عاوز اتعلم سواقه - فيصل

[Mesmer]

السلام عليكم


إن شاء الله ناوى اشترى عربيه خلال 6 اشهر مثلا ، و نويت أتعلم سواقة اليومين دول واطلع رخصه وخاصه انى فاضى حاليا والله أعلم بعدين ايه النظام

الطلب الأول :-

أنا هدفى ابقى متميز فى السواقة يعنى عاوز اكون بروفيشنال ، لكن إن شاء الله ده مع الوقت ، المهم دلوقتى عاوز اعرف مركز تدريب كويس فى فيصل أو قريب من أول فيصل ويفضل لو حد مجربه.

واعرف التفاصيل بخصوص التدريب وبخصوص الرخصة.

الطلب التانى :-

عاوز افهم فى ميكانيكا السيارات واقدر اعتمد على نفسى قدر الأمكان واعتمد على الميكانيكى فى أقل الظروف الممكنه ، لو فى حتى كورسات تعليم ميكانيكا وهتقعد سنه معنديش مشاكل لأنى بحب السيارات جدا!

أما التالت :-

بالنسبه للمنتدى ايه الأقسام اللى هتفيدنى أنى افهم فى العربيات مع العلم معنديش عربيه دلوقتى ، وهل ممكن اتعلم بعض الحاجات النظرية ولا هيبقى غير مفيد لأن معنديش عربيه حاليا..؟


أشكركم على وقتكم فى قرائة طلباتى وأتمنى أنى ألاقى أجابه من حضراتكم.

[Mesmer]

مفيش أى رد طيب؟

[enghnoo373]

انا زيك ومن فيصل وبدور لو عرفت حد هعرفك وياريت انت كمان لو وصلت لحاجة تعرفنى وانشاء اللة الناس هنا هيساعدونا .....

[Mesmer]

إن شاء الله بس لو وصلت لحاجه

اعتقد الموضوع مش فى قسمه المناسب

[medododo]

في جنب جامع السلام في الهرم محطة مدكور مركز أوسكار
وعلى فكرة كلهم ذي بعض هي الفكرةإنه بيكسر الرهبة بس من السواقة والخبرة مبتجيش غير على عربيتك
وعليك والقسم التعليمي هنستفيد منه كتير
القــــسم التعلــــيمى - نايل موتورز - NileMotors.net

[أشرف العدوي]

مدرسة الرمرو في بين السرايات انا كنت ابتديت اتعلم فيها و بعد كدة واحد أستلمني 3 ايام تعليم على عربيته 131
و بعدت كدة عيشت انا مع نفسي
هو زي ما الاخوة قالولك الخبرة هتيجي على عربيتك
المدارس بتكسر الرهبة و بتعلمك اساسيات بس

[the lawyer]

انا اعارف واحد في المهندسين جامد أوي لو المشوار مش حيبقى صعب عليك قولي وانا اديك نمرته
هو الكورس 10 حصص بـ 300

[aboomar22]

فيه مدرسة ففيصل محطة المساحة الشارع اللى عند الملف اللى قبل مدرسة الصنايع لو انت ماشى فى اتجاه الجيزة

[Mesmer]

أولا شكرا ليكم يا جماعه على ردكم جداا


من كلامكم بتقولوا ان التعليم فى الأول ده مجرد كسر خوف وبدايه

يعنى يكفينى ادخل بيه امتحان السواقه وانجح؟

ومعنى كدا استنى على ما ابقى اجيب العربيه علشان ما اقعدش فتره بين التعليم وعلى ما ابدأ اسوق وانسى والخوف يرجع يعنى؟

في جنب جامع السلام في الهرم محطة مدكور مركز أوسكار
وعلى فكرة كلهم ذي بعض هي الفكرةإنه بيكسر الرهبة بس من السواقة والخبرة مبتجيش غير على عربيتك
وعليك والقسم التعليمي هنستفيد منه كتير
القــــسم التعلــــيمى - نايل موتورز - nilemotors.net

طب متعرفش كام حصه وبكام؟

مدرسة الرمرو في بين السرايات انا كنت ابتديت اتعلم فيها و بعد كدة واحد أستلمني 3 ايام تعليم على عربيته 131
و بعدت كدة عيشت انا مع نفسي
هو زي ما الاخوة قالولك الخبرة هتيجي على عربيتك
المدارس بتكسر الرهبة و بتعلمك اساسيات بس

طب انا مش هاجيب عربيه دلوقتى ؟ قدامى كام شهر .. استنى يعنى؟

انا اعارف واحد في المهندسين جامد أوي لو المشوار مش حيبقى صعب عليك قولي وانا اديك نمرته
هو الكورس 10 حصص بـ 300

10 حصص هالحق اتعلم ؟ وجامد من ناحيه ايه ؟

فيه مدرسة ففيصل محطة المساحة الشارع اللى عند الملف اللى قبل مدرسة الصنايع لو انت ماشى فى اتجاه الجيزة

فين بالظبط المدرسه اللى جمب محطه المساحه؟ اصل انا مش عارف فين مدرسه الصنايع دى واسمها ايه؟

[MohammedAladel]

السلام عليكم
مبدئيا أنا علمت نفسى القيادة ومحدش علمنى

كنت بسأل كتير عن كيفية عمل السيارة

لازم تاخد فكرة عامة عن السيارة ومكوناتها وكيفية عملها قبل ما تبدا عملى يعنى النظرى دا مهم جدا جدا

هتلاقى مواضيع كتير فى التعليمى أو إبحث على جوجل هتلاقىحاجات كتير هتفيدك

لو أتقنت الحاجات الأساسية نظرى هتركب هتلاقى الدنيا بسيطة شوية طبعا هتحس بخوف لأنك لسة جديد
أنا بصراحة محستش بالخوف دا مع عربيتى اللى اشترتها معرفش ليه مع إنى ما سقتش قبلها حاجة

جايز يكون عشان قرأت كتير عن تعليم القيادة

وممكن تسال هنا ونساعد بعض

[Hossam_hassan4]

انا اتعلمت السواقه في يوم و بعد كده سوقت لوحدي :).

و لو في فيصل فيه مراكز كتير عند شارع المطبعه و شارع ضياء

[Mesmer]

السلام عليكم
مبدئيا أنا علمت نفسى القيادة ومحدش علمنى

كنت بسأل كتير عن كيفية عمل السيارة

لازم تاخد فكرة عامة عن السيارة ومكوناتها وكيفية عملها قبل ما تبدا عملى يعنى النظرى دا مهم جدا جدا

هتلاقى مواضيع كتير فى التعليمى أو إبحث على جوجل هتلاقىحاجات كتير هتفيدك

لو أتقنت الحاجات الأساسية نظرى هتركب هتلاقى الدنيا بسيطة شوية طبعا هتحس بخوف لأنك لسة جديد
أنا بصراحة محستش بالخوف دا مع عربيتى اللى اشترتها معرفش ليه مع إنى ما سقتش قبلها حاجة

جايز يكون عشان قرأت كتير عن تعليم القيادة

وممكن تسال هنا ونساعد بعض

انا اتعلمت السواقه في يوم و بعد كده سوقت لوحدي :).

و لو في فيصل فيه مراكز كتير عند شارع المطبعه و شارع ضياء

شكرا على ردكم يا جماعه

بسر برضه ماحدش رد على باقى اسئلتى ؟

[akmm]

ومبروك التعليم والسياره مقدما .

[tahayt]

فى مركز اسمة الفارس كار فى اول شارع ابن بطوطة من ناحية فيصل
انا اتعلمت فية مع واحد اسمة تامر عبد الله على عربية بونتو موديل 94 (اخدت كورسين ورا بعض) و الراجل دة شاب صغير محترم جدا و هيعلمك كويس و انا بانصحك بشدة انك تتعامل معاة

[medomadamody]

طيب مفيش حد يعرف مكان فى اكتوبر