التحميل على الدبرياج

[mohamedfakes]

بسم الله الرحمن الرحيم

انا بحمل على الدبرياج كتير انا عارف و تقريبا علطول دايس عليه بس دا لان السواقة فى القاهرة انتو عارفين ولا منها واقفة خالص و لا منها ماشية
بس ممكن طقم دبرياج جديد يبوظ فى خلال اربع ايام علشان حرام انا من 3 اسابيع العربية باظت و عايزة طقم دبرياج جبته و من اربع ايام باظت تانى و عايزة طقم و ركبتو هو و حاجات تانية كده (زوار فتيس - حاجة فيها كبالن - و حجة على وزن بالم او بالما حاجة كده مش فاكر اسمها ) المهم جت باظت تانى انهردة و مفيش دبرياج و مش بتاخد غيار خالص الا لو مبطله و فى الغالب هيقولى طقم هو ممكن السواقة الوحشة تبوظ طقم فى اربع ايام
بليز حد يرد عليا ضرورى علشان كده حرام كل اسبوع اكتر من الف جنيه تصليخ غير البنزين و الزيت و ........الخ

[amrelsaqqa]

لا مش ممكن الطقم يبوظ في 4 ايام مهما كانت سواقتك ومهما كان مضروب كمان !

العربية نوعها ايه والدبرياج عندك على ماستر ولا على واير
ممكن تكون المشكلة عندك في ماستر الدبرياج

دى كدة غالبا ماستر دبرياج
لو كانت الاسطوانة بايظة هتلاقى العربية بتاخد الغيار بس مهما تشيل رجلك من على الدواسة العربية ما تطلعش كأنها ممورة وما تمشيش خالص

[mohamedfakes]

العربية عندى بيجو 206 موديل 2003
و انا مش عارف الدبرياج على ايه بصراحة بس عندى سلك دبرياج دا كده يبقى على واير صح و لا ايه
الماستر دا بتاع الزيت صح

[amrelsaqqa]

انا مش عارف ال206 على سلك ولا ماستر بس لو سلك زي ما بتقول ممكن تكون الدواسة مستواها واطى وده يخلى الدبرياج ما يفصلش تماما او ما يفصلش خالص والغيارات تبقى تقيلة او ما تجيش خالص والاحتمال التانى اللى انا شايفه مستبعد بنسبة 98% ان الدسك الجديد باظ

[mohamedfakes]

ربنا يطمنك يعنى الليلة دى تخشلها فى 400 جنيه صح اصل حرام الف كمان كل اربع ايام مش اسبوع حتى

[MohammedAladel]

مش للدرجة دى ياباشا دا مش طقم بلاستيك

[HAITHAM1985]

المشكلة بسيطة إن شاء الله ........ بس الطقم اللى إنته جبته نوعه إيه ؟؟؟؟