عاجل بخصوص كبالن 128

[mama1979]

من فترة بسيطة بدات اسمع صوت طقطقة فى الملفات الشمال وقرات عن الموضوع وعرفت انه الكبالن وان مفيش مشكلة ان امشى بيها لغاية لما تطقطق فى الطوالى
وعلى فكرة انا لا استخدم العربية كثيرا - مشوار كل اسبوعين حوالى 40 كم اغلبهم على الدائرى
امبارح فجاة حسيت ان فيه كركبة تحتى ناحية الشمال فبصيت على الكبالن ومسكتها لقيتها بتتحرك لما اشدها والحركة تقريبا فى حدود 1سم (مسكت الكوبلن من المنطقة اللى فى النص وبقيت اهزها ناحية الموتور وناحية العجلة فوجدتها بتتحرك)
السؤال دلوقتى هل اصبح من الخطورة انى امشى بيها وللاسف ان المكان اللى باروحه مفيهوش اى حد فى حدائق الاهرام يعنى مفيش غير الصحرا وبس وواحد بتاع كاوتش
برجاء الرد سريعا لانى المفروض ارجع من المشوار ده النهاردة او بكره بالكتير

[dr_radioooooo]

غيرها يا باشا و ريح دماغك

[bido600]

اكيد فيها خطورة
لانها زي محضرتك بتقول في مكان مفيهوش الهوا لا قدر الله وفرطت الكبالن العريبة مش هتتحرك لازم تتقطر وتتغير الكبالن
و الصيني منها ب 110 والايطالي ب 170
واكيد في اماكن ارخص بس دا اللي معظم محلات الهرم بتبيع بيه
غيرهم وريح بالك خالص

[mama1979]

جزاكم الله خيرا جميعا
امبارح نزلت تحت العربية وربنا هدانى ان المشكلة من كاوتشةقاعدة الموتور لقيتها زى ما تكون طقت من تحت ، فالموتور بيريح على حديد ماسك صدر العربية بجسم العربية ، فيحدث صوت الكركبة ، فرفعت الموتور بالكوريك ووضعت كاوتشة من كاوتش داخلى كان معايا بين الموتور والحديد ، والحمدلله الصوت اختفى ، وربنا يسترها لغاية لما اروح

[_hema]

من فترة بسيطة بدات اسمع صوت طقطقة فى الملفات الشمال وقرات عن الموضوع وعرفت انه الكبالن وان مفيش مشكلة ان امشى بيها لغاية لما تطقطق فى الطوالى
وعلى فكرة انا لا استخدم العربية كثيرا - مشوار كل اسبوعين حوالى 40 كم اغلبهم على الدائرى
امبارح فجاة حسيت ان فيه كركبة تحتى ناحية الشمال فبصيت على الكبالن ومسكتها لقيتها بتتحرك لما اشدها والحركة تقريبا فى حدود 1سم (مسكت الكوبلن من المنطقة اللى فى النص وبقيت اهزها ناحية الموتور وناحية العجلة فوجدتها بتتحرك)
السؤال دلوقتى هل اصبح من الخطورة انى امشى بيها وللاسف ان المكان اللى باروحه مفيهوش اى حد فى حدائق الاهرام يعنى مفيش غير الصحرا وبس وواحد بتاع كاوتش
برجاء الرد سريعا لانى المفروض ارجع من المشوار ده النهاردة او بكره بالكتير

اسمحى اقول لحضرتك

ان المشى بالكوبلن وهو فى هذه الحاله يمثل خطوره لان حضرتك متعرفش امتى الكوبلن حيخرج من مكانه


الله لايقدر

لو حسيت ان فى مشكله فى الكبالن متتردديش وغيرها فوراً افضل لك وحمايه لنفسك ولمن معك

حفظك الله تعالى واينا

وكل صاحب عربيه

من كل مكروه


لك كل الود