تسويد الكاوتش

[azmeralda]

اشتريت سبراى كده عشان يرجع الكاوتش اسود زى ما كان بس مش عرفة استع مله ازاى اخلى الراجل يفك الكاوتش كله والزق ورق عالجنوط مثلا وبعدين ارشه ولا يفكها من الجنوط اساسا ولا ايه

كمان لما بتبدلوا الكاوتش عشان التآكل يكون متساوى بتنقلوا اللى ورا قدام وخلاص بنفس الترتيب؟؟

[azmeralda]

حدش عارف؟؟

[windofchange]

تبديل الكاوتش علي حسب نوع العربية ومكتوب ايه فالكتالوج الخاص بها ان وجد...... واعتقد سبراي الكاوتش مكتوب عليه يستخدم ازاي ومعتقدش هيضر البوية لو خايفة ابقي امسحي البوية بعدية بفوطة مبلولة يعني او جلانس بس اكيد هتستخدميه بعد غسيل الكاوتش بالمسدس فالبنزينة

[saddam]

اشتريت سبراى كده عشان يرجع الكاوتش اسود زى ما كان بس مش عرفة استع مله ازاى اخلى الراجل يفك الكاوتش كله والزق ورق عالجنوط مثلا وبعدين ارشه ولا يفكها من الجنوط اساسا ولا ايه

كمان لما بتبدلوا الكاوتش عشان التآكل يكون متساوى بتنقلوا اللى ورا قدام وخلاص بنفس الترتيب؟؟

سيدتي العزيزة ده سبراي منظف ويزيل أوساخ الكاوتش مجرد حضرتك غسلة خفيفة للكاوتش عادية وبعدين ترشيه عليه حيبقه زي فوم أبيض حيغطي الكاوتش حتسيبيه وهو ينشف لوحده ربع ساعة بكبيره نص ساعة حيطير كل الوساخة وحيسيب لمعة للكاوتش يرجعوا إسود فاحم ولا يوجد بوية خاصة بالكاوتشات إسود ولكن موجود لمحلات تعديل متخصصة بوية ألوان لتغيير لون الكاوتش من إسود تقليدي إلى أحمر أو أزرق والحاجات دي

[Medo.Malek]

من غير فك الكاوتش ولا حاجة
بعد غسيل الكاوتش بالمياة و الصابون و ينشف
بترشيه على الكاوتش بشكل دائرى و بترشى من على بعد 5 سم او 10 سم و حاولى على قد ما تقدرى ما يسيلش منك عشان ما يلمش تراب و يبقى شكله مش ظريف

[azmeralda]

شكرا يا جماعة
طب ما انا لو رشيته وهو راكب هيبقى لون جانبى بس والجزء اللى بيمشى على الأرض والجزء اللى فى الداخل هيفضل زى ما هو -صح؟

[Ahmed A Rahman]

الجزء اللي بيمشي على الارض (المداس) ميترشش عليه منظف الكاوتش
لانه مادة شبة زيتيه بدل العربية ما تتزحلق
انا برضه على جنب الكاوتش منظر بس انما المداس حيفضل نفس اللون

بالنسبة لتبديل الكاوتش
الاثنين اللي قدام بيرجعوا زي ما هما ورا
يعني اللي ادام يمين ترجع ورا يمين
اللي ادام شمال ترجع ورا شمال

اللي ورا يطلعوا بالعكس
اللي ورا يمين تطلع ادام شمال
اللي ورا شمال تطلع ادام يمين

روحي بريدجستون وقولي عايزه اعمل Rotation
وهما حافظين الطريقة

[Land_Cruiser]

من غير فك الكاوتش ولا حاجة
بعد غسيل الكاوتش بالمياة و الصابون و ينشف
بترشيه على الكاوتش بشكل دائرى و بترشى من على بعد 5 سم او 10 سم و حاولى على قد ما تقدرى ما يسيلش منك عشان ما يلمش تراب و يبقى شكله مش ظريف

ده كلام سليم و ممكن بتاع الكاوتش اللى بيبقى فى البنزينه يعمل لحضرتك الحكايه دى لو مش عايزه تعمليها بنفسك و الموضوع بسيط. هو الهدف ان الجزء اللى ظاهر من الاطار اللى هو الجنب بتاعه يبقى شكله حلو و جديد و فى نفس الوقت ما ينشفش نتيجه لتعرضه المباشر للشمس فوارد ان ده ينشف الاطار و يخليه يشقق انما باقى الاطار فده اللى العربيه بتمشى عليه و بالتالى هو بيتعرض للاحتكاك و له عمر افتراضى مرتبط بسنه الصنع او عدد الكيلومترات المقطوعة بالاطار و ما يفرقش معاه سائل التنظيف فى حاجه يعنى كفايه عليه يغسل بالماء و الصابون كل فتره و كمان هو كده كده ما بيبقاش باين