إصلاح البوجيه !!!!!!!!!!!!!!

[MohammedAladel]

السلام عليكم

كنت ماشى فى الشارع بالصدفة لقيت بوجيه مرمى على الأرض ميلت عليه وأخدته لقيته بوجيه Ngk اللى هو بيركب على اللانسر ال 1600 المهم البوجيه رأسه القلاووظ كان محطوط عليها من برا حتة كارتون

ما علينا المهم بعد ما روحت البيت مسكته كدا وقعدت أقرأ اللى عليه وأقلب فيه يمين وشمال

البوجيه الأقطاب بتاعته لونها أسود فحم ودا معناه إنه بايظ السن اللى بيتظبط منه الخلوص والسن التانى اللى عبارة عن حاجة مسطحة من فوق ومقسومة من النص بخط رفيع فاصل

رحت جبت حتة صنفرة صغيرة وشلت السواد اللى عليه

هل معنى كدا إن البوجيه دا أصبح سليم ؟؟؟


وسؤال تانى أنا لما أغير بوجيهات عربيتى وأجيب بوجيهات جديدة هل بتبقى محتاجة ضبط خلوص ولا بتبقى جاية جاهزة ومظبوطة على حسب نوع العربية ؟؟؟؟

[akmm]

اى بوجيه له عمر افتراضى حال التشغيل فى الظروف الطبيعيه .. بمعنى مايغرقشى زيت من موتور خفيف ... وبانتهاء العمر الإفتراضى له او قربه تقل ثم تنعدم كفاءته تماما ولايقوم بوظيفته الأساسيه من توليد الشراره الكهربائيه التى يجب ان تؤدى الى الإحتراق للوقود لتوليد الطاقه ... ولايجدى معه اى عمليه تنظيف للجسم الخاص به كما فعلت سيادتك .... وتحياتى