عاوز تعرف مفروض عربيتك تاخد قد ايه بنزين

[essoesso]

ميتسوبيشي ميراج 98 اوتوماتيك 1500

[meeg]

اولا شكرا على المجهود الرائع اللى بتبذله
السياره سكودا فليشيا موديل 95
1300 cc
مانيوال
وشكرا

[مصطفى مغربي]

اتوس

العربية اتوس برايم ( هيونداي )
2010
1100 سي سي
مانيوال
وشكرا مقدما

[AMRGTI]

استاذذذذذذذ
بجد مشكور

[good09]

ماركة العربية : هيونداى
اسم الموديل و سنة الصنع: اكسل سنة 1997
مانيوال ولا اتوماتيك : مانيوال
السعة اللترية للمحرك : 1300 cc

[husseinthemaster]

لانسر 1992 1300 مانيوال

[ali.mahmoud]

الماركة : اوبل استرا
الموديل :2002
السعة اللترية:1200 سىسى
مانيوال /اوتوماتيك:مانيوال
engine code : والله العظيم ماعرف

[momo44]

ميتسوبيشي ميراج 97 مانيوال 1500

[مصطفى مغربي]

هو فين ؟؟؟

ايه يا جماعة هو فين صاحب الموضوع

كده بيعلق الناس المشركة بالموضوع و بس و لا ايه ؟؟؟

[misoalex]

طب ال 128
موديل 77
1100 cc
ليها نصيب ولا مش حنلاقيها

[heragy]

شيفورلية لانوس 2010 --------------- 1500 سى سى مع الشكررررررررررررررررررررررررررررررررررررررر

[mahmoud_e2007]

- عاوز تعرف عربيتك مفروض تاخد قد ايه بنزين كل 100 كيلو عشان تعرف هيا بتاكل بنزين ولا لا و تصلح العيب اللي فيها.

- عاوز تعرف مفروض تحط بنزين كام من نسبة إنضغاط المحرك (engine compression ratio) لو ممعكش المانويل بتاع العربيه.

- عاوز تعرف اهم technical data بتاعه عربيتك.

كل اللي تقدر تعمله تبعتلي

*ماركه العربيه
*اسم الموديل و سنه الصنع
*مانويل ولا اتوماتيك
*السعه اللتريه للمحرك (كام سي سي)
*engine code لو تقدر تقولي عليه

علي العموم المعلومات دي هحصل عليها من برنامج autodata و بعض المواقع علي الانترنت بس للافاده للاعضاء عشان لو حد عاوز يدور علي المعلومات دي اكترها من البرنامج المذكور اعلاه

في عربيات ممكن مقدرش اجاوب علي بعض المعلومات عنها كل العربيات لغايه موديل 2007 انشاء الله


-----------------------------------
بعض المعلومات ان شاء الله هتفيدك لو العربيه بتسحب منك بنزين (منقولـــــــــــــــــــــــــــــــه)
بس انا حطتها هنا في الموضوع عشان يبقي موضوع شامل

اولا
نسبه الانضغاط في المحرك

تعريف نسبة الانضغاط:
نسبة الإنضغاط هي حاصل قسمة حجم الإسطوانة بالكامل (الحجم المحصور بين الحد السفلى الذي يصل له المكبس وحافة غطاء الاسطوانة(وش السلندر)) مقسوماً على حجم غرفة الإحتراق (المحصورة بين آخر نقطة يصل إليها المكبس وحافة غطاء الاسطوانة (وش السلندر))

كل محرك له نسبه انضغاط و تتراوح من 7 الي 12 و قد تصل الي 15 و دا بيختلف من عربيه لاخري
و النسب كالتالي
بنزين 80 لمحرك ذو نسبةإنضغاط 8
بنزين 90 لمحرك ذو نسبة إنضغاط 9
بنزين 92 لمحرك ذو نسبة إنضغاط 10
بنزين95لمحرك ذو نسبة إنضغاط 11


ماذا يحدث لو وضعت بنزين ذو رقم أوكتاني أقل من الموصى به لسيارتي أو أقل من المناسب لنسبة إنضغاط محرك سيارتي ؟؟
الجواب : يحدث الآتي:
1- لا تحصل على العزم وعدد الأحصنة المبين في الكتالوج بل أقل منه
2- صوت المحرك يرتفع ومن الممكن أن لا تحس بالفرق بنفسك لكن صوت المحرك سيرتفع بالتأكيد ولو بنسبة ضئيلة
3- قد يحدث في المحرك ظاهرة التصفيق والميكانيكي يقولك الموتور بيسقف وهذا صوت مثل الصوت الذي تسمعه لو أنت ماشي على الرابع على سرعة 20 كلم/ساعة وفجأة دست بنزين جامد تسمع صوت تكتكه هو ده التصفيق اللي يزيد عندك
وهذا التصفيق ليس صوت تصادمات كما يبدو ولكنه صوت اهتزاز وتذبذب شديد للمحرك وخاصة عمود الكرنك والمكابس وقد يصل في بعض الأحيان إلى كسر عمود الكرنك (حالة نادرة)
4- التصفيق الكتير يقصر عمر المحرك على المدى الطويل
5- زيادة في إستهلاك النزين لأن التصفيق والموجات الناتجة تزيد من فواقد القدرة داخل المحرك

و لكن لو وضعت رقم اوكتيني اعلي من المطلوب قد يعطيك اداء اعلي للسياره و قد لا يعطيك لو اعطاك اداء اعلي خليك عليه و لكن لو اعطاك نفس القدره ارجع للرقم الاكتيني الخاص بعربيتك


ولكن يوجد حل جيد لطالبي التوفير والإقتصاد في مصاريف بنزين سياراتهم:
والذين يريدون وضع بنزين أوكتان 80 مثلا في سيارة ذات نسبة إنضغاط عالية
الحل أنك تؤخر توقيت الشرارة (تخفض كهربة السيارة) وتجربها حتى تجد أن التصفيق (التسقيف) تلاشى
وهذا الحل مجرب تجربة شخصية مع المواتير الكربراتير فقط.

بالطبع فإن هذا الحل سيقلل من كفائة السيارة وسحبها بنسبة بسيطة لكن مقبولة في سبيل التوفير
حيث أن الفقد في الإستفادة من البنزين الناتج عن تأخير توقيت الشرارة سيكون أقل من فرق السعر بين نوعي البنزين

(مع الكربراتير فقط لان الانجيكشن يقوم بحسابته اتوماتيك داخل الكمبيوتر الخاص بالسياره الا لو ذهبت لمركز متخصص ليعدل لك البرنامج بتاع السياره و لكن هذا غير مضمون)

-----------------------------------------------------

بعض أسباب زيادة إستهلاك البنزين=fuel consumption reasons

بالنسبة لزيادة الإستهلاك له أسباب كثيرة أهمها:
1 - مشكلة في الكاربيراتير (نضافة أو خلوصات البيكات أو نسبة الهواء والبنزين غير مضبوطة أو فلتر الهواء مسدود أو.... )
2 - مشكلة في دائرة توزيع الشرارة (بوجيهات وأسلاكها وإبلاتين وموبينة وكوندنسر)
3 - مشكلة في ضبط الزوايا والإتزان والترصيص
4 - مشكلة في دائرة التبريد (سخونة زيادة أو برودة زيادة)
5 - مشكلة في الزيوت وفلاترها (نقص أو بحاجة لتغيير)
6 - مشكلة في مجموعة الدبرياج
7 - عدم ضبط ضغط الإطارات
8 - عدم ملائمة نوع البنزين للموتور ( 80 أو 90 أو 92 أو ..)
9 - عدم ضبط تقسيمة الصمامات مع الكرنك بدقه
10- عدم ضبط خلوص الصمامات (التاكيهات)
11- موتور حالته سيئة (الشنابر فوتت)
12- أسلوب قيادة عنيف (رياضي أو شبابي أو أمريكاني أو منفعل)
13- قيادة في أماكن مزدحمه وكثرة التوقف (لو الإشارة أو الوقفة هتطول إطفي السيارة)
14- تحميل السيارة (كلما زاد الوزن المحمل زاد الإستهلاك)
15- القيادة على سرعات عالية فوق ال 100 كلم\س أو سرعات منخفضة عن 80 تقريباً لفترات طويلة
16- مشكلة في الشكمان تؤدي في بعض الأحيان لزيادة الإستهلاك (مثقوب أو مسدود)
17- بالنسبة للسيارات ذات الحقن الإلكتروني قد يكون هناك حساس (سنسور) عطلان (سنسور العادم أو الهواء أو غيره حسب نوع السيارة)
18 - بعض السيارات الحديثة البرنامج الخاص بها (السوفت وير) بحاجة إلى إعادة تركيب (reset)
19 - مشكلة في الجنوط (معوجة أو ملوحة)

الموضوعين السابقين منقولين و لكم جزيل الشكر و كانت للعضو (احمد 1981) و له جزيل الشكر

ارجو اني قمت بالافاده و ارجو من الاداره تثبيت الموضوع اذا كان يستحق لافاده الاعضاء و شكرا لكم

طيب انا يا باشا عربيتي ميتسوبيشي لانسر موديل 90 عيون صفية اوتوماتيك 1500 cc

[mahmoud_e2007]

شكرا علي خدماتك يا باشا

ماركة العربية : ميتسوبيشي
اسم الموديل و سنة الصنع: لانسر سنة 1990
مانيوال ولا اتوماتيك : اتوماتيك
السعة اللترية للمحرك : 1500 cc
ارجو الرد لاني فعلا حاسس انها بتاكل بنزين وشكرا

[mxmx]

تويوتا كرولا 2005 اوتوماتيك 1300

[meemoo777]

ماركه العربيه : هوندا اكورد
*اسم الموديل و سنه الصنع : اكورد 1990
*مانويل ولا اتوماتيك : اتوماتيك
*السعه اللتريه للمحرك (كام سي سي) : 2000 سي سي

ياريت تقولي لان استهلاكها معايا عالي اوي والف شكر ليك يا باشا