

[zamalekwebas]

كل اللي اتعلم السواقة مر المرحلة دي

العربية تبطل منك و انك تتلخم وميبقاش فيه تركيز وياسلام لو حد ادالك كلاكس في شارع زحمة

واحدة واحدة وكله هيبقي تمام

[MIVEC.A92]

جرب تشيل رجلك من علي الديبرياج علي مرحلتين .. يعني الأولي دوس ديبرياش و هات الأول و بعدين لمس رجل علي البنزين بحيث الأر بي ام يكون علي 1.5-3 و شيل رجلك علي الديبرياج براحة و لما توصل في النص هتلاقي العربية بتتحرك ... لما العربية تتحرك متسيبش الديبرياج و تسيبوا يطلع بسرعة ... امشي بالعربية عادي و شيل رجلك من النص التاني بتاع الديبرياج بالراحة .

[هيثم]

جزاك الله خير
بس برضه الجزء بتاع السنس دا مش هيجي غير بالممارسه
والعربيه مش تحت ايدي ع طول يعني

لا بديل عن الممارسه

[moh19227]

الممارسة اولا واخيرااا

[mesaharaty]

لما عربيتك تكون تحت ايدك تتعلم اسرع وتتقن الموضوع بسرعة
وهو موضوع مافيهوش كلام كتير لأنه جاى جاى بس بالممارسة ثم الممارسة (وممكن برضه عن طريق القيادة بمفردك بس تجرب الأول فى شارع يكون فاضى جدا) ثم الإضطرار إلى النزول بمفردك فى شارع عادى بقى وفيه عربيات كتير فالرهبة حتروح والتصرف السليم حيظهر مباشرة

وبالتوفيق

[bHa2]

جزاكم الله خير يا جماعه ع النصيحه
انا عاوز اكون متحكم ف العربيه كويس قبل ما اتحرك بين العربيات ف الشوراع و حاليا بتعلم ف الجراج بتاع ارض المعارض
هحاول ان شاء الله اذود المرات اللي بتعلم فيها عشان يكون الموضوع اسهل :)

[ahmdmagdy]

جزاكم الله خير يا جماعه ع النصيحه
انا عاوز اكون متحكم ف العربيه كويس قبل ما اتحرك بين العربيات ف الشوراع و حاليا بتعلم ف الجراج بتاع ارض المعارض
هحاول ان شاء الله اذود المرات اللي بتعلم فيها عشان يكون الموضوع اسهل :)

انت بتشتغل في هيئه المعارض و لا ايه
لو بتشتغل ياريت تتأكد لي من المعرض اللي هيتعمل اول مارس بتاع الكومبيوتر عشان انا ناوي اروحه ان شاء الله بدل ما ادب المشوار ع الفاضي

[bHa2]

انت بتشتغل في هيئه المعارض و لا ايه
لو بتشتغل ياريت تتأكد لي من المعرض اللي هيتعمل اول مارس بتاع الكومبيوتر عشان انا ناوي اروحه ان شاء الله بدل ما ادب المشوار ع الفاضي

لا انا للاسف يافندم مش شغال هناك
انا بنتهز فرصه اني بكون ف مدينه نصر ف اي وقت و العربيه هناك
ف باخدها انا و احد اقاربي واتحرك بيها ف المكان الفاضي دا
انا اسف مش هقدر افيدك