ايهما الفيصل السعة اللتريه ام Horsepower

[ahmadSayed]

السلام عليكم

حاولت البحث فى اكتر فى من مكان فى المنتدى فلم اجد موضوع مشابه فأرجو الا يكون الموضوع مكرر

عند شراء سياره خاصة city car هناك تقارب بين السعه اللتريه مثلا

يعنى هضرب هضرب مثال

اﻷلتو 1100
سبارك 1000

لكن اﻷلتو

PS (61.0 bhp) @ 6000 rpm

ده حسب كلام الراجل الطيب ده

http://www.carfolio.com/specifications/models/car/?car=117040#a_engine

اما السبارك

PS (64.6 bhp) @ 5400 rpm

حسب كلام نفس الراجل اللى فات

http://www.carfolio.com/specifications/models/car/?car=172711#a_engine

المحصله ايهما افضل

يعنى دايما يسمع ان CC اعلى يبقى احسن نادر جدا لما بسمع حد بيكلم على قوة الحصان الا لما يكون ال CC قد بعض وكمان حاجه تانيه انا لاحظت انه مش بيكلم عن ال horsepower على طول لازم يبين عند كام rpm
انا حاسس اننى معايا دلوقتى 3 متغيرات

CC , rpm, hp

فأزاى اعرف قوة الموتور بالظبط

[Ahmed Selim]

قوة الموتور ببتعرف من متغيرين
القوة الحصانية
العزم

وكل واحد منهم بيوصل لأعلى قيمة له عند عدد معين من لفات الموتور Rpm

يعنى مثلاً
64 حصان عند 5500 Rpm و عزم Xxx عند 3600 Rpm
المفروض حضرتك تقارن قيمة المتغيرين دول لكل عربية بصرف النظر عن قيمة ال Rpm والسعة اللترية

[Ahmad Allawy]

احمد بك سيد..
موضوع السعة الليترية ده علاقته المباشرة باستهلاك البنزين.. و كل ما قل مع زيادة القدرة الحصانية يبقي افضل..
(ودع الاتجاه اللي فولكس بتعمله دلوقتي مع المواتير التيربو اللي بدأت تنزل هنا في مصر مؤخرا.. و مش فولكس بس.. شركات تانية كتير جدا منها فيات..)

الكلام اللي باقوله ده ممكن ميكونش مظبوط 100% بس ده علي قد فعهمي في الحكاية دي..
لكن بالنسبة للأؤقام اللي انت اجيبها.. هاجاوبك باللي اعرفه..
العربية السبارك كمثال بتطلع اقصي قدرة حصانية ليها عند 5400 لفة .. بينما ال الالتو بتطلعها عند 6000 لفة..
و القدرة الحصانية للسبارك اعلي عند عدد لفات اقل يبقي بدون جدالموتور السبارك افضل..
بس خلي بالك من نقطتين..
ان الواحد المفروض ميوصلش بالعربيتين دول للدرجة اللي يطلع فيها القدرة الحصانية القصوي للعربية.. اللي هي عند 5400 ولا 6000 لفة في الدقيقة.. و الا هتفرتك مواتير العربيات دي بعد فترة قليلة قوي..
الطبيعي في السواقة لحد 3500 او 4000 لفة بالكتير للحفاظ علي عمر الموتور لأطول فترة ممكنة..
تاني نقطة.. مش شرط عشان قدرة موتور السبارك اعلي عند لفات اقل يبقي الموتور ده عمره الافتراضي اكتر.. ممكن تكون سبايك و خامات موتور الالتو الاضعف نسبيا افضل و عمرها الافتراضي اعلي و علي المدي الطويل معمر اكتر... فهمتني؟

[Xpert]

read more :

http://318ti.org/notebook/torque/index.html

[zakiali]

موضوع مهم وممتع .









.

[FLYINGPEUGEOT]

مش مقياس خالص ان العربيه اللى سعتها اللتريه كبيره تكون اعلى فى الهورس باور...
ممكن عربيه 1600 cc تطللع 150 حصان
وعربيه 2000 cc تطللع 130 حصان

بس الفكره ان كل ما بتزيد السعه اللتريه بنقدر نحصل على اكبر عدد من الاحصنه بتحميل أقل على الموتور

مثلا لو موتور 1600 بيطللع 150 حصان عند 5000 rpm
هنلاقى الموتور ال 2000 cc بيطللعهم عند 4000 rpm

ودا مثال للتوضيح مش اكتر

[h_hezzah]

Horsepower is related to the Max Speed.
Torque is related to the acceleration.

So in daily driving higher torque at a lower rpm is better.

(I have no arabic KBD for those asking)

[islambana]

مش مقياس خالص ان العربيه اللى سعتها اللتريه كبيره تكون اعلى فى الهورس باور...
ممكن عربيه 1600 cc تطللع 150 حصان
وعربيه 2000 cc تطللع 130 حصان

بس الفكره ان كل ما بتزيد السعه اللتريه بنقدر نحصل على اكبر عدد من الاحصنه بتحميل أقل على الموتور

مثلا لو موتور 1600 بيطللع 150 حصان عند 5000 rpm
هنلاقى الموتور ال 2000 cc بيطللعهم عند 4000 rpm

ودا مثال للتوضيح مش اكتر

فهم من كده ان موتور زي موتور اليارس عمره قصير بالمقارنه بالمواتير الاخري 1300لانه سي سي 92 حصان

[فادى]

فهم من كده ان موتور زي موتور اليارس عمره قصير بالمقارنه بالمواتير الاخري 1300لانه سي سي 92 حصان

ايوه تمام.
المحرك الى بيطلع عزم عند عدد دورات أقل عمره أطول من المحرك الذى يأخذ عزمه عند سرعة عالية, و ده بسبب انو السائق لازم يرفع عدد دورات المحرك ليصل الى عزمه المثالى.
يعنى مثلا هتلاقى محرك 12.5 كغ.متر عند 3300 لفة/دقيقة, و 96 حصان عند 5500 لفة/دقيقة
و محرك تانى 13 كغ.متر عند 4800 لفة/دقيقة و 120 حصان عند 6000 لفة/دقيقة.
و ده معناه ببساطة انو المحرك الأول أكثر عزما من الأول(لأن السرعة أقل), و أقوى و أكثر احتمالا فى حالات الجر و التحميل, كما أنه أطول عمرا,
المحرك الثانى سوف يعطيك تسارعا عاما أفضل و سرعة أقصى أفضل, و لكن عمره قصير مقارنة بالأول و سوف يعانى فى المطالع و عند التحميل.

[islambana]

مشكوووووورررررر يا فادي باشا علي الشرح

[mo7amed_omara]

كنت عايز استفسر عن حاجة يعنى كدة ماتور الالتو 800 سىسى بيطلع 47 حصان يعتبر ضعيف قووووى و لا دة على حجم العربية بيكون كويس

[pure0pain]

يا جماعه انا خبرتى ضعيفه جدا فى المواضيع ده بس انا زى ناس كتير اوى بنحي المحركات و السرعه و الاحتراق فاكيد بنحاول نتعلم

انا كنت شغال عامل فى صيانه المحركات فى دار المرسيديس فى ليبيا و كنت برده بحاول افهم الحاجات ده من كلام ناس كتير ليا انا تقريبا فهمت

شوفى القوه الحصانيه هى معدل زياده السرعه بالنسبه للزمن يعنى مش السرعه فى الزمن لا زياده السرعه فى الزمن

انما السى سى بتدى راحه للمحرك اكتر مثلا فى المحركات اليابانيه المحرك ال1600 سى سى بيطلع حوالى 143 حصان بس ده فى عدد لفات بتعدى ال5500 بس فى الالمانى مش بشكل عمومى بتزيد السى سى المحرك ال200 سيسى بيطلع حوالى 150 حصان بس مع اقل من 4000 لفه فأذا زادت اللفات للعدد ال5500 اكيد حتكون الباور هورس اللى هى معدل الزياده فى السرعه بالنسبه للزمن اكتر بكتير

يارب اكون افدتكو انا اشتركت هنا مخصصا عشان ارد عالموضوع ده و شكرا

[MMamdouh]

الموضوع مرتبط بطريقة استخدام العربية.... لو انت حتستخد العربية فى داخل المدينة يبقى ركز على رقم العزم و اللفات اللى بيطلع عندها العزم دة

كل ما زاد العزم تحسنت القدرة على التسارع و بالتالى التحرك المتكرر من وضع الثبات فى اشارات المرور حيبقى افضل خصوصا لو التكييف شغال... كل ما كانت لفات الموتور اللى بيطلع عندها اقصى عزم اقل حيسهل قيادة العربية عشان مش حتحتاج تحرق على النقلات ولا تنقل نقلات كتير من الفتيس

لو العربية حتبقى لاستخدام الطرق السريعة حيبقى التركز الاكبر على القدرة الحصانية و طبعا كلام زادت كلما كانت دى ميزة و برضة قلة لفات الموتور ميزة لعدم اجهاد المحرك

العلاقة بين السعة اللترية و القدرة و العزم تعتمد على التكنولوجيا المستخدمة و تصميم المحرك نفسة فا عادى لما تلاقى عربيات نفس السعة و الفرق بين قدرتهم الحصانية كبير


MMamdouh

[Eng.Geo]

Torque@RPM
كل ما كان العزم عالي وعند عدد لفات قليلة كلما كان أفضل و أقوي
السعة اللترية مالهاش لزمة دلوقتي
كان زمان عشان الأستهلاك
دلوقتي تكنولوجي الموتور وانك بتخرج عزم كبير علي عدد لفات قليل بكدة الأستهلاك بيقل والقوة بتزيد