طريقة تبريد السيارة من الداخل وقت الحر

[michohat]

طريقة تبريد السيارة من الداخل وقت الحر
قبل الدخول للسيارة والاحساس بلهيب حرارة الشمس هناك 3 خطوات يرجي تنفيذها
[youtube]http://youtu.be/Bgk2lClqejM[/youtube]

[michohat]

رابط الفيديو غير ظاهر ولذا ارفق رابط لصفحه الفيديو
‫طريقة تبريد السيارة من الداخل وقت الحر‬‎ - YouTube

[ahmed_zamalek7]

بس اعتقد والله اعلم ان لو طول الصيف قعدنا نقفل ونفتح فى الباب كده مفصلاته هتبوظ

[michohat]

معرفش ضررها علي المفصلات قد ايه بس انا كنت بعملها ساعات قبل ما اشوف الفيديو ده وكنت بعملها علشان اطرد الذباب الغلس من العربية

[mem]

اعتقد افضل الواحد يفتح الزجاج كله وينتظر بره العربية دقيقة وبعدين
يركب ويمشى دقيقة بردك وهو مفتوح كله وبعد كده يقفله ويشغل التكييف

[Zing0]

بصراحة أنا واحد زميلى قاللى أول متركب العربية (لادا و ما أدراك ما حرارة اللادا) إفتح الشباك اللى جنبك و اللى وراك, و فعلاً بأحس بفرق.

[maskeen]

طرد الهوا الساخن من العربيه مهم جدا جدا فى الاسراع بتأثير التكييف
الهوا جوا العربيه درجة حراراته ممكن توصل ل 60 درجه لو متسابه فى الشمس

احسن شىء الاتى:
-لما تركن العربيه اترك الزجاج كله مفتوح واحد سم بس من اعلى..ده لوحده كافى بتقليل الحراره الكامنه الى النص
-لما تدور, افتح الزجاج كله الاربعه ودور مروحة التكييف فقط (دون الكومبيرسور) على اقصى سرعه لمدة دقيقه ويكون دورة الهوا من الخارج وليس تدوير الهوا الداخلى...كده بتطرد الهوا السخن الى الخارج وبتبرد مواسير التهويه حتى درجه حرارة الجو الطبيعى (لانها بتكون مخزنه هوا سخن)
-لما تحس ان الهوا جوا العربيه بقى زى الهوا الخارجى اقفل الزجاج و شغل الكومبيسور على درجه معقوله 24 مثلا لمده 2-3 دقائق
-بعد كده سقع الحراره للدرجه اللى انت عاوزها وغير الدوره الى تقليب داخلى عشان تريح الكباس
-بعد كده اقفل

[SASA3]

ههههههههههههههه

الكلام ده لو حد شافنى بعمل كده هيقولى ايه عاوز العربيه تطير بابوابها ولا ايه :)

انا بقوم فاتح الباب على اخر ه و فاتح الازازى برضه ببص على الارض بلاقى الصهد باين على اارض و الله و له ظل !!!!!!!!!!!
و اركب اشغل المروحه من غير تكييف و برضه مبيبقاش الفرق القوى

[ahmed_zamalek7]

ههههههههههههههه

الكلام ده لو حد شافنى بعمل كده هيقولى ايه عاوز العربيه تطير بابوابها ولا ايه :)

انا بقوم فاتح الباب على اخر ه و فاتح الازازى برضه ببص على الارض بلاقى الصهد باين على اارض و الله و له ظل !!!!!!!!!!!
و اركب اشغل المروحه من غير تكييف و برضه مبيبقاش الفرق القوى

انا كنت بشوف الصهد بردو فى الارض تحس ان الجو بيغلى بس من بعد مركبت العازل الحرارى الصراحه مبقتش اشوفو لكن اعتقد موضوع مروحه التكييف وفتح الزجاج ديه فكره جامده فعلا

[michohat]

انا كنت بشوف الصهد بردو فى الارض تحس ان الجو بيغلى بس من بعد مركبت العازل الحرارى الصراحه مبقتش اشوفو لكن اعتقد موضوع مروحه التكييف وفتح الزجاج ديه فكره جامده فعلا

حضرتك ركبت عازل حراري انهى نوع و درجه و التكلفه كانت كام
وهل هو مفيد فعلا لانى بمطالعتي لتقارير من بعض المنتديات السعوديه والخليجية لم اجدهم يشكرون فى العزل

[ahmed_zamalek7]

حضرتك ركبت عازل حراري انهى نوع و درجه و التكلفه كانت كام
وهل هو مفيد فعلا لانى بمطالعتي لتقارير من بعض المنتديات السعوديه والخليجية لم اجدهم يشكرون فى العزل

انا ركبتو فى توب جير نوعه صن تيك امريكى عليه ضمان 5 سنين انا عندى العربيه بيجو 307 بانوراما اكلفت 1550
الصراحه العربيه وانا ركنها فى الشمس لساعات طويله بخش جواها بلاقيها سخنه بدو بس مش بشوف الصهد يعنى هو ميزته لسعه الشمس ديه مش موجوده خالص والميزه الاكبر مع التكييف لكن الصراحه ميستهلش 1550 انا مركبه شفاف