أجندة السيارة

[hanyfarrag]

السلام عليكم
أقترح على السادة أعضاء المنتدى ضرورة الإحتفاظ بأجندة فى السيارة لتدوين ملاحظات عن السيارة.
أتمنى انها تكون فكرة كويسة وتنال اعجابكم
انا مقسم الأجندة أقسام
أولا : قسم البنزين :
يتم فيها عمل جدول ينقسم الى الاعمدة التالية
التاريخ - قراءة العداد - عدد الليترات - عدد الكيلومترات - المعدل
حيث تقوم بتدوين البيانات السابقة عند كل زيارة لمحطة البنزين
فمثلا اذا كان العداد قرايته 300كيلو وذهبت ومليت بنزين ثم ذهبت مرة أخرى بعدما أصبحت قراءة العداد 730 كيلو وساعتها نفرض انك فولت العربية وخدت 30 لتر
معنى ذلك أن العربية خدت 30 لتر فى 430 كيلو متر
وبقسمة 430/30 نجد نتيجة القسمة هى 14.333 وهى عبارة عدد الكيلومترات الناتجة من كل لتر بنزين
ولو ضربت 14.333 فى 20 يطلع معدل الاستهلاك فى الصفيحة وهى مثلا 286 كيلو فى الصفيحة وهكذا
طبعا انا عارف ان فى ناس كتير تعرف تحسب الحسبة اللى فاتت دى بس أنا غرضى هو تدوين هذه المعدلات لتكون مؤشر عن معدل استهلاك السيارة للبنزين فاذا لاحظت انحراف فى معدل الاستهلاك بالنقصان فهذا يثير كثير من التساؤلات
ثانيا : زيت الموتور والفلتر
الجدول يتكون من التاريخ - قراءة العداد -عدد الكيلومترات- ملاحظات
يتم تدوين قراءة العداد فى كل مرة يتم فيها تغيير الزيت وفى خانة الملاحظات تذكر هل تم تغيير الفلتر أم لا
ملحوظة : من المستحب تغييرفلتر الزيت كل مرتين تغيير زيت.

يتم عمل صفحات منفصلة لكل من فلتر البنزين وفلتر الهواء وسير الكاتينة وسير الدينامو وسير التكييف(إن وجد)
وكذلك صفحة للكاوتش ومياه الردياتير
منقول عن أخى الأستاذ هشام
أتمنى أن تكون هذه المشاركة مفيدة لجميع الأعضاء

[memo_hefnawy]

أنا فعلا بعمل الموضوع ده فى بلوك نوت صغير حاطتها فى الشماسة عشان أكون متابع عربيتى :)

منور يا هانى 8)

[mido777]

فعلا مهم جدا الكلام ده

بس فى برامج على الموبايل بتعمل الكلام ده وهيه اللى تحسب الكلام ده لوحدها

[محمد المصرى]

ممكن تقولنا البرنامج ده ايه

[mido777]

ممكن تقولنا البرنامج ده ايه

اسمه Handycar 1.7 اعمل بحث عليه وحتلاقيه موجود فى مواقع كتير خاصة بالموبيلات

[PAYOO]

يا جدعان أنا بقول كده برضه الناس إللي هنا كلها تقريبا تفكيرهم واحد

يعني وأنا بقرأ موضوع صديقي أ/هاني حسيت أني أنا إللي كاتب الكلام ده

فعلا اغلب الناس هنا عندهم ترتيب في الأفكار وطرقيتهم متشابهه كتير جدا

[mo3tazelgamal]

اسمه Handycar 1.7 اعمل بحث عليه وحتلاقيه موجود فى مواقع كتير خاصة بالموبيلات

يا سلام لو حضرتك تحط اللينك بتاعه البرنامج أو ترفعه على أى سايت من بتوع أب لود تبقى عملت أكبر خدمه فى الناس

[kamatchodj]

وياريت يكون فيي برنامج زيه بيشتغل على الكمبيوتر

[Abdallah]

البرنامج يعمل على المحمول فقط وهذا هوا اللينك
[url=http://www.**********[/url]

اخى العزيز عبدالله الرجاء عدم وضع لينكات لمواقع اخرى ورجاء الاطلاع على قواعد وقوانين المنتدى

9- ممنوع وضع اى لينكات تشير الى مواقع اخرى منافسه الا بعد السماح من الاداره.

تم التعديل بواسطتى سعيد

[ehabbadr]

السلام عليكم أستاذ سعيد :
أولا الرقابه ليس بهذه الطريقه الجامده
ثانيا حضرتك شايف من الاول مجرى الحديث ازاى و هذه الرقابه بهذى الطريقه مستفزه جدا
ثالثا الموقع المشار له واضح انه غير منافس ومختص ببرامج و ليس منتدى منافس
برجاء تغيير اسلوب الاشراف و من الممكن عمل اسفتاء لذلك و شكرا
د.ايهاب بدر

[saied]

السلام عليكم أستاذ سعيد :
أولا الرقابه ليس بهذه الطريقه الجامده
ثانيا حضرتك شايف من الاول مجرى الحديث ازاى و هذه الرقابه بهذى الطريقه مستفزه جدا
ثالثا الموقع المشار له واضح انه غير منافس ومختص ببرامج و ليس منتدى منافس
برجاء تغيير اسلوب الاشراف و من الممكن عمل اسفتاء لذلك و شكرا
د.ايهاب بدر

اخى الدكتور ايهاب بدر
المنتدى له قواعد الكل يلتزم بها جميع الاعضاء سوء الكبير او الصغير
فالرجاء الالتزم بقواعد المنتدى

وقواعد المنتدى واضحه ليست بحاجه الى استفتاء

تحياتى اخوك سعيد

[aamerbebo]

يا دكتور ايهاب:
الموضوع مش مستاهل. هي بس النقطة ان من قواعد اي منتدى عدم وضع لينكات لمواقع اخرى.
وده مش هنا بس لأ ده في اي منتدى عام والهدف من كده هو المصلحة العامة لأن القائمين على المنتدى هدفهم الاول المنفعة العامة.
فارجو من حضرتك الهدوء واحنا تحت امرك في اي شئ به منفعة عامة...

[ehabbadr]

أخى العزيز أستاذ سعيد
أولا لا أنكر لسيادتك المجهود الكبير جدا فى انشاء المنتدى و أدرك مدى اهتمامك بفرض القواعد و لكن لابد من مراعاه بعض الامور و المرونه و لانحبس أنفسنا فى قواعد جامده صلبه فاذا انتقلنا جميعا من contactcars لأنه بدون اشراف فليس من اللازم نجد هنا العكس تماما وكما نعرف جميعا أن هذا المنتدى free فلا وجود لمنافسه و احتكار زبائن و كلنا انتقلنا هنا برغبتنا و الكل يستطيع الانتقال لأى منتدى أخر اذا اراد
ثانيا قواعد المنتدى تم وضعها بدون أخذ أراء أى من الاعضاء و لهذا فهى بحاجه لاستفتاء من الاعضاء و شكرا
د.ايهاب بدر

[aamerbebo]

يا دكتور
نقول تاني :)
الموضوع مش موضوع احتكار ولا حاجة والله بس دي فعلا قوانين اي منتدى وحضرتك ممكن بنفسك تشوف اي منتدى اخر وهتلاقي نفس القوانين
احنا اللي مجمعنا هنا هو حبنا لبعض والرغبة في الاستفادة ليس اكثر ولا اقل.
وارجو من حضرتك التوجة الى رسائلك الخاصة لرؤية رسالة مني.

[mo3tazelgamal]

أخى العزيز أستاذ سعيد
أولا لا أنكر لسيادتك المجهود الكبير جدا فى انشاء المنتدى و أدرك مدى اهتمامك بفرض القواعد و لكن لابد من مراعاه بعض الامور و المرونه و لانحبس أنفسنا فى قواعد جامده صلبه فاذا انتقلنا جميعا من contactcars لأنه بدون اشراف فليس من اللازم نجد هنا العكس تماما وكما نعرف جميعا أن هذا المنتدى free فلا وجود لمنافسه و احتكار زبائن و كلنا انتقلنا هنا برغبتنا و الكل يستطيع الانتقال لأى منتدى أخر اذا اراد
ثانيا قواعد المنتدى تم وضعها بدون أخذ أراء أى من الاعضاء و لهذا فهى بحاجه لاستفتاء من الاعضاء و شكرا
د.ايهاب بدر

فعلا د/ إيهاب عندة حق وأنا كان طلبى الفايدة للجميع ليس إلا
ويا ريت حضرتك لو تتذكر أن أكتر الناس هنا من كونتاكت كارز وأنه تم وضع اللينك الخاصه بالمنتدى الجديد هناك بدون أى تدخل من كونتاكت بالرغم من الدعوة لهجرة كونتاكت والتوجه إلى نايل موتورز
والنهاردة أنا دخلت على كونتاكت مفيش رسايل جديدة والحركه شبه ميته فى أغلب المنتديات اللهم إلا هيونداى
فياريت لو حضرتك تتجاوز عن rules المرة دى و نسيب موضوع الأستفتاء دة لبعدين
وشكرا سواء سمحت أو لم تسمح