حقن الزجاج

[azmeralda]

بعيد عنكو شخصية ما ركبت معايا الأسبوع ده والحمد لله جابت البطارية ثم ضربت التكييف ويليه الزجاج الأمامى قدام عينها بالضبط اتشرخ
دوريتين كده وطالع منهم شمس

قالوا لى احقنه

رحت لواحد بيقول حقنه بزجاج وبقت شكلها احسن لكن متشوفش خلاص من وراها مزغلل وكمان تلاقى شكل نجمة مشعبة كده
وقاللى لما تقفى فى الشمس لازم تحطى كرتونة

وقاللى النقرة دى غريبة قوى انا اضطريت احقن 3 مرات بدل مرة واحدة والبلاستيك اللى جوه سايح انا بلاقى نقر احيانا شكل العين بالننى بالضبط (انت هتقوللى )
فايه خطورة الوضع دلوقتى كمان هى بقت خشنة من بره ومحسوسة اكتر من الأول

وهنقول ايه حسبناالله ونعم الوكيل فى الحقد والحقودين

[windofchange]

معاك حق وربنا يعاملهم بما يستحقوا الناس دي اعوذ بالله جايبنا ورا والله وليكي مقولة جميلة ومعبرة "بلية الحاسد أنه خصم القضاء واتهام الباري فى العدل وأساء الادب مع الشرع وخالف صاحب المنهج"
بس هي عربيتك نوعها ايه؟ ومن رأيي سيبيها كده واعتقد الضرر اللي حصل للزجاج اكبر من اي حقن يصلحه والمفروض يتغير بس من رأيي سيبيه العيال كتير فالشارع مسيره يتكسر وتغيريه هههههه انا شايف كده,,,,ايهاب

[HAITHAM1985]

ده كله حصل للــ 127 أمال لو راكبه bmw كان حصلك إيه !!!! ربنا كريم إنها مجتش فيكى

رقيتك بالحنجل والمنجل والشبشب والصندل " كنت بسمع ستى بتقول كده "

تحياتى وإحتراماتى

[waelfarid]

معلش يا دكتورة اللي ييجي في الريش بقشيش ومعرفة الناس كنوز الوحش قبل الكويس ولا تنسي الادعية والاذكار والمعوذتين وما اخطأك لم يكن ليصيبك وما اصابك لم يكن ليخطأك الي اخر الحديث

[ZOoOoMA]

غيري القزاز لان كده معرض انو يتكسر في اي وقت و ممكن تكوني انتي راكبه العربيه لاقدر الله و يفرقع في وشك لا قدر الله ف عشان سلامتك اولا غيريه

[MohammedAladel]

مش معنى كدا اننا نسلم بالحسد بقى ما جايز ذنوب بتخلص من حضرتك وعلى رأيهم أمال لو كانت بى إم ولا حاجة عالية كانت جت نصين وبعدين ال127 دى عايشة إكلينيكيا يعنى على رأى ستى : ضربه على عينه الخسرانة طب ما هى خسرانة خسرانة هههههههههههههههههههههههههههههههههههههههههههههههههه هههههههههههههههههههههههه

[azmeralda]

ده انا على كده ذنوبى كتير قوى قوى قوى

واكيد هى مش 127 واكيد مش هقول هى ايه اصلا الحكاية ناقصة!! واذا كان كل ده حصل وانا قلت كل المعوذات والأذكار امال ايه كان هيحصل من غيرهم

وعلى فكرة ال 127 كانت بتتحسد برضه وحصل لها حادثتين مروعتين وبالعكس فى ناس تبقى اغنى منك ومعاها حاجات احسن منك وتستكتر عليك الخير برضه مش شرط يعنى بتبقى نفسية مريضة وخلاص
واللى هيقول ما شاء الله ده هيخسر ايه على الأقل الشبهة تبعد عنه وميبقاش متهم : )


ومش معايا فلوس اغير القزاز دلوقتى انتو كده رعبتونى وجه فى بالى فيلم نور عينى بقى وكده هو فى ناس عملت عنده والقزاز اتشرخ برضه تانى وتكسر وفى ناس عملت عنده 3 مرات والقزاز فضل سليم فربنا يستر

[windofchange]

طالما مش 127 يبقي سيبي الزجاج لأن الزجاج في ال127 طبقة واحدة وده علي مااعتقد مابيتشرخش ده بيتفتت ويتكسر علي طول ويعور الركاب..... لكن الزجاج فالعربية التانية المجهولة ) اعتقد نوعه تريبليكس 3 طبقات,,, مهما اتشرخ انه يتكسر عليكي اعتقد لأ لانه تريبليكس 3 طبقات طبقتين زجاج بينهم طبقة بتمسكهم لما يتكسروا ميقعوش عالركاب

[MohammedAladel]

ده انا على كده ذنوبى كتير قوى قوى قوى

واكيد هى مش 127 واكيد مش هقول هى ايه اصلا الحكاية ناقصة!! واذا كان كل ده حصل وانا قلت كل المعوذات والأذكار امال ايه كان هيحصل من غيرهم

وعلى فكرة ال 127 كانت بتتحسد برضه وحصل لها حادثتين مروعتين وبالعكس فى ناس تبقى اغنى منك ومعاها حاجات احسن منك وتستكتر عليك الخير برضه مش شرط يعنى بتبقى نفسية مريضة وخلاص
واللى هيقول ما شاء الله ده هيخسر ايه على الأقل الشبهة تبعد عنه وميبقاش متهم : )


ومش معايا فلوس اغير القزاز دلوقتى انتو كده رعبتونى وجه فى بالى فيلم نور عينى بقى وكده هو فى ناس عملت عنده والقزاز اتشرخ برضه تانى وتكسر وفى ناس عملت عنده 3 مرات والقزاز فضل سليم فربنا يستر

مش عارف ليه ما تقوليش نصيب وكمان بتقولى يبعد الشبهة عنه يعنى انتى تقدرى تحددى مين بيحسد ومين لا ؟

[azmeralda]

ايوه طبعا اقدر احدد لأن ببساطة كل عين ابن ادم حسودة طالما مدعاش لك بالبركة لدرجة
ان الأنسان ممكن يحسد نفسه وعلى رأى المثل (ما يحسد المال الا اصحابه)
ولما حد كل ما تقعد معاه حاجات تتكسر وانت تمرض مثلا متقنعنيش انك مش هتشك فيه خاصة ان العين اصلا حق

[url=http://www.khayma.com/roqia/hassad.HTM]

[azmeralda]

طالما مش 127 يبقي سيبي الزجاج لأن الزجاج في ال127 طبقة واحدة وده علي مااعتقد مابيتشرخش ده بيتفتت ويتكسر علي طول ويعور الركاب..... لكن الزجاج فالعربية التانية المجهولة ) اعتقد نوعه تريبليكس 3 طبقات,,, مهما اتشرخ انه يتكسر عليكي اعتقد لأ لانه تريبليكس 3 طبقات طبقتين زجاج بينهم طبقة بتمسكهم لما يتكسروا ميقعوش عالركاب

لأ انا حصلت لى فى ال 127 وما حقنتهاش وقالوا طالما مش مسمعة جوه خلاص لكن دى بقى اتحقنت وتانى يوم شعرت شكل الشمس تانى


واحب اضيف لمنع الشك خالص ان كنت رايحة نفس المشوار بتاع الناس اللى انا شكة فيهم دول وعملت حادثة ومش بس العربية اتضرت الراجل اللى خبطته صلحتله عربيته على حسابى : (
اظن كده مستحيل تكون صدفة

[MohammedAladel]

ربنا يقينا شر الحسد وشر الوسواس