ازاى بتحفظ ابعاد عربيتك ؟؟

[_hema]

سؤال ونفسى اسأله للناس اللى بتركن واللى بياخدوا غرز واللى بيسوقوا فى شوارع ضيقة , ازاى بتحفظوا ابعاد عربيتكم يا ابطاااااال

هيه مسافه تقريبيه اكثر من التعود
لانها لو تعود يبقى الواحد امايركب عربيه تانيه مش هيعرف يسوقها عشان مش متعود على ابعاد العربيه اللى راكبها
لكن الواحد بيحسبها بالتقريب العربيه كبيره وعريضه يبقى الواحد بيقيم الحاره اللى هيمشى فيها ويعدى مبين عربيتين هل المسافه تعديه ولا ضيقه وايضا بالنسبه للركنه المسافه الفاضيه مابين العربيتن هدخل العربيه ولا ايه

وطبعاًٍ عين الواحد على مرايات الجنب كل لحظه مع مرايه الصالون
لان المرايات هى راسمال الواحد وهو سايق العربيه

دا راي الشخصى

لك ولكل الاراء التى سبقتنى كل التحيه والاحترام

[matrix_it]

ما انا نفسى ابقى بعرف اركن العربية فى اضيق مكان يعنى المكان قد العربية بظبط انا بقى اعرف اركن فيها

[_hema]

ما انا نفسى ابقى بعرف اركن العربية فى اضيق مكان يعنى المكان قد العربية بظبط انا بقى اعرف اركن فيها

حضرتك تحاول تركن بين عربيتين والمسافه بينهم كبيره شويه واما حضرتك تتعود وتتمرن كويس على ركنه العربيه إبداء تدريجياً تقلل المسافه الموجوده بين العربيتين

وعموما لو حضرتك بداءت بالركن بين عربيتين وانت شايف ان المسافه مناسبه انك تدخل بعربيتك

لو فرضنا ان هناك عربيه فى الامام وعربيه فى الخلف بجوار الرصيف وبينهما مسافه كافيه للدخول
حضرتك تبداء تقف بجوار العربيه الاماميه تاركا مسافه نصف متر تقريبا على ان تكون مقدمه عربيتك فى منتصف العربيه الاماميه وابداء بالرجوع للخلف مع لف الدريكسون الى الاتجاه الذى ترغب فى الركنه فيه وعيناك متابعه المرايا الجانبيه وعندما تلاحظ ان العجله الخلفيه بدأت تقترب من الرصيف أبداء فى عدل دريكسون العربيه كأنك سايق للأمام مع الاحتفاظ بمسافه كافيه فى الخلف حتى لاتصدم السياره الخلفيه

وربنا يوفق حضرتك

[el_nahal2004]

كلامك مش صح و ياريت تاخد كلامى اللى جاى ده بصدر رحب
اولا لازم الواحد يبقى حافظ ابعاد عربيته كويس اوى
علشان الغرز
علشان الركن و علشان حاجات كتير اوى
و حاجه تانيه
العربيات الجديده
مهما طلعت الكرسى لقدام و لزقت فى الطاره مش هتشوف الكبوت
و ده بيخلينا نرجع الكرسى ورا علشان تريح نفسك بدل ما انت مكلبش كده فى الطاره بأيدك الاتنين
المختصر
طالما خفظت ابعاد العربيه
اياكش تروح تنام فى الشنطه مش هتفرق
تحياتى ليك

^_^

كلامك مظبوط 100 ال 100

[حسين عمر]

الرد على الموضوع

بارك الله فيكم جميعا واسال الله ان يستر طريقكم وان يحفظكم ويرعاكم من كل سوء ياااااااااااااارب

[Inteltech]

موضوع جميل الخاص بابعاد العربية ده تصدق من كثر ما اتعودت على العربية بطلت افكر فيه حتى هي كده بالتعود هتلاقي نفسك بدون ما تفكر كثير بتحس وتعرف عربيتك تعديك ولا لا وفراملك تجيبك ولا لا وتسارعك شكله ايه وكل الكلام ده تعود مش اكثر وزي ما حضرتك مش بتفكر وانت بتلف الدركسيون تلقائي بايدك وانت ماشي لا لفيته قد ايه ولا ازاي حسبت ده هتلاقي العربية والتعود عليها سهل جدا ان شاء الله مع الوقت . تحياتي

[mtradwan]

طبيعى جداً ان الابعاد الخاصة بكل سيارة مختلفة ... علشان كده مهم جداً تعرف ابعاد سيارتك من جميع الجوانب وده هييجى مع الوقت وطبيعى ان السيارة تتحك من ورا شوية ومن امام شوية لكن مع الوقت هتلاقى كل حاجة تمام وهتعرف تركن صح .... والله الموفق وربنا يحفظ لنا طريقنا.

[graffittiii]

مع إني معاك جدا ف دي :

مهما طلعت الكرسى لقدام و لزقت فى الطاره مش هتشوف الكبوت

^_^

لان ناس كتير بردو بيبقو فاكرين أن الكرسي لو طلع لقدام أحسن .

-----------------------------------------------------------------
بس مش معاك خالص ف دي :

و موت قلبك و خود غرزه هتلاقى احساسك بلعربيه بقا اعلى
خد التانيه فى التالته فى الرابعه هتلاقيه بقا اعلى و اعلى و اعلى
الخامسه فى السادسه فى السابعه هتلاقى نفسك حفظت العربيه
بس خلى بالك فى ناس ماشيه على الطريق
و لازم تبص فى المرايات كويس اوى و انت بتاخد الغرز علشان لا تعور نفسك ولا تعور حد
و ربنا يسرها علينا و عليك
تحياتى
^_^

الراجل لسه ف الأول بلاش غرز خالص وخليه ف حارته ...
نصيحة وأنت بتتعلم ماتحطش نفسك ف مواقف مش قدها لان لو لقدر الله حصل حاجة ف بدايه تعلمك عمرك ماهتعرف تركب العربية تاني وهتتخنق منها ..
.

[matrix_it]

اكيد طبعا مش هتهور اوى عشان محدش هيشيل مسؤوليتى لما اعمل حاجة

[Ahmed_selmy]

انا عن نفسى بحس ان السواقه عموما هو احساس بالعربيه لابعد الحدود
يعنى ببقى حاسس بالدريكسيون فى ايدى بحركه ازاى ومسافه قد ايه تدينى المسافه اللى انا عايزها
حاسس بسرعة استجابة العربيه بالفرامل بكل حاجه فيها كانى انا وهى حته واحد او كانها جزء من اجزاء جسمى زى ايدى ورجللى ولهذا لما بسوق عربية والدتى لا اواجه اى مشاكل رغم انها سيدان(افيو)وانا عربيتى 127 وفى فرق كبير فى كل حاجه سواء فى الفتيس والدريكسيون والفرامل وطبعا الابعاد
بس بحس كانى كده بلبس العربيه زى العفريت والعياذ بالله
يمكن علشان كنت بلعب Need For Speed كتير قبل ما اتعلم السواقه :-)
الله اعلم

[MOK3336]

معلش مع إحترامي لكل الناس ايلي قالت موت قلبك و خد غرزة في الثانية و الكلام ده
تحفظ أبعاد عربيتك بالممارسة و متهقلي مش هتاخد منك أكتر من أسبوع بالكتير
ولما تبقي كويس في السواقة لو ركبت اى عربية هتحفظ أبعدها من أول ما تمسي بيها 5 دقائق
وموضوع الغزر متخدش غرزة غير و أنت متأكد 1000/100 أنك هتعرف تاخدها و المسافة كويسة للغرزة
غير كده متخدش غرز لا قلب ميت ولا غير الله يكرمك

[Ahmed_selmy]

معلش مع إحترامي لكل الناس ايلي قالت موت قلبك و خد غرزة في الثانية و الكلام ده
تحفظ أبعاد عربيتك بالممارسة و متهقلي مش هتاخد منك أكتر من أسبوع بالكتير
ولما تبقي كويس في السواقة لو ركبت اى عربية هتحفظ أبعدها من أول ما تمسي بيها 5 دقائق
وموضوع الغزر متخدش غرزة غير و أنت متأكد 1000/100 أنك هتعرف تاخدها و المسافة كويسة للغرزة
غير كده متخدش غرز لا قلب ميت ولا غير الله يكرمك

+11111111

[MohammedAladel]

يعنى إيه غرز ؟ يعنى تعدى من عربية قدامك ؟

[matrix_it]

انا جبت لوجان و مش شايف اى حاجة