سؤال فنى فى قيادة الاتوماتيك

[swimmer25]

الإحساس دا مش حقيقى العكس صحيح لو جبت ع ال n كدا حمل العربية والموتور وسرعتها على الفرامل أما لما تكون العربية واخدة الغيار االحمل على المحرك والفتيس وبالتالى بيخفضوا سرعة العربية لأنك مش دايس بنزين وبأقل مجهود للفرامل تقدر توقف العربية

جرب حضرتك وانت دايس فرامل ولما توصل مثلا لسرعة 40 او 45 افصل الفتيس وهات ال n واحكيلنا علي الفرق
انا عايز اقولك ان ده غلط من ناحية فنيات القيادة الأمنة مش من الناحية الميكانيكية بس انا بعمله لانه بيريح رجلي علي الفرامل وبيقلل من القوة المطلوبة للوقوف التام (مش متأكد أوي من الناحية الميكانيكية دي)

[MohammedAladel]

جرب حضرتك وانت دايس فرامل ولما توصل مثلا لسرعة 40 او 45 افصل الفتيس وهات ال n واحكيلنا علي الفرق
انا عايز اقولك ان ده غلط من ناحية فنيات القيادة الأمنة مش من الناحية الميكانيكية بس انا بعمله لانه بيريح رجلي علي الفرامل وبيقلل من القوة المطلوبة للوقوف التام (مش متأكد أوي من الناحية الميكانيكية دي)

وانت ممور هيبقى الحمل ع الفرامل أكبر وإنت ع ال دى هيبقى الحمل أخف ع الفرامل عن تجربة فى عربية أوتوماتيك حتى فى العربية المانيوال الدبرياج المفروض ما تستخدموش غير وقت نقل الغيار فقط يعنى ما تهديش بيه العربية عادى ترفع رجلك من ع البنزين وتحمل ع الفرامل بس طبعا بحساب وبعدها تنقل على غيار أقل الكلام دا على حد معلوماتى والله أعلم

[alaaosmanakl]

أنا هسوق اتوماتيك لأول مرة .
وفعلا عايز اعرف افضل توقيف للعربية .
لأني في المانيوال بمور العربية علي اي سرعة واسيبها لحد ما تهدي مع الفرامل وتقف .

[MohammedAladel]

والله المانيوال أحسن من الأوتوماتيك بس أنا عايز حد يجاوب على السؤال دا بس حد فاهم ميكانيكا كويس جدا طبعا أنا بديهى لما بقف بالعربية الأوتوماتيك بجيب على N عايز أعرف إيه الخطورة فى إنى أفضل واقف على d مبدئيا العربية مش هتبطل عشان محول العزوم بس هل دا ليه تأثير على الفتيس والموتور حتى لو كان تأثير بسيط على المدى البعيد أو عادى العربية مصممة لكدا ؟؟؟؟؟؟؟

[engamin]

هوة اللى مش متأكد منه ومقلقنى قصة المشى عال n
اصله لو عادى مكانوش قالوا ان العربية لما تعطل لازم تتقطر بونش عالعجلتين اللى ورا والا ايه؟

ان عندى فى كتالوج النيسان ملوحظة انى لو نازل منحدر ماجبش الفتيس على الوضع n بس ليه بصراحة انا معرفش بس هلتزم بكلام الكتالوج

[HeMa_LanCeR]

هقولكم علي حاجة
الأوتو غير المنوال في الغيار
يعني لو انت محمل الغيار في المنوال وبتدوس فرامل يبقي كده الغيار هيوقف معاك العربية اسرع
لكن في الأوتو مش بتساعد يعني مش هتفرق معاك مدي غيار او لأ
وموضوع انك لو لسة هتقف تجيب ال n
فا عادي جدا بس انصحك بلاش انا عن نفسي مش بعمل كده بس لو هقف اكتر من نص دقيقة يبقي بجيب ال n علشان ماتبقاش العربية محملة

[MohammedAladel]

كلام كتالوجات عشان نجيب من الآخر

العربية الأوتو تبدأ الحركة على d لكن مينفعش وإنت ماشى تجيب على ال N ليه الله أعلم أعتقد عشان دورة تبريد الفتيس بتكون واقفة لذلك عند جر السيارة فى حالة الأعطال الطوارئ فقط السيارة تتجر لمسافة لا تزيد عن 30 كيلو متر

وبسرعة أقل من 20 كيلو متر فى الساعة وهى على وضع N


دا تعديلا لكلامى السابق