تسقيط الغيار

[meko0o]

سمعت كتير عن تسقيط الغيار(يعني ابقي علي الرابع و اجيب التالت ) ايه ميزتها و ايه عيوبها

انا سمعت اني لو باخد غرزه و العربيه سرعتها ماجبتش اسقط غيار فتزيد السرعه


ارجو الافاده من اهل الخبره و الاخص الاستاذ سبعاويييييييييييييييييييييي الي ممتعنا بمواضيعه



و شكرا

[mem]

تسقيط غيار يعنى لما تحس ان سحب العربية قل مثلا بسبب ان الطريق مطلع وانت كنت مش عامل حسابك
وعايز مثلا تعدى عربية نقل او تاخد غرزة فبتقوم مسقط غيار لو انت مثلا على الرابع تسقطه للتالت على شان يدى عزم للعربية وتقدر تجمع سرعة بسرعة وتقدر تتجاوز العربية اللى قدامك وهتلاحظ ان صوت العربية بيعلى فتحرق سنة على الغيار لغايت ما تتجاوز العربية اللى قدامك وبعدين تدى الغيار الرابع تانى

[meko0o]

تسقيط غيار يعنى لما تحس ان سحب العربية قل مثلا بسبب ان الطريق مطلع وانت كنت مش عامل حسابك
وعايز مثلا تعدى عربية نقل او تاخد غرزة فبتقوم مسقط غيار لو انت مثلا على الرابع تسقطه للتالت على شان يدى عزم للعربية وتقدر تجمع سرعة بسرعة وتقدر تتجاوز العربية اللى قدامك وهتلاحظ ان صوت العربية بيعلى فتحرق سنة على الغيار لغايت ما تتجاوز العربية اللى قدامك وبعدين تدى الغيار الرابع تانى

مشكور علي المعلومات


وده فيه حطر علي التروس

[MohammedAladel]

اكيد على المدى الطويل ليها تأثير لأنك بتحمل الغيار فوق طاقته عايز أعرف بقى يعنى ايه غرزة ؟؟؟؟؟؟؟؟؟؟؟؟

[meko0o]

[QUOTE=MohammedAladel;3874362936]اكيد على المدى الطويل ليها تأثير لأنك بتحمل الغيار فوق طاقته عايز أعرف بقى يعنى ايه غرزة ؟؟؟؟؟؟؟؟؟؟؟؟[/QU


غرزه ................................ يعني تعدي العربيه الي قدامك ده علي حد علمي

[mohamed_7amo]

بص يا باشا هى عملية حسابية سهلة جدا جدا جدا اى موتور فى الدنيا بيطلع الهورس باور بتاعو كامل على ار بى ام عالى 5000-6000 مثلا انت لما تبقى ماشى على الرابع الار بى ام بتاعك مثلا يكون على تلاتة لما تنزل لترس اقل منو هتلاقى الار بى ام طلع معاك لـ 5000-4000 وكده يطلع هورس باور اكتر ويديك سحب اعلى وعلى فكرة مش على اى ار بى ام تسقط نقلة عشان انت لو على الرابع وماشى على ار بى ام عالى وسقط نقلة المتور مش هيقدر يديك عدد اللفات اللى انت عايزها وكده ممكن لقدر الله يحصل فية حاجة اما بقى اضرارة انا شايف عن تجربة ان هو ملوش تاثير على الموتور نفسة لكن ممكن يكون لية تاثير على قواعد الموتور و شاسية العربية وياريت اكون قدرت افيدك

[mohamed_7amo]

فى حاجة كمان كل لما تبقى سريع فى نقل الفتيس كل لما العربية تجمع معاك اكتر عشان الدبرياج بيفقد جزء من اللى العربية جمعتو من سرعة