هل يجب تليين السيارات الجديدة قبل إستخدامها ??

[Mo]

هل يجب تليين السيارات الجديدة قبل إستخدامها ؟ مثل السيارات
mazda 3 , Honda, Serion

ٍهل يجب عدم إستخدام تكييف السيارات الحديدة قبل إستخدامها أو تلينها؟

[Ramy.Gamal]

اولا احب اعرف حضرتك يعنى ايه تليين :
التليين هو ان حضرتك اول 1000 كيلو متعديش rpm عن 3 ولا تطلع طلعات جامدة ولا تعمل تسارع عالى ومتعديش سرعه العربيه عن 100 كيلو كسرعه قصوى خلال فترة التليين ويستحسن انك متشغلش التكييف لانه حمل وجهد على محرك السياره .بمعنى اخر اول 1000 كيلو انت بتعرف العربيه هى متصنعه ليه وبتعودها على طريقه سواقتك.برغم من ان فى ناس بتقول ان المحركات بتيجى من المصنع متلينه بس خليك فى الامان .هو الواحد كل يوم بيشترى عربيه ولا بيلاقى فلوسها فى الارض

[Ahmed Samy]

العربيات اللي بتيجي متلينة دي ياباشا هي العربيات الكبيرة

Audi BMW Benz و هلم جر

بس ماعتقدش السيريون مثلا تكون متلينه

و على فكرة في ناس بتحب تسوق عادي أول ما العربية تيجي علشان ده بيدي أداء أحسن (و ده ملحوظ)

بس ناس تانية بيقولو بيقصر عمر الموتور (و ماحدش حس بالحكاية دي)

[SAbuhashem]

العربيات اللي بتيجي متلينة دي ياباشا هي العربيات الكبيرة

Audi BMW Benz و هلم جر

بس ماعتقدش السيريون مثلا تكون متلينه

و على فكرة في ناس بتحب تسوق عادي أول ما العربية تيجي علشان ده بيدي أداء أحسن (و ده ملحوظ)

بس ناس تانية بيقولو بيقصر عمر الموتور (و ماحدش حس بالحكاية دي)

أحمد الاداء العالي بتخده من أول ٥٠٠ كم بعض فترة التلين
لازم تحاول تعلي ال-RPM شويه في النقلات ويفضل يوصل لحد بعض ٥٠٠٠ RPM
ودة بيسموه تفتيح الموتور مع اني مابحبش التسميات دي :)

Thanks
Eng.Sherif Shaker

[eldeplomasy]

طيب انا عربيتي عامله 40000 وبعد التليين لحد النهرده تقريبا مكنتش بزود الار بي ام عن ال4500 ودي كانت على سرعة عاليه فهل برده افتح الموتور باني ازود الار بي ام لحد 5000؟؟؟

وهل التزويد ده غلط على الموتور ولا ايه؟؟؟

[fahd_628]

طيب انا مثلا دلوقتى عامل 500 كم بال I30 تفتكرو اكمل لحاد ال 1000 كدة ولا ابتدى اقرص شوية مع ان فى الكتالوج مكتوب ان المحرك مش محتاج تليين بس زيادة يعنى لينة 1000 كم

اية رأيكم ؟

[hazem_khidr]

انا عن نفسي بنصح بالتليين
بس لما جبت زيرو ماعملتش تليين بالمعني المتعارف عليه
يعني اول ما اخدتها و عامله 40 كيلو مشيت بيها لحد 140 كم /س!!!
للحظات و نزلت تاني
و عاملتها كويس و مش بزود عن ال 2.5 او 3 Rbm في اول 500 كيلو.
يعد ال 500 كيلو بقيت بوصل بال Rbm لحد ال 4 و ال5 كمان
حسيت بعد ال 1000 كيلو الاولي ان العربيه بقت انعم و خصوصا ان واحد قريبي جايب اختها بعدي باسبوعين و بركبها بحس ان عربيتي انعم و سحبتها اشد فعلا لانه من النوع المحسوك و مش بيجري .
حته بقي بيقصف عمر الموتور و الكلام دا مالوش اساس من الصحه
انت مش عامل عمره للعربيه انت جايب عربيه زيرو و لو القرص دا بيقصف العمر كان جاب اخرها فورا مش بيجي مراحل.

[eldeplomasy]

طيب انا بالنسبالي ايه وانا عامل بيها 40000 ألف هل ينفع دلوقتي افتح الموتور؟؟؟

ولو فحته هيقفل تاني ولا ايه مع العلم ان سواقتي احيانا بشد واحيانا الغالبه عادي؟؟؟

[SAbuhashem]

هقولكوا على مثال
أنا لما اشتريت الانسر بتاعتي من كذا سنة كنت تاني مالك ليها وكانت مع واحدة ست كانت معدية ال-٥٠ ألف كيلو متر وأقصى سرعة بتجيبها ١٢٠ كم/ساعة!!
ليه علشان الست دي كان مشيها تاتا تاتا

فضلت وراها واحده واحده لحد ماوصلت لسرعات فوق ال-١٧٠ كم/ساعة

دة طبعاً قبل ما أقلبها وأعدلها .

فهمتوا قصدي إيه ؟

Thanks
Eng.Sherif Shaker

[eldeplomasy]

لا معلش وضح أكتر من فضلك

ازاي فضلت وراها وحده وحده لحد ما وصلت بيها ل170؟؟؟

[فادى]

التليين هو "تطبيع" للمحرك لو جاز التعبير, يعنى ايه؟
الخلوص بين الاسطوانة و المكبس صغير جدا طبعا, و لهذا فانه و نتيجة لأن دقة التصنيع لا يمكن أبدا أن تصل الى 100% تكون هناك بروزات فى المكبس, المفترض انها تحتك بجدران الاسطوانة.
لذا فان الحل هو ادارة المحرك بسرعة بطيئة حتى يتم تليين هذه البروازت بشكل لين, أى يتم تطبيعها.
لو تمت ادارة المحرك بشكل سريع, يزيد الاحتكاك, و بذلك يتم "قصف" هذه البروزات و ينكسر معها جزء صغير من المكبس و يقل عمر المحرك بشكل كبير.
و لا يوجد شىء اسمه سيارة "متلينة" من المصنع, لا يوحد مصنع يقوم بتليين السيارة.
ما حدث فى السيارات الحديثة, هو أن دقة التصنيع ارتفعت بشكل كبير جدا, لذا فان هذه البروزات اختفت و لكن ليس تماما, لذا تقول الشركات الأن أن سياراتها لا تحتاج للتليين, و هذه نصف الحقيقة, فهى أيضا تحتاج للتليين لكن مع عدد أقل من المحاذير.
و عموما التليين دائما أفضل, فلن تخسر كثيرا عند تليين السيارة.
و التليين الجيد يجب ألا تتعدى سرعة المحرك ال2500 لفة/ دقيقة, أو ال3000 لفة/ دقيقة بحسب قدرة المحرك, و يجب ألا يحدث صفع, كما أن المحرك لا يجب أن يتعرض لحمل عالى. كما يجب عدم الانطلاق بالسيارة قبل الوصول الى درجة حرارة التشغيل, و يجب عدم ترك المحرك يعمل عند سرعة ثابتة لفترة كبيرة.
و مدة التليين أساسية هى تقريبا 1000 كيلو أو حسب السيارة, يتم بعدها تغيير زيت التليين(و يتم تغييره بعد فترة قليلة لأنه يحمل الرائش الناتج عن عملية التليين), ثم تستمر بعدها الى 3000 الاف كيلو لكن بمحاذير أقل.
أما بالنسبة للتكييف فمعظم الصانعين لا يجدون مشكلة فى تشغيل التكييف أثناء فترة التليين, و لا مشكلة فى ذلك فى معظم السيارات.

[HeMa_LanCeR]

انا خالو جاب لانسر 2008 وسابها يومين دايره ولما راح التوكيل اللي في اسكندريه المهندس قالو دي احسن حاجه عملتها وبكده انت طولت عمر الموتور لفتره اطول
والله اعلم ,,,,

[eldeplomasy]

يومين متواصلين يعنى 48 ساعة شغل متواصل؟؟؟

طيب واستهلكت بنزين قد إيه فيهم؟؟؟

وهي أخبارها إيه دلوقتي؟؟؟

[aliabutaleb]

أنا عندي سؤال استغرابي بخصوص الآر بي إم في التليين
انا من عادتي إني مش باتجاوز الـ 100 إلا فيما ندر
ولما بيحصل ده أقصى حاجة باوصل لها 120
دلوقتي بقى في السيريون وانا على 100 كم/س الآر بي إم بيكون على 2500
فسؤالي بقى إزاي أفتح الموتور ساعتها
يعني واحد آخره 120 وآر بي إم على 2500 هايمشي على سرعة كام عشان يجيب 4500 آر بي إم ؟ :)
شكل كدة الواحد هايقول إنشالله ما عنه اتفتح
السرعة الزايدة دي تهور يا جماعة الله يسترها معانا جميعاً

[eldeplomasy]

هات الغيار الاصغر منه يعنى بدل ما انت ماشي على 100 والار بي ام على 2500 والغيار الخامس هات الغيار الرابع والسرعه برده 100 هتلاقي الار بي ام وصل لحد 3500 سقط غيار تاني وهات التالت وعندها هتلاقي الار بي ام وصل لحد 5500 او اقل حاجه بسيطة


بس انا اللى مش فاهمه علشان افتح الموتور لازم افضل جايب الار بي ام على 5000 مدة قد ايه؟؟؟

وهل ممكن بعد فترة شهر مثلا او اكتر يحتاج افتحه تاني ولا ايه؟؟؟