ما هو الاستبترونيك؟

[Ramy.Gamal]

بسم الله الرحمن الرحيم
كنت عاوز اعرف ايه الفرق بين الاستبترونيك والايزى ترونيك ولماذا هناك بعض المشاكل فى بعض العربيات ولا توجد هذة المشاكل فى العربيات الاخرى مثلا:
المازدا و الكولت والالنترا والميجان والباسات والاوكتافيا والجيتا مزودين بفتيس ستبترونيك ولا يوجد بيه عيوب عكس الكورولا الجنوب افريقى و الاسترا التى يوجد بها عند النقل نتش والفيتيس بيعلق فى بعض النقلات بالنسبه للكورولا .فكنت عاوز اعرف ايه الفرق من حيث الاستعمال وزهور عيوب فى بعض ناقل الحركه فى بعض العربيات هل بسبب سوفت وير لكمبيوتر الجير بوكس ولا بسبب اخر.ولماذا يوجد هذا العيب فى الكورولا الجنوب افريقى ولا يوجد هذا العيب فى الكورولا 1.8 المزوده بفتيس ستبترونيك ايضا الموجودة فى الخليج



____________________
تم النقل بمعرفة الاشراف...

[Powert]

لو عايز تعرف الفرق بين السبترونيك والايزي ترونيك

استخدم البحث في المنتدى وهتلاقي اكتر من موضوع بيكلم عنهم

[Ahmed Samy]

طبعا البحث هايفيدك أكتر بالذات في المنتدى التعليمي

و لكن ببساطة كده

الستيبترونيك : هو جير اوتوماتيكى البنية يمكن تحويل التحكم في النقل للوضع اليدوي

الإيزيترونيك و الـmmt : جير يدوي (مانيوال) له ترس و ديسك واسطوانة ولكن عملية النقل اللي هيا الفصل و التعشيق و الوصل بتتم عن طريق الكومبيوتر بمساعدة العديد من الحساسات

هذة الحساسات تهدف لتوفير الوقود +حماية المحرك+حساب العزم المطلبو من السائق و محاولة توفيره .......

المشكلة (برضه ببساطة) ان حماية الموتور بتنتصر دايما وسط المعادلة المعقدة و ده اللي بيخللي فتيس التويوتا يجيب الغيار N لوحده

[فادى]

الستيبترونيك يعتبر نوعا من الفتيس الأوتوماتيكى لكن بشكل أكثر تطورا, و ابتكرته شركة بورش الألمانية.و من تطبيقاته "توش شيفت" فى مرسيدس, و تو ترونيك فى بيجو.

أما الايزى ترونيك أو اسمه العام سيكونشال, أو "علب التروس الذكية", فهى التطور الجديدو و هو فتيس يشبه فى بنيته علبة التروس اليدوية لكن بتحكم الكترونى, و كان أول من ابتكره شركة فيات فى منتصف التسعينات, ليوضع فى سيارات فيرارى المخصصة لسباقات الفورمولا واحد, ثم كان أول تطبيق له فى السيارات المخصصة للانتاج التجارى فى سيارة الفاروميو 156.
بعد ذلك بدأت جميع الشركات تطور علب التروس الذكية الخاصة بها, و منها علبة أوبل التى تسمى "ايزى ترونيك", و بقيت الشركات اليابانية بعيدة عن هذه التكنولوجيا, الى ان طورت تويوتا أخيرا علبة التروس الذكية الخاصة بها التى تسمى اس ام تى, و لكنها دون مستوى علب التروس الأوروبية مثل "ديوال لوجيك" من فيات, و "دى اس جى" من فولكس, و هذا اللينك يقول ذلك :
Toyota MR2 uses Toyota's version, known as the Sequential Manual Transmission or SMT. Although it does not perform as well as the European-designed transmissions, Toyota's is the cheapest system to manufacture, and the MR2 is the least expensive car to possess a true sequential gearbox

http://en.wikipedia.org/wiki/Sequential_manual_transmission

و كلا النوعين يقدم للسائق خيار تبديل النسب من خلال أزرار مثبته خلف أو مع المقود أو من خلال عتلة تبديل السرعات, لكن علب ال" سيكونشال" تغير النسب بطريقة أسرع, و تقدم أداء أفضل من علب التروس الأوتوماتيكية, كما أن كفائتها فى نقل الحركة أفضل كثيرا.

[SAMER_ENGINES]

ازاي فتيس التويوتا يجيب N لوحده ممكن حد يشرحلي؟؟

[ringoo84]

ازاي فتيس التويوتا يجيب N لوحده ممكن حد يشرحلي؟؟

يعني ايه يجيب Nلوحده؟؟؟؟؟؟؟؟؟؟